Hun engemaw chen an reh hnu-ah Hard Ray chuan music video thar nena rawn kir leh an tum a, an inbuatsaih mek.
Hard Ray hian 2008-a an album 'Hringnun'-a hla pakhat 'Min Hlan Rawh' tih chu video siam tumin hma an la mek a, he hla hi record \ha lehin, music arrangement pawh an thlak nual a, original kha a hniam an ti deuh a, an record thar lehah chuan a key an san ta.
Hard Ray hian music video panga- 'Hringnun', 'Thinlai Luahtu', 'Vawng Zel Ang', 'Engtin' leh '|hahang Ngaihnobei' te an lo siam tawh a, an video parukna tur hi a dang zak dawn a nia!
Hard Ray bassist Mawitea chuan, "He hla hi video siam lova han ral tir ringawt chu kan ui a, a tlai deuh tawh viau nain kan thar thawh leh ta a ni," a ti.
Video hi an tan a pawimawh dawn khawp mai. Mawitea chuan, "Video hi a fuh chuan kan band tan pawh a phurawm dawn a, kan hmalam hun hriltu tur te pawh a nih theihna chen a awm ang," a ti bawk.
Hard Ray vocalist Manuna chungchangah hman deuh khan sawi neuh neuh a awm a, Manuna'n solo project te a lo nei ve leh bawk nen, band a\angin a chhuak ta ni awma sawi te pawh a awm. Mahse, Mamuna hian band a chhuahsan lo, Hard Ray video thar-ah pawh hian a tel dawn a ni.
Wednesday, September 14, 2011
Hard Ray comeback video 'Min Hlan Rawh'
Subscribe to:
Post Comments (Atom)
No comments:
Post a Comment