Kum 1962 khan rimawi lama inhmang tir te rawlthar pali hi Decca recording company thuneitu lu executive-ho hmaah audition an nei a. An vawikhat tihna a ni bawk a, an zam hle nghe nghe a ni.
Decca company chuan recording an lo tihsak mial beiseina sang tak nei mahse Executive-ho thiam tih zawng an ni lo chiang lutuk a, an hnawl ta nghe nghe. Chumai a ni lo a, executive pakhat chuan phei chuan, "An chhepchher ri khan min ko lo hrim hrim a. Tingtang an perh vak vak a nih ber kha," tiin a sawi a. Chumi tuma an hnawl tak group chu 'The Beatles' tiin a hnu lamah khawvelin a hre zui ta a ni.
Kum 1944 khan modelling lama luh tum pakhat Norma Jean Baker-i chu Blue Book Modelling Agency a director Emmeline Snively-i chuan, "Khualchhawn lam hna emaw ngaihven zawk la, a nih loh pawhin pasal zawng la i tifuh zawk ang," a tih khum a. Mahse, chu nu chu a beidawng duh lo a, a hnu lamah chuan Marilyn Monroe tiin khawvelin a hre zui ta a ni.
Kum 1954 khan Grand Ole Opry manager Jimmy Denny chuan zaithiam a rawih thar pakhat chu a vawikhatna atan mipui hmaah a zaitir a. Thiam lo a ti ngang ni tur a ni, "Ka nau, engmah i ang dawn lo tawp mai. Chuvangin, i hna ngaiah kir leh la lungawi takin truck khalh leh mai rawh," a ti erh mai a. Mahse, chu tlangval chuan theihtawp a chhuah zui zel a, Elvis Presley tiin khawvel pumin an hre ta a ni.
Monday, June 14, 2010
Hlawhchham thin, mahse tlawm duh lote hian Hnehna an chang thin
Subscribe to:
Post Comments (Atom)
No comments:
Post a Comment