¢ Hmingsanga
Dr. BC Roy Trophy (U- 19) National Football Championship vawi 46 na chu Mandya, Karnataka-ah December ni 20, 2009 - January 10, 2010 chhung hian khelh a ni leh dawn ta. Tun tumah hian team 30 vel tel tur a beisei a ni.
Kum dangah chuan preliminary round hi zone hrang hrangah khelh a ni thin a, kuminah hian hmun khatah vek khelh a ni ang. Group 8-ah then an ni a. Group tin atangin point hmu sang ber theuh te quater final an lut ang. Mizoram chu cluster VI Uttar Pradesh,Madhya Pradesh leh Pondicherry te nen an awm tlang.
Mizoram hian kum 1995- 96 ah khan a vawi khatna atan final kan lo lut ve tawh. Final-ah West Bengal nen intumin 4 - 0 in kan chak lo. He tournament-ah hian Mizoram goal keeper Zothantluanga chuan final khelh laiin Bengal striker tlu sual palh, thih hlauhthawnawm khawpa na chu inkhel lai pawh ngaihtuah hman mang lova a buaipui avangin fair play award leh pawisa fai a dawng nghe nghe a nih kha.
Kumina Mizoram pool-a awmte hi chuti takin tum dangah pawh team tha an ni ngai lo. Hetia han thlir mai chuan Mizoram hian quater final luh theihna chance tha tak an nei niin a lang. Nikum khan he tournament hi Bhilai, Chattisgarh-ah khelh a ni a, Jharkhand chuan final-a an khingpui Manipur chu 2-1 hnehin champion an ni. Kuminah hian Cluster I awmin Maharashtra, Tripura te nen an awm tlang.
Saturday, November 21, 2009
U - 19 National Football Football Championship
Subscribe to:
Post Comments (Atom)
No comments:
Post a Comment