Monday, November 16, 2009

Mizoram pawna lar Mizorama

¢ Hmingsanga

Pink City tia khawvelin a hriat lar Rajasthan khawpui Jaipur hi November ni 18, 1727-a Maharaja Sawai Jai Singh II din a ni. Tunah hian mihring maktaduai 2 vel an awm. Mi thenkhat chuan Paris of India ti hial pawhin an sawi thin.


Chu khawpuiah chuan rimawi leh lemchan lamin hmun pawimawh tak a chang. Indian music ngainatu tam tak awm mah se, chu khawpui tlawha zinte lo awi tlei turin Indian music chauh a tawk lo. Khawthlang music pawhin hmun pawimawh a chang a, hotel changkang leh puipunna lianah chuan khawthlan music hi a pawimawh hle reng a ni.

Chu khawpuiah chuan Mizo tlangval pathum leh Naga nula pakhatin rimawi tumtu pawl an din a, an hmingah MIZORAMA tih chu an vuah ta a.

Rimawi khawvelah Mizote pawh kan chim chin a sang chho ve zel a, Mizoram pawn lam thleng thlengin 'chanchin tha' sawi tur kan nei ve thei ta zel hi thil lawmawm tak a ni. Mizoram pawnah eizawnna tling a nih avangin thalai engemaw zatin rimawi hi eizawnnan an hmang ve ta. Tuna an chanchin kan sawi tur MIZORAMA band te pawh hi rimawi hmanga eizawng an ni.

Mizo-in band kan nei zingah Magdelene te chuan India ram pum huap intihsiaknaah pawh lang phak khawpin an hming an chher tawh. Tunhnaiah Boomarang te chu India ramah an hming hriat a ni leh a, Mizo tlangval Joseph-a telna band Theme Clones pawh an hming a thang viau bawk. He'ng mite hian fak an phu a ni. Joesph-a guitar perh ri pakhat phei chu Airtel-in caller tunes pakhat atan a hmang tawh nghe nghe.

Blues, rock, funk, reggae leh genre dang dangte chu MIZORAMA te lungrualna a ni. MIZORAMA band te hian Free, Bad Company, Deep Purple, CCR, Queen, Pink Floyd, Led Zeppelin, Eric Clapton, Rainbow, Eagles, Rod Stewart, Paul Rodgers, The Who, Jimmie Hendrix, The Beatles, Rolling stones, BB King, Muddy Waters te an ngaisang hle.

MIZORAMA member-te

FELA- BASS GUITAR, VOCALS (FRONT MAN)
NANCY- VOCALS
MAPUIA- LEAD GUITAR
FELA FANAI- DRUMS
KIMA- RYTHM GUITAR (GUEST)
ADITYA- MANAGER, VOCALS, GUITARBIO

Fela: Fela hi kum 10 mi vel a nih atanga rimawi tuipui tawh a ni a, Black Bird, Living Soul (Gospel), The Gentle Lambs, The White Byrd, Torn Strap, The Oceans Band, Alab Band ah te pawh lo tel tawh thin a ni.

Mapuia: Mapuia pawh hi kum 7 a nih atanga rimawi khawih tan tawh a ni a, The White Byrd, Torn Strap, The Oceans Band, Alab Band-ah te pawh a lo tel ve tawh a, Springfield School, Jaipur-ah music instructor hna a thawk bawk. Mapuia hi Mizorama cable TV pakhat Skylinks-in guitar perhthiam thlanna an buatsah Gold Finger-ah khan pahnihna a ni nghe nghe.

Nancy: Ani hi Nagaland-a awm niin, blues leh soul lama tui tak a ni.

Ngheta Fanai: Ani pawh hi blues drummer thiam zet mai a ni.

Aditya: Jaipur chhuak niin, recording studio 'Morchang Studio' a nei. Mizorama band producer, promoter leh manager nih a kawp vek. Ani hian Rajasthan atangin musician thanhnem tawk tak a lo chherchhuak tawh.

An perform hmasak ber chu October ni 7, 2009 kha a ni a, Jaipur-a Hotel Clarks Amer-a Blues Music Festival-ah an tel a, original leh covers bakah instrumental te an thlawh. A video pawh rei lo teah peih ang. Chumi hnuah 5 Star hotel Maurya Sheraton Hotel, Delhi-ah an inlan leh a, hemi tum phei hi chuan Jeremy (Sum Sum band, Israel) te nen zai hoin Jeremy hian saxophone a tum sak.

Mizorama Band hian hriat an hlawh chak hle a, tunah hian show hrang hrangah inlan tura sawmna an dawng nual tawh a, an band pawh Morchang Studio, Jaipur-ah an practice tluk tluk e.

Fela. Ngheta Fanai, Mapuia leh Kima te hi unau piang hmun, MLA hlui F Lalzuala fate an ni.

Related Posts :



4 comments:

  1. Oh my gooԁness! Impreѕsiѵe article
    dude! Thanκ you so much, Ηoωeveг I am goіng thrоugh problеms wіth yοur RSS.
    I don't understand the reason why I can't subscгibe to it.
    Is theге anyone else having the same RSЅ problеms?
    Anybοdy who knowѕ the answer ωill уοu kinԁly reѕpοnd?
    Thanx!!
    Here is my page ; http://www.Googabox.com

    ReplyDelete
  2. Third, distributors are so confident in its skills that they provide money back guarantees for persons who
    attempt it out.

    Here is my webpage ... the flex belt Reviews

    ReplyDelete
  3. The state of the aгt flex belt, аttempt it you wіll not regret іt.



    Hеre іs mу webpage Recommended Web-Site

    ReplyDelete
  4. The flex waistband wants a load of shoppers.


    my page http://kailashand.in

    ReplyDelete