Korean Film-in Hmarchhak A Nuai E

Kum 1990 chho vel atang khan India ramah culture dang buaipui boruak a lian chho tan hle a. Liberalization leh lobalization min nuai tak tak hnuah phei chuan Indian society pawh a buai nuaiha ni ber hi. A bik takin North East India ngat phei chu a nasa zual hle.

Globalization leh information leh communication technology lama revolution chuan North East state te chu a khawih nasa hle.

Manipur pawh ram buai ni chung chungin a khawih nasa hle a. Cable TVchuan nasa takin mihring nunphung leh thlir dan a sawi danglam a ni. A bik takin Korean thil vel chuan a sawi danglam nasa zual a, hei hi 'Korean Wave' tih a ni.

'Hallyu' he thu hi Chenise media tena tawngkam anphuahchhuah a ni a, a awm zia chu 'Korean Wave' tihna mai a ni. Korean popular culture chak zia leh thil tih theihzia chu an hai lo, music, movies, drama, online games leh incheina bakah an ei leh in thlengin.

Heti taka Korean ho lar hluai intanna bul chu kum 1987 a South Korean elections leh 1988 a Seol Olympics kha a ni antih daih chu!

Korean Wave tih kum 1990 tawp lamah khan ram danga Korean thil vel lar chho ta viau sawinan China-ah hman tan a ni a. A bulah tak chuan Korean TV dram leh an pop music China leh Hong Kong a a lar chhoh atanga intan a ni.

Television drama atanga pop music, online games etc South Korean company te chuan Asia a ram dang te hmuhnawm tih leh ngainat tur hlir chu an tichhuak emaw tih mai tur a ni.

India rama Korean Wave thlen dan pawh hi phase hnih angin a sawi theih ang. A pakhatna chu Korean economic wave angin a sawi theih ang a. Kum 1990 chhoa Indian market in liberalization a buaipui hnu khan Korean Company Hyundai, LG, Daewoo leh Samsung te kan hmel hriat tan a. An lo luh hnu reiloteah India ram khawi hmunah pawh hmuh turin an awm nghal a, household name anni ta hawt mai.

Phase hnihna chu Korean Culture Wave tiin a sawi theih ang. Kum 2006 May-June inkar khan Korean palaite chu India ramah an lo zin a, an tum ber chu Korean Wave India rama thantir a ni.

A tum khatna atan Korean drama 'Emperor of the sea' chu DD-I ah 23rd July 2006 khan tihchhuah tan a ni. Chumi hnuah MBC ho drama 'A jewel in the palace' chu DD-I ah vek 24th September 2006-ah tihchhuah leh a ni.

India rama an company liante an rawn inbun tak hnuah chuan Korean tawng zir leh tiam duhna pawh a lian chho hle a, a chhan chu Korean tawng thiamte tan chuan hna hmuh a awlsam zawk vang a ni.

India ram ril zawkin Korean Wave a man dan aia hma leh ril zawk mah hian North East State-ah chuan Korean Wave hian thu a sawi nasa zawk thung.

Cable TV a lo chuak a, chu chuan nasa takin thu a sawi a ni. A bik takin Korean channel Arirang chuan Mizoram mai ni lo Manipur-ah te pawh Korean Wave a thlentir tak tak zawk a ni.

Manipur-ah chuan Arirang a lar viauna chhan hi Manipuri ho duh em em Hindi Satellite channel chhuah phalloh vang a ni. Hei vang hian thil dangen tur anzawnna lamah Arirang hi an lungrualna ni taah a ngaihtheih nia sawi a ni. A bik takin ei leh in leh incheina leh pian ziaah te in anna a lo awm nen chu chuan nasa takin ngainat a hlawhphah nia sawi a ni bawk.

Kum 2000 khan Doordardhan tihloh chu Manipur hel tenHindi television chanel leh hindi film eng pawh chhuah an khap a nih kha, kha vang khan Cinema hall tam tak chu a ruak huai a, school leh shopping mall-ah te an letta vel mai mai a ni.

Hei mai bakah hian South Korea movie te chu tlawm zawk leh changkangzawk si chu Myanmar kaltlangin lei theih rengin a awm a. DVD pakhatah pawh film tam tak awmin romance, action, thriller duhthlan tur a lo awm nen chu chuan nasa takin awmzia a nei bawk.

Chubakah India in Look east policy tihhlawhtlin a tum vangin khawchhak nena sumdawn tawnna lamah a rilru a pe a, chu chuan nasa takin pirated movie, film te a lak luh a awlsam phah em em bawk.

Korean movie te hi 'hallyuwood' an ti mai a. Bollywood a luah lan hnuah Hollywood pawh luah lan lehin tleirawl te te hmuiah chuan "The Classic", "Windstruck", "You are My Sunshine", "A Moment to Remember", "Love so Divine", "My Sassy Girl", "Autumn in my heart", "Fullhouse", "Boys over flowers" te chu a ri ta reng zawk a ni.

Gweon Sang-woo, Cha Tae-hyun, Jeon Ji Hyun, Jung Da Bin and Song Seung Hun te poster chuan Shah Rukh Khan, John Abraham, Rani Mukherjee, Aishwarya Rai te chu a luahlan tawh a.

Korean tawng thiam a ngai reng reng lo. Arirang an enfo hnuah chuan tleirawl zawk te chuan Korean tawng hmang te, an ei leh in te, an incheidan te, an chet dan phungte chu an la chhawng tawh mai a ni.

North East a heti taka Koreanthil a larna chhan chu kan in an em vang nia sawi a ni a. An he zia leh pianhmang te leh kan thil duh leh nunphung-ah in anna nasa tak a awm vangin ngainat an hlawh nia sawi a ni bawk.

Tun hma chuan American dream a lar a, tunah erawh Korean dream a lar tawh zawk nia sawi a ni bawk a.

Related Posts :