Saturday, November 21, 2009

Hnathawk Tlak Lo

US president 25-na William McKinley khan a hnuaia hna pawimawh tak mai thawk tur a thlang dawn a. Thawk awm tak mi pahnih zingah duh zawk thlan tur hre loin a buai hle a.

Chu hna thawk tur chuan an tha ve ve si a, tih dan tur rei tak a ngaihtuah hnuah a hre chhuak ta.

Tum khat chu President McKinley chu streetcar (rel te chi, khawpui chhunga tlan, India ramah chuan Tram an ti) tawt tak maiah a chuang a. Chutah chuan hna pawimawh thawk tura a hual pakhat zawk pawh chu a chuang ve a, mahse chu pa chuan a rawn hmu ve lo thung.

Chutih lai chuan pitar pakhat inpawm bawr tak mai hi a lo lut ve a, thutna tur zawngin a hawi kual ruai a, a lo khat vek tawh si. A bula thu, president-in dinhmun pawimawh chelh tura a hual pa chuan chu pitar hawi kual vel chu thutna ken pawh tum chuang lovin ngawi rengin a hre lo der tlat mai a. Pitar mangang tak mai chu President McKinley chuan a thutna a kian ta a.

Chu thil thleng avang chuan McKinley chuan streetcar-a chuang pa chu a hnawl a, pakhat zawk chu hna pawimawh chelh tur chuan a thlang ta a. "Kha pa khan ngilneihna a tlachham deuh a, he dinhmun chelh tur hian a tlak loh," tiin a sawi.

(Paul F. Boller, Jr ziak "Presidential Anecdotes"-a mi lehlin a ni. Lalthlamuana Ralte)

Related Posts :



1 comment:

  1. Pawngpaw hmanhmawh leh tul vang hmanhmawh ve hrim hrim tan pawh hetianga thu tha, kal paha hmawm zeuh zeuh theih chi mi chhiar a hlawh fu fo... a tha hle mai.

    A chang chuan ruaipui ianga puar el awla ei tur chi thu pawh hi a tha tho bawk.

    ReplyDelete