Monday, October 5, 2009

Thalaite Khawvel hi

¢ Mimi Renthlei

Kum 2009 a lo ni ta bawk a, khawvel inher danglam dan chu ni tinin kan hmu a, kan hriat belh zel bawk a. Globalisation an tih, khawvel hmun hrang hrang engti kawng zawng pawha inhriatpawh theihna hian khawvel nunkawngah kawngro a su nasa a, keini Mizorama chengte tan pawh hian a danglamna a thlen nasa hle mai. A then a tha zawngin, a then a tha lo zawngin; amaherawhchu tun tum chu thil tha deuh mai, thalaite'n tunlaia an uar em em, online chatting, online Community, phone messaging etc ho hi ziah zai ka'n rel a.

Lol, XOXO, TTYL tih te hi thalai thenkhat chuan an uar em em a, a then chuan an la man chiah lo mai thei. Heng lamtawite hi chatting hrat leh messaging hneh tak takho hi chuan an hmang hrat ve khawpin ka hria. Tunlai serial lar em em mai - 'Gossip girls'-ah phei hi chuan an uar 'over tops'!! (Lol=laugh out loud. XOXO=Hug Kiss Hug Kiss, TTYL=Talk to you later). Nikum hmasa vel khan ni tain ka hria, ka nau hian XOXO tih hi a rawn thawn tel a, a message-ah, enge a awmzia ka han zawh chuan min ngaihzia a lo lantir nan XOXO a lo ni reng mai a, a hlimawmin a nuam kha ka ti ta phian a.

Dik tak chuan Mizoram hi nuam ti em em mah ila, thalaite kan tawtzia hi chu midang tam takin an sawi tawh thin a, han zau huau lah kan la zo bawk si lo a, mahse, keimahni tawkah kan hlimna tur hi kan zawng ve zel a, tun thleng hi chuan kan duh dan ni si lovah lungawi dan tur kan zawng hi a ni ber a.

Tum khat chu kan cousin pakhat hian Chennai-a an hostel mess chungchang a sawi naah,"Kan chawhmeh chu tui lo lutuk, mahse ei a ngai sia, satisfied lo deuhin kan puar thin," a ti a, chutiang deuh chu Mizo thalai nun pawh hi ni vein ka hria. Amaherawhchu, heng a hmaa ka sawi tawh internet te, mobile phone te a lo awm ta hi a nuam ve ta riau asin. A ti nuam vek ka ti lo, mahse tlem a zawngin a nuam ve deuh hehehe......cethiam mai m?

Tichuan Mizoramah chuan 'chatting' uar lai kha a awm a, Aizawl chat, mizoserver etc. Tupawh kha hming eng engemawni inphuahin an han ck kual vel a, hmelhriat miah loh nena han inbiak vel char char te kha nuam hranpa ti riau kha an tam a nia! Orkut, Hi5, Facebook, Myspace, tin, tunhnai deuh khan Twitter tih te a'n rawn lar leh tak tak a, Mizo phaia awmte phei kha chuan account kha an nei ngei ngei deuh thaw a lo nia, chuan mobile phone a rawn chhuak a, kan han vawn fur hnu-a ka rilru-a rawn lut ta chu, thalai tam tak hi kan lo zakzum hlein ka hria tih hi a ni. Han sawi dawt ai chuan han hmeh neuh neuh hi kan tum ta furin ka hre ta...lol..Eng nge a nawmna lai tak hi? A tu a te pawh hi han zawt ila, sawi tur mumal pawh an hre chuang lo, an nui vur vur a,"A nuam ve tawp," an ti mai thin. Chuvang chuan kan thalaite'n hetia hlimna an hmu hi ka lo lawm ve tawp a, phone bill leh internet bill kha a awm tih chu hriat vek a nia, mahse kha kha chu ka'n ngaihtuah a, kan hlimna te hi a pawimawh zawkin ka hria. Chu bakah a tawka hman thiam dan zirtir kha bill petu te kutah a innghat vein ka hria.

"Frenzo" te hi kan sawi zel ang a, Zoram thalai tam tak tunlaia thian an inchharna hmun hi a him nge him lo chu ka hre lo a, mahse, a buaipuite hi chuan an buaipui viauin ka hria. Chuvang chuan kan thalaite hi nuam kan tih zawngah hian kan inven thiam tel a ngai tih kha i theihngilh lo hram nag u. Kan mualphona te hi thil ho te te-a kan ngaih, a hnu- a ho vak lo hi a tam tih hria ila, kan fimkhur leh kan tan kan fimkhur loh chuan midang nuih bur kan ni mai dawn si a.

Community te han neiha thiante nena fiamthu nuihzathlak tak tak han inthawn kual vel te hi a hlimawm duh hlein ka hria. Kan khawvel a changkang tawh a, Zawlbuk-a thutkhawm atangin Facebook kan kai ta der a nia. Chuvang chuan kan khawvel a danglam tawh ang hian kan thalai nun danglam zel hi min hrethiamtu kan mamawh rualin min venghimtu pawh kan mamawh tel reng a ni. Chuti chuan changkanna kawngah mi tluknaa tlu lovin nghet takin kan kal theih ka ring tlat a ni.XOXO:)

Related Posts :



6 comments:

  1. "...chuan mobile a rawn chhuak a" mobile hi Orkut, Hi5, Facebook te hnu a chhuak tihna mi.. ?

    Mizo (thalai ker lo pawh) regular taka tweet an tam lo khawp mai.

    Tin US teen ah Morgan Stanley survey ah pawh teenager hian twitter an hmang mang lo.

    ReplyDelete
  2. benjamin, i va han ti kher kher em!! Chass ei loh chiin i khawsa tlat...hrethiams? I hriatthiam poh ka ring lo...haha!!

    ReplyDelete
  3. He'ng internet lama thian zawnna leh inkawmna ang chi hi thil tangkai lutuk a ni a, mahse Mizote chuan kan hnam leh rilru leh thlarau a la naupan em avang hian sualna, hur leh nghalna, Pathian rinlohna a thlen zel rih ang. Mahse, heng hmasawnna lo thleng zel hi a tha... a chhan chu - Mi tak, mi puitling, mi rintlak, mi fel, Pathian rinna nei tha an awm zelna tur a ni.

    ReplyDelete
  4. lol.... ka van se thiam lo neih nuai veeee

    ReplyDelete
  5. Pawi hlei nem, diktaka kan hman te chuan le...

    ReplyDelete