Nui Lawks 18

# Tlangval pakhat pawhin, "Nghathu hi engtin nge mi hian tui an tih theih le? Kei chu tlawn 20 ka ei paw'n tui ka ti ve thei lo reng reng," zu tia!
- 9612589095

# Liani: Tunlai chu kan tlangval pawh camp-ah lutin a insiamtha ve hlauh mai a, kan lawm khawp asin!
Piani: A nih tak chu mawle! A reng rengah tun hma khan a lo insiamchhe char char a ni maw? A va han peih mai mai ve!
- 9862577575

# Nu: Mama, chhuak suh, ruah a sur ang.
Fapa: Engah nge maw ka chhuah vanga ruah a sur ngawt ang le?
- 9862375770

# Pa pakhat kha a tlawmngai khawp a, a fate pawh an tlawmngai lo ang tih a hlau hle. Kristian Hlabu-a "Kan zain i thawk ang u" tih te kha a fate sak a phal lo, "Mahnia thawh mai tur, midang phur tur a ni ngai lo e," a ti tlat.
- 9436159317

# Mi pakhat pawh kha a ‘chat’ hrat lutuk a, fiamthu titi khawmna vela a han nuih te hian ‘LOL’ a ti tawh vel...
- 9436146287

# The Hunt kha a lo hre ve a, a hresual nasa hle, "Engemaw a awmzia ni... thangtharho hi, thil mak tak tak hi in ching a, inzaisiakna hminga 'Tahan' han tih tlat mai te chu!" a lo ti ve bai bai.
- 9862375770

# Kan chanchinbumi chhuanawm tak takte hian news in ziahin a lehlam lehlam interview thin se ka ti ngawt mai. Entirnan - rulnganin mi a chuk tih te an ziak a, a tuartute lam thusawi ringawt chu a rintlak loh thei, a rulngan lam te pawh interview ve hram hram thin ni se!
- 9436140037

# Nu ber chuan a pasal hnenah chuan, “Ka lo nei ta kher kher hi chu ka va inchhir tak, kan inneih lai khan ka lo â awm ngawt mai,” a lo ti vel hlaih hlaih a. An pa chuan, “A dik lutuk, ka ngaizawng nasa thin em mai che a, ka haider mai mai alawm,” a lo ti ve hmak.

Related Posts :