Chanchin Maksak 38

Khuanu raut D
British prime minister hmingthang Sir Winston Churchill-a leh a fapa Randolph Frederick Edward Spencer Churchill (1911-1988) te kha an inchhun pafa hle nia sawi a ni.

Randolph Churchill-a hi a pa ang bawka pa tum tlang leh \awnghmang thiam a ni a, chanchin hlimawm tak tak pawh a ngah hle. A nupui nena an inchhar dan te hi a dangdai asin.

1929-ah khan, October-ah, tlai lamah Randolph-a hi London-a Ritz Hotel-ah a tei lut a, a \hian hlui Lady Mary Dunn nen an inhmu hlawl mai a ni awm e. Randolph-a chuan zanriah eipuiah a sawm a, mahse, Lady Mary chuan eipui tur midang a neih thuin a chhang a, 'Midang ka ngaihtuahpui ang che,' a ti a, phone number pakhat a pe ta a.

Randolph-a chuan phone a'n tuaivir nghal a, "Tunge i nih?" a ti nghal ta bawrh bawrh mai.

"Pamela Digby ka nia..."

"Mary Dunn hian zanriah eipui atan i sawmthlu thei hrim hrim ang tiin nangmah min kawhhmuh a. Eng ang hmel pu nge i nih?" a'n ti buan buan a.

Chu nu pawh chuan a hmel hmang vel chu \ha deuhin a lo hrilh ve mai bawk; "Hmai sen lam, thau lek lek ka nia, mahse, ka nu chuan 'i cher thuai ang' min ti," tiin.

Ni thum hnu-ah chuan an inhual ta der mai!

Randolph Frederick Edward Spencer Churchill hi journalist a ni a, a pa hniakhnung zuiin politics te pawh a luhchilh ve. Khawvelin a hriat tak dan ber chu Sir Winston Churchill-a chanchin ziaktu, a official biographer tih hi a ni awm e.

%%%%%%%%%%%%%%%%%%%%%%%%%%%%%%%%

Theihnghilh ve chiang
Vawi khat chu romantic poet hmingthang PB Shelley kha a lehkha chhiar pindana a inchhiar laiin a nupui hian chaw a va pe a, a kalsan leh mai a.

Shelley-a lah chuan ei-na chang a lo hre lo ni tur a ni, engemaw chen hnuah chuan a tho thurh a, a nupui chaw ei chu kilpui a tum ve ta ringawt pek. Mahse, a hrechhuak leh deuh a ni ang chu, a \hu uk tawh tihah chuan, "Chaw ka ei tawh em kha?" a ti ta he haw mai a!

Related Posts :