¢ Debbie Chawngthu
Hmeichhe awm khawm zinga langsar deuh te hi chu an hmel a that mai bakah an inchei thiam bik vang a ni fo thin a. Chuvangin, langsar tur chuan taksa enkawl fai mai bakah inchei dan thiam hi a tul fo thin. Kawr lei dawn reng rengin a mawi vang leh nalh vang ringawtin lei lo la, i hak chhin hnua mawi i intih hnuah chauh lei thin ang che. Inchei thiam tak tak te pawh hi fashion thar ringawt um lovin an inhmeh zawng an thlang thiam thin tih hre reng chungin a tunlai ringawt ngaihtuah loh a tha.
I sang lem lo anih chuan kawr par lian tak tak leh a khamphei zawnga inrin te hian mi a tih lan tet zual theih avangin ha suh. Puan i ven nikhua pawhin puan par lampang i veng anih chuan a chung lam plain, i puan ven rawng nena inmil tur ha la. Tin, puan tial i veng anih pawhin a chhuk zawnga tial veng ang che. Sang lem lo tan a mawi loh ang bawkin i thau anih chuan kawr par lian ha lo hram ang che. Kawr plain hian awm bawr a ti lang lian thei a, awm bawr lian sa tan chuan hak tam loh a tha ang. Tleirawl hovin kawnghren hren an uar thar leh ta hle mai a, mahse kawnghren leh brooch lian tak tak te pawh hi thau leh dul kiar tan chuan a mawi lo hle thin. Ria cher sang i nih chuan i vannei hle tihna a ni a, mahse i pheikhawk bun tur thlang uluk ang che. Pheikhawk keartui sang aiin a flat bun hian ke a ti lang sei duh a, ria cher sang tan chuan a tih chi khawp mai. Tin, scarf awrh hi an inhmeh duh zek bawk.
Kawr i lei zing thei lo anih pawhin kawr thui uluk tak leh rawng langsar lutuk lo lei thin la, i hak zin pawhin a lang lo ang. Kawr thui uluk tak hi chuan pian pawh a ti lang nalh thei a, i duh anga puanthui thiam i hmu lo anih chuan readymade lei thin zawk ang che. Kawr rawng dal lampang hi chu chhunah ha thin la, zan lamah erawh chuan a lar lam hi a mawi zawk fo. Kan thawmhnaw inbel mai bakah kan bag ah turah kan fimkhur a tul a, nu lian lem lo tan chuan bag lian a mawi lem lo. Tin, bag rawng chi hrang hrang i lei thei lo anih pawhin rawng uk leh dum nei la, inchei a ti awlsam ang. Hmel hian mite thinlung a hneh theih rual rualin kan thawmhnaw inbel danin a zir a tul tho a, man to lem lo mahse rawng inmil hriat hi a pawimawh hle bawk.
Kan hmel leh thawmhnaw inbel ten zir mahse chumi piah lama pawimawh em em chu kan mizia hi a ni a. Chetzia leh tawngkam mawi lo tak tak te hian kan mawina te a hliahkhuh thei a ni. Inchei nalh hle mah ila, kan taksa dah danin a zir si loh chuan kan mawi tak tak thei lo a, taksa zawi taka kal hneng hnuang te hi tih loh tawp tur a ni.
Mi zakzum tak i nih pawhin zahzum hi hlawhchhamna bul pakhat a ni tih hria la, i theihtawpin bansan tum ang che. Zakzum lo han tihah rik phawr phawr erawh a mawi lem lo. Midang aia indah hniam leh hniam anga inngaih tlat pawh hi a tha lo a, midang aiin i hniam bik lo tih hria la. Mahse, midang va chapo khum erawh mahni kawng tih pingna a ni tih hriat a tha. Tawngkam thlahdah tak hi chu mi pawhin an nel har a, kan tawngkam hmanah kan fimkhur tur a ni. Hnam changkang zawk te phei chuan aw phawi thleng hian an lo ngai pawimawh hle a, aw rawl ring lutuk te hi a mawi lo duh em em a ni.
Mi zinga i awm reng rengin i bula awm te kha dah hmasa la, an titi duh zawng te ngaihtuah thiam ang che. Mahni chanchin ringawt sawia thian i kawm anih chuan an kawm rei peih lo ang che. Mi titi laia lo pawhchah pawh hi a mawi lo hle a, an thil sawi tuipui lo mah la, ngaihthlak tal chu peih ang che.
Mite chungah that chhuah fo la, latu nih aiin petu nih hi a tha zawk fo bawk. Midang tana i inpeknaah tih tak takin ti la, a der hi chu a lo lang chhuak leh thin tih hria ang che. Tin, kan zahawmna hi tumahin min rawn pe dawn lo a, i kutah a innghat tih hria la, i nun fimkhur ang che. Eng ang hna pawh chelh la, i hnaa taima leh rinawm taka i thawh chuan i thawhpui te tan pawh malsawmna i ni thei a ni tih hre reng ang che.
Hmeichhe awm khawm zinga langsar deuh te hi chu an hmel a that mai bakah an inchei thiam bik vang a ni fo thin a. Chuvangin, langsar tur chuan taksa enkawl fai mai bakah inchei dan thiam hi a tul fo thin. Kawr lei dawn reng rengin a mawi vang leh nalh vang ringawtin lei lo la, i hak chhin hnua mawi i intih hnuah chauh lei thin ang che. Inchei thiam tak tak te pawh hi fashion thar ringawt um lovin an inhmeh zawng an thlang thiam thin tih hre reng chungin a tunlai ringawt ngaihtuah loh a tha.
I sang lem lo anih chuan kawr par lian tak tak leh a khamphei zawnga inrin te hian mi a tih lan tet zual theih avangin ha suh. Puan i ven nikhua pawhin puan par lampang i veng anih chuan a chung lam plain, i puan ven rawng nena inmil tur ha la. Tin, puan tial i veng anih pawhin a chhuk zawnga tial veng ang che. Sang lem lo tan a mawi loh ang bawkin i thau anih chuan kawr par lian ha lo hram ang che. Kawr plain hian awm bawr a ti lang lian thei a, awm bawr lian sa tan chuan hak tam loh a tha ang. Tleirawl hovin kawnghren hren an uar thar leh ta hle mai a, mahse kawnghren leh brooch lian tak tak te pawh hi thau leh dul kiar tan chuan a mawi lo hle thin. Ria cher sang i nih chuan i vannei hle tihna a ni a, mahse i pheikhawk bun tur thlang uluk ang che. Pheikhawk keartui sang aiin a flat bun hian ke a ti lang sei duh a, ria cher sang tan chuan a tih chi khawp mai. Tin, scarf awrh hi an inhmeh duh zek bawk.
Kawr i lei zing thei lo anih pawhin kawr thui uluk tak leh rawng langsar lutuk lo lei thin la, i hak zin pawhin a lang lo ang. Kawr thui uluk tak hi chuan pian pawh a ti lang nalh thei a, i duh anga puanthui thiam i hmu lo anih chuan readymade lei thin zawk ang che. Kawr rawng dal lampang hi chu chhunah ha thin la, zan lamah erawh chuan a lar lam hi a mawi zawk fo. Kan thawmhnaw inbel mai bakah kan bag ah turah kan fimkhur a tul a, nu lian lem lo tan chuan bag lian a mawi lem lo. Tin, bag rawng chi hrang hrang i lei thei lo anih pawhin rawng uk leh dum nei la, inchei a ti awlsam ang. Hmel hian mite thinlung a hneh theih rual rualin kan thawmhnaw inbel danin a zir a tul tho a, man to lem lo mahse rawng inmil hriat hi a pawimawh hle bawk.
Kan hmel leh thawmhnaw inbel ten zir mahse chumi piah lama pawimawh em em chu kan mizia hi a ni a. Chetzia leh tawngkam mawi lo tak tak te hian kan mawina te a hliahkhuh thei a ni. Inchei nalh hle mah ila, kan taksa dah danin a zir si loh chuan kan mawi tak tak thei lo a, taksa zawi taka kal hneng hnuang te hi tih loh tawp tur a ni.
Mi zakzum tak i nih pawhin zahzum hi hlawhchhamna bul pakhat a ni tih hria la, i theihtawpin bansan tum ang che. Zakzum lo han tihah rik phawr phawr erawh a mawi lem lo. Midang aia indah hniam leh hniam anga inngaih tlat pawh hi a tha lo a, midang aiin i hniam bik lo tih hria la. Mahse, midang va chapo khum erawh mahni kawng tih pingna a ni tih hriat a tha. Tawngkam thlahdah tak hi chu mi pawhin an nel har a, kan tawngkam hmanah kan fimkhur tur a ni. Hnam changkang zawk te phei chuan aw phawi thleng hian an lo ngai pawimawh hle a, aw rawl ring lutuk te hi a mawi lo duh em em a ni.
Mi zinga i awm reng rengin i bula awm te kha dah hmasa la, an titi duh zawng te ngaihtuah thiam ang che. Mahni chanchin ringawt sawia thian i kawm anih chuan an kawm rei peih lo ang che. Mi titi laia lo pawhchah pawh hi a mawi lo hle a, an thil sawi tuipui lo mah la, ngaihthlak tal chu peih ang che.
Mite chungah that chhuah fo la, latu nih aiin petu nih hi a tha zawk fo bawk. Midang tana i inpeknaah tih tak takin ti la, a der hi chu a lo lang chhuak leh thin tih hria ang che. Tin, kan zahawmna hi tumahin min rawn pe dawn lo a, i kutah a innghat tih hria la, i nun fimkhur ang che. Eng ang hna pawh chelh la, i hnaa taima leh rinawm taka i thawh chuan i thawhpui te tan pawh malsawmna i ni thei a ni tih hre reng ang che.
wow!!! a tha hle mai!!!
ReplyDelete