Kum engemaw zat a liam ta; Scotland rama cheng Pu Clark-a te nupain tum nei rana thahnemngai taka hna an thawh thin lai kha. Fa pakua an nei a, rim taka hna thawkin an thawhchhuah te an khawl zel ang a, eng tikah emaw United States-ah an pemin nuam zawkin an la khawsa ve ang tih an beisei thin.
Kum a lo vei a, an inkhawl ngah ta. Passport an tifel a, kalna tur vel nen. Pem tur chuan an inbuatsaih ta a ni.
An hlim em em a, a tu-a pawh mai chuan an helhhawlh a ni ber e. Mahse, an kal hma ni sarih emaw chauh a awm tawh tihah chuan vanduaithlak takin an fapa naupang ber chu uiin a seh ta hlauh mai. Doctor hnenah an hruai a, doctor chuan lo enkawl mah se ui a hri laka midangin fimkhurna chang an hriat theih nan Pu Clark-a te kawngka biangah chuan puan them eng tar a tul ta tlat. Ni sawmpali chhung teh meuh tar a ngai lehnghal.
An tum hunah America panin an chhuak thei dawn ta lo. Chu mite chhungkua chuan hrehawm an ti kher mai.
Pa ber thinrim lutuk, tih ngaihna hre si lo chu America pan an tum ni-ah chuan lawngchawlhna hmunah a kal a, America pana lawng chhuak tur chu mittui tla zawih zawih chungin a va thlir liam nghe nghe. A ui lutuk a, a lungawi thei lo, a fapa leh Pathian chunga a lungawi lohzia te chu tu hriat hleih loh hian a sawichhuak mawlh mawlh mai a ni.
Ni nga hnu-ah chuan chanchin lungchhiatthlak zet mai an hre ta; chu thu chu Scotland ram hmun hrang hrangah a darh chum chum mai - Tittanic lawng ropui kha tuiah a pil. Lawng pil thei lo kha a pil a, mi za engemaw zat an thi. Pu Clark-a te chhungkua pawh an tum dan chuan chu lawnga chuang tur chu an ni. Uiin an fapa a seh avangin an chuang ve ta lo mai a nih kha.
Pu Clark-a'n chu thu lungchhiatthlak a'n hria chu, a fapa naupang ber chu kuahin a pawm chuk chuk a, a chhungte chu lawmthu a hrilh mawlh mawlh hlawm. Malsawmnaah anchhia a chantir avangin Pathian hnenah lawmthu a sawi mawlh mawlh bawk.
Kan chunga thil lo thleng hi kan hrethiam lo thin.
('Tragedy or a Blessing?' tih lehlin a ni. A ziaktu hriat a ni lo.)
Kum a lo vei a, an inkhawl ngah ta. Passport an tifel a, kalna tur vel nen. Pem tur chuan an inbuatsaih ta a ni.
An hlim em em a, a tu-a pawh mai chuan an helhhawlh a ni ber e. Mahse, an kal hma ni sarih emaw chauh a awm tawh tihah chuan vanduaithlak takin an fapa naupang ber chu uiin a seh ta hlauh mai. Doctor hnenah an hruai a, doctor chuan lo enkawl mah se ui a hri laka midangin fimkhurna chang an hriat theih nan Pu Clark-a te kawngka biangah chuan puan them eng tar a tul ta tlat. Ni sawmpali chhung teh meuh tar a ngai lehnghal.
An tum hunah America panin an chhuak thei dawn ta lo. Chu mite chhungkua chuan hrehawm an ti kher mai.
Pa ber thinrim lutuk, tih ngaihna hre si lo chu America pan an tum ni-ah chuan lawngchawlhna hmunah a kal a, America pana lawng chhuak tur chu mittui tla zawih zawih chungin a va thlir liam nghe nghe. A ui lutuk a, a lungawi thei lo, a fapa leh Pathian chunga a lungawi lohzia te chu tu hriat hleih loh hian a sawichhuak mawlh mawlh mai a ni.
Ni nga hnu-ah chuan chanchin lungchhiatthlak zet mai an hre ta; chu thu chu Scotland ram hmun hrang hrangah a darh chum chum mai - Tittanic lawng ropui kha tuiah a pil. Lawng pil thei lo kha a pil a, mi za engemaw zat an thi. Pu Clark-a te chhungkua pawh an tum dan chuan chu lawnga chuang tur chu an ni. Uiin an fapa a seh avangin an chuang ve ta lo mai a nih kha.
Pu Clark-a'n chu thu lungchhiatthlak a'n hria chu, a fapa naupang ber chu kuahin a pawm chuk chuk a, a chhungte chu lawmthu a hrilh mawlh mawlh hlawm. Malsawmnaah anchhia a chantir avangin Pathian hnenah lawmthu a sawi mawlh mawlh bawk.
Kan chunga thil lo thleng hi kan hrethiam lo thin.
('Tragedy or a Blessing?' tih lehlin a ni. A ziaktu hriat a ni lo.)
No comments:
Post a Comment