Monday, June 22, 2009

Rimawi Link

¢ Vanlalremruata Tonson

Beng mawl deuh deuh thlangchhuak se, chutah chuan min teltir ve se, beng mawl ber pawl chu ka ni bik lo ang. Engemaw chang chuan rimawi hi ngaihthlak chak ngawih ngawih chang ka nei, tuma tihbuai lohin. Mahse, rimawi chu ngaihsak chuang lem lo ila. Sound system hi a tha viau a nih loh chuan chhe viau sela, a chhiat viau erawh chuan ngaihthlak chak ngawih ngawih vang hian ngaithla bawk ila. Chuti chung chuan rimawi tawp rualin rimawi chu eng tin nge a rik ka theihnghilh ang. Mahse, chu rimawi ka hriat tawh hnu a lo rik chuan thil thenkhat chu ka hrechhuak bawk ang. Miin rimawi chungchang sawi se eng mah sawi tur ka hre lo ang a, hla mawi sawi se ka hre chuang lo ang. Sawi ve ka tum poh leh ka mawl zia mi ka hrilh tihna a ni ang.

Chuti chung chuan The Aizawl Post halaite Huang ziaktu Biakchungnunga (Bcha) bike hnungah ka thu ve vang a, T-Melody kawm turin Yatri Niwas-ah min phur thla a nih kha. Rimawi chungchang chu an duh tawkin sawi mah se ka tan awmzia tehchiam a nei lo ang. Zaithiamte live music nena an zai dawn a, musician-ten eng eng emaw an khawih kual vak vak thin ning kha ka ni a…! Sawi tam vak chi pawh a ni lo. Mahse, thil hriat duh chu ka nei ve tho. Engtin nge western music hian Burma a thlen ve tih mawlh mai hi.

Hmanah, 80s velah khan Burma atangin musician an lo chhuk a, Zo rimawiah chuan hun chhinchhiah tlak ni vein ka hria. Rosangliana kha Rangoon-ah a han kal a, album a han siam a, chu chu Zorock a ti. Music tuiho chuan Zo rimawiah rahbi pawimawh takah an ngai niin ka hria. Hmanah pawh chutianga an ziahna chu eng chanchinbuah emaw ni ka chhiar tawh. Tunlai pawhin an sawi ka hre thin. Kei paw'n Zorock hla chu zawm theih ka nei ve nual, boruak a nei hle ni ngei tur a ni.

Kum thum dawn liam ta atang khan T-Melody, Zo Awi Rangoon tih vel a rawn awm leh a. Mipui an her leh dual. Keia hriat ve chinah pawh chhaktiang rimawi chuan tum hnih tum thum ngawt Mizoram a rawn tuam a nih chu. A rampum tuam lo deuhte pawh a awm ve bawk.

Khawchhak lam chu Mizoram aiin an economy a chhe zawk tih kan pawm tlang a, music instrument pawh an neih that zawk thu a awm lo. Mahse, western music chu eastern-ah Mizopa kutin a tum chhuak a, western-ah a chhuk thla ta thin ni berin ka hria. Tichuan Mizo western music mawi ber ber chu a lo chhuak ta thin.

Tichuan, Mizo thinlunga western music chi awm teng teng chu a rawn chhem alh ta thin a ni. Western civilisation-a Mizo tribal nun a inchhunluh hnuah chuan rimawi khawvelah duhthlan tur dang a awm thei lo. Sakhuana leh politics-a western civilisation kalphung bel luih chu sawi loh in chhungkhur inrelbawl danah thleng hian khawthlangho tihdan chu tihdan tura ngai kan ni a. Tribal nun thlakna tur chuan khawthlangho nundan bak awm hek suh. Kan hnaih ber Vaiho caste pakhata va bet turin kan danglam lutuk a, va bet rual lah kan ni lo. Kan tuihalna rimawia dang min hnawmtu ber tur western music lah chu Vai chuan an lo dang leh hmiah bawk si.

Vai society, hlo thankin tawh pik lutuk ang maia nghet leh sutkuak har karah chuan western music chuan khaw eng a hmu pha ve lo hi a ni thlawt a. chu society tlangkawmtu Assamese society kara inphum Mizo zingah chuan western music chu a ri ve tleng tleng a ni. Awmzia a nei pha lo a, a inchhem alh zo lo.

India-in a huam chhunga cheng Zofate dinhmun chu chutiang chu a nih laiin a chhak lawk Burma huamchhungah chuan a hnampui zawk Kawl-ho hmachhawn turin Zohnahthlak hnam hrang hrangte chu an inhrual fîp fap hlawm a, Kawl ni ve lo Burma ram chhunga cheng hnam dangte an intelkhawm bawk a ni. Kawl aiin Kawl lote chu a nektu zawkah an tang a ni ber a; Zohnahthlakte pawhin western music lo chu duhthlan tur nei lo mah se Mizoram ai mahin chu music thawm chu a ri a zawi zawk mah. Rimawia tuihalte chu an dang hnawmtu tur zawngin an chhuak a; Kawl society leh culture chu Vai angin a lo khirh lo a ni ang, western music chhar tur an va hmu ta a ni. Inrelbawlna leh inawpnaah Kawl chuan Vai an lo pha lo a, Thailand ramri atang chuan music thar ber ber chu a rawn tawlh lut ru a. Lawng rual ding khup chhunga eng nge awm tih hriat loh thil thar tam tak zinga lo chhuak leh thin chu Mizoram thleng thlengin a tawlh thla ta thin a ni. Kawl bawk chu a fe thlitna leh phaw ang hrim hian a lo ding a, roreltute berin mipuite an rapbet bawk si a, Thailand ramri atangin emaw khawi hmun atang pawhin khawthlang lam thil changkang chu lut mah se Zohnahthlak zingah chuan a parvul zo tak tak lo a ni. Ei leh bar leh thil dang, mihring nun zalenna hrim hrimah pawh chutiang dawng thei turin Zohnahthlakte chu an awm lo. Midang pawhin an nih dan tur chu an pha chuang lo. Chuvangin khawchhak lama khawthlang rimawi lut tlakna leilung tha ber chu Mizoram hi a lo ni leh daih. A lehlamah Mizoram leh western music kar dangtu chu a lo lian ve bawk si. Vai thimpui karah chuan Mizo chu sawi lo India hmarchhak mi hrim hrim pawh hi neu tak kha a ni a. Burma Zohnahthlakten Kawlho kara an chhar ang va chhar chu thil hla tak a la ni rih.

Chutiang vel chu a ni, Bcha leh T-Melody te inkawmnaa ka thil zuk chhar chu. Mahse, tuna ka sawi takte hi an sawi dan chu a ni lo. An ti ti karah western music-in Burma a thlen dan ka zawt a; eng tin nge Burma ramah western music chu an tuipui viau theih ka zawt bawk.

Kawlho zingah hian western music hi eizawn nan a hman theih a, chutah chuan an lo va inhnimphum ve thei tih an sawi. Thil eng eng emaw hriat sa leh ngaihdan sa ka lo nei ve bawk a. Zohnahthlakte leh Kawlho chu an inpawh tha viau a, Burma-ah sipaiin ro an rel chhung chuan Kawlho hian Zohnahthlakte chenna ram mamawh khawpin hma an sawn lovang; sipai roreltute hian policy vak an ngaihtuah thei lo ang, an thuneihna humhim ringawt pawh an tan chuan hna a tling tawk em mai tihte. Mipui thlan sorkar pawh ding se foreign investment a sang viau a nih loh chuan Zohnahthlakte dinhmun chu a derthawng maiin ka ring lo bawk.

India ramah chuan Vai leh Mizo kar chu hla tak a ni. Eng ati nge India hmarchhak Mongolian-te hi 'chingki, chingki' an tih fahran a, an tih tur leh tih loh tur an bituk sak vak vak? Thiam lo zawk an ni thei ngai lo reng reng, hmarchhak mite zir loh leh thiam lohna chhuanlam tur eng emaw an nei zel. Chu chu metropolitan city-ah pawh a ni tlat. um khat chu Delhi-ah khuan Vai chawhmeh zuar pakhatin inhmusitna tawngkama an ngaih ang hian mi ko fo mai a, min hmusit tih phei chu ka hre lo nain ST leh SC hmusittute hremna dan a awm thu ka hrilh ve ngial mai. A hlauh phah hmel viau che min ti a, tak ni maw? Vaiho hi racist an ni e tih tuma hemi chungchang hi sawi vak vak ka ni lo. India ram western music market-a luh a lo har dan tur ka ngaihtuahna atanga thil lo lang mai mai a ni. Mahse, kar hla tak awm thin chu a zim ve ta deuh a ni ang, a thleng sang pawl five star hotel-ahte an zai ve ta a, tlem azawng Guwahati-ah zaia ei zawng an awm bawk. Guwahati pawh chu hmarchhak tho a la ni.

India ram music industry-a tel ve chu kan hlat rih hle niin ka hmu a, keimah hmuh ve dan mai chu a ni. Eng tin nge kan tel ve phak ang? Kan tel ve pha thei ang em tihte chu ka ngaihtuah thiam ve phak bak a ni tih ka hria. Mahse, rimawi leh art lam thil a nih tawh hi chuan khawchhak lam chu kan pur chawkna thin ni zawk mahin kei chuan ka hre leh thin. Kan ril a rem zawk pawh a nih mahna. Film-ah pawh hian a la ni pha tho. Kan hmuh phak leh hmuh awlsam ber chu Vai film a nih lai pawhin khawthlangho chuan kan lung a len ber a, khawchhak film a lo chhuah hnuah chuan Vai film chu a chep lehzual ni berin ka hria. Korean film te hetiang tak hian kan la en ve ang tihte chu kum 10 liamta te kha chuan tuin nge suangtuah pha teh lul ang. Tuna khawchhak leh khawthlang film kan lawm ber ber pawh Thailand ramri atanga khawchhak lam kaltlanga lo lut tho a ni leh bawk.

Kan khawthlang lam chu hawi ve bawk thin mah ila, khawchhak lamho chu a huatthlala thei ang bera chhuahte pawh tum thin sateh mah il a, anni nena kan inzawmna chu a lo lang chhuak leh thin nite hian kei, chuan ka hria. T-Melody-ho kha kei chuan rimawi chungchangah zawh tur thlawt ka hre lo, an sawi thui poh leh ka bo thui maiin ka ring a. Mahse, ka zawh chak em em chu "Aizawlah chhungte in nei em?" tih kha a ni a. An nei vek. An chhung hnai tak takte an awm. Aizawlah inbengbel bel se kei tehlul ai chuan chhungkhat laina an ngahin an hung zawk fe dawn a ni. Chu chu Mizorama mi tam tak, chhungkaw hung deuhte nena an inanna pawh a ni ang. Mizorama chhungkaw hung chu an pute generation-a mi tu emaw ber Burma ramah awm turah ngai chhin ila a sual tam vak lo hian ka ring thin. Chutiang mite chu Burma-ho haw em em mai kha an ni leh thin! Kei Burma ramri hrula piang leh sei lian pute generation-ah pawh Burma huamchhunga cheng thisen zawmpui sawi tur nei lo ai hian Burma-mi chu an haw zawk daih!

Khawchhak nena kan inzawmna chu chhut chah tum ni awm fahranin tal ve but but thin mah ila, khawvel ngamtu western music, a hnamin vawn tur dang nei lova kan lo vawn laklawh tawh, kan khawthlang lam kan sut tlangpui zawh si loh chu an rawn thuam thain an rawn ti eng leh thin a. Kawng hrang hrang Mizoram aia thim zawk khawchhak atanga eng lo kal chuan Mizoram thim lai chu a rawn ti eng a, a tuihalna chu a rawn ti hnawng leh thin a. Hriat phak loh malsawmna tia vuah mai awm tak a ni hial a ni. Nghapih e pih lo e kan sawi tawh lo. An rimawi, ngaihtuahna leh tha leh sum senga an rem chu a thlawna neih tumin ka phe nuai nuai thin. Anni chuan Mizorama album hralhna atangin hlawkna an beisei ngam tawh lo a, Mizoramin anmahni a la zawmna hrui thuam that leh chu ngaihpawimawh berah an nei ta niin an sawi. Tichuan, inzawmna thuk taka awm chu rimawi hmangin mi vantlang chin hriat theih atan chhawpchhuah a lo ni a, chu chu a ni: rimawi link a nih loh pawhin rimawi hmanga inthlunzawmna chu.

Related Posts :



9 comments:

  1. In case you�re having issues locating the powdered coloring, you will find them about tattoo-supply internet sites.
    When storing milk, regardless of the volume pumped, it is always a good idea to store it in small portions (two to four ounces) or (59.

    For example, set up a rule that it is okay to drink water in
    the living room, but juice and milk must be consumed in the kitchen or while
    sitting at a table.

    Also visit my web-site: binh sua

    ReplyDelete
  2. A unique feature of this brand is a spout and a cap that prevents leaking.
    Besides, bottle oz also determines how big the bottle is; your baby would have
    a hard time holding a baby bottle with a large capacity for milk.
    Whether your baby is nourished via bottle, breast or a combination of both they have products that will suit
    these needs.

    Feel free to visit my webpage: phpfoxdev.indexcreativeonline.com

    ReplyDelete
  3. the best things about being capable to create mobile sites features
    through online service provider is that they allow you
    many options to modify your website to meet
    your own personal or particular business requirement.
    The battery life is extremely good with even the most generic type of batteries used.
    By popping inside SD credit card, you is going to be able to
    import images or snap shots very at exceptional speeds.



    Feel free to surf to my homepage :: www.egovlab.ase.ro

    ReplyDelete
  4. This shop is stocked to the ceiling with
    unique lamps, rugs, throws, and other cross-cultural finds that can add personality to any room or living
    space. This universal bridal gift registry also includes Bed Bath & Beyond,
    Sears, Everything Home and others. Even the most experienced buyer is excited by the challenge of discovering new products with high commercial potential.


    Here is my blog ... gia dung

    ReplyDelete
  5. The cold process to make bar soap can be done,
    but is potentially challenging and may expose you to a lot of foul odors thanks to lye.
    You can start finger foods between eight and ten months, giving things like
    banana pieces, shredded lean meat, or overcooked pasta.

    As the baby grows into a toddler, breastfeeding not only looses its nutritional value, but it also becomes a soothing thing for the toddler.


    My web blog; http://axlebook.com/

    ReplyDelete
  6. However, if the memory chip breaks, recovering
    pictures in the SD card will be impossible. I think you could find your favortie
    items among them. This digital camera allows you to
    capture video for about 10 hours continuously.



    My homepage - the nho

    ReplyDelete
  7. Way cool! Some extremely valid points! I appreciate you penning
    this article plus the rest of the website is very good.



    my page ralph lauren wholesale

    ReplyDelete
  8. There's definately a great deal to know about this topic. I really like all of the points you have made.

    Also visit my site http://www.nexopia.com/users/emory0ian/blog/1-pilate-guides

    ReplyDelete
  9. Have you ever thought about writing an e-book or guest authoring on other sites?
    I have a blog centered on the same subjects you discuss and would really like to have
    you share some stories/information. I know my subscribers would value
    your work. If you're even remotely interested, feel free to send me an e mail.

    My website :: pilates classes

    ReplyDelete