Rosangliana, Zorock chuan a piancham, August ni 10- a album thar ‘Zorock Thulkhung/ Chunnunnem’ chu tlangzarh a tum nghet ta.
Zorock album 13-na tur hian ngaihven a hlawh hle a, a album hnuhnung ber tur a ni tawh mai thei, tia sawite pawh a awm a, hei hian he album thar hi a ti hlu zual sauh dawn.
He album hla 15 awmna hi audio leh video siam nghal a ni a, a pahnih hian a ruala tlangzarh tur a ni a, Zorock-a’n a hla tha a tih zual te a thlan khawm bakah hla thar pali vel zeh tel a ni bawk.
Zorock tia kan hriat lar ang ngeiin he album pawh hi a rock leh dawn viau a, a hla hluite pawh recording ti tha lehin music arrangement te pawh an ti tha leh vek a, a hma aia tha zawk maha a hriat thu Zorock chuan a sawi nghe nghe.
Zorock album hi April thla tawp khan tlangzarh tum a ni tawh a, hemi atan hian amah Zorock ngei pawhin a hnathawhna atanga chawlh lain thlakhat dawn Aizawl-ah a cham hman a, mahse, album cover phai lama chhut tir chu an zawh tak lawk si loh avangin, a chawlh neih a zo ta bawk si nen, album tlangzarh hun hi sawn hlat a ngai leh ta rih a, a chawlhneih leh hmasak ber, bakah a piancham lawmna ni pahin August ni 10 hian Vanapa Hall-ah concert neih paha tlangzarh a ni dawn ta.
Sunday, June 7, 2009
A pianchamah Zorock album
Subscribe to:
Post Comments (Atom)
No comments:
Post a Comment