¢ Lalthlamuana Ralte
'Hmasawnna' tih hming a rik tawh hi chuan mi thiam pui puite leh mi mawl ber berte pawh hi kan hmin nghal duak zel a, sorkar hmalakna a ni emaw mimal/pawlho hmalakna a ni emaw kan tuipui viau zel a ni. A lehlamah chuan khawvelin hmasawnna a tuipuina hi a la rei hauh lo a, Indopui pahnihna zawh hnu a ram hnufualho dinchhuah dan tur mi thiamhoin an buaipui luai luai khan he 'development ideas' hi a lo piang chhuak ve chauh a ni. Chuta tang chuan hmasawnna leh a behbawmte chu mithiamten an zirbing zui ta chiam a, 'economic development' tih chu ram hnufualho hmasawnna sawina atan bik an hmang a, ram hausa/changkangho hmasawnna chungchang sawina atan 'economic growth' tih an hmang thung a ni.
Ram hausa leh changkang tawh sate hi khawvel hmar lama awm an nih hlawm avangin 'the North' tiin emaw 'Global North' tiin emaw an sawi thin a, ram hnufual leh retheihote hi chu chhim lama awm vek an nih avangin 'the South' tiin emaw 'Global South' tiin emaw an sawi thung. Chhim lam ram retheiho chuan hmar lam ram hausaho an ve tum chuan indopui pahnihna zawh hnu atang khan hma an la a, hmasawnna hna thawkin bul an tan ve ta a. An zingah hian hlawhtling an awm a, hlawhchham ta te, theihtawp chhuaha la beih zui tauh tauh te pawh an tam a ni.
Khawvelin hmasawnna a buaipui luai luai avang hian ram rethei a chengte tan chuan 'development' tih hming ringawt pawh hi a mawi a, a thlamuanthlak a ni. Chuvang chuan hmasawnna hmingpu a nih hrim hrim chuan an tan a pawmawm vel vek zel a ni. Mahse, khawvel ram hrang hrangten beihpui an thlak mek lai chuan kan chenna leilung, thing leh mau (environment)-ten an lo tuar nasa tial tial a. A nihna takah chuan mihring thil siamchhuah a tam poh leh environment a chhe zual ting mai a ni.
Heti ringawta kal zel chuan khawvel hi a chhe zo mai ang tih hlauin mi thiamten ngaihtuahna thar an nei leh ta a. Kum 1970 bawr chho atang khan chhuan lo kal zel turte daih tur hmasawnna tlo 'Sustainable development' tih chu an chawilar leh ta a, chu chuan leilung leh nungchate chhiatphah loh tur zawnga hmasawnna hnathawh hi tum bulpui a ni.
Kum zabi 21-na a kan chuankai tawh hnu hian keini pawhin Mizoram atangin kan chhehvel hnai te tea mite dinhmun kan thlir a, khawvel ram hrang hrangte hmasawn dan kan ngaihtuah kai bawk a. Rualawh a na duh hle a ni. Mahse, ram hrang hrangte thil tawn tawh atang hian fimkhur thiam a ngai tih erawh hriat a tha. Hmun danga mite thik vang ngawt a hmasawnna hmingpu thil chi hrang hrang kan lakluh ve a, kan buaipui ve vak zel chuan kan la chhiatphah thei a ni tih hi i ngaihtuah tel ang u.
Kan awmna India ram hian rei lo te a economic super power nih tumin hma a la mek a, hetih lai hian sumdawnna leh a kaihhnawih thil chi hrang hranga sorkar laipui hmalakna hian min hrut ve dawn a nih chuan ngunthluk taka ngaihtuahna kan lo sen ve thin a ngai hle a ni.
Ram hmasawnna hian innghahna ruhrel pawimawh tak tak a nei a, chung zingah chuan inkalpawhna tha leh power (electricity) hi a langsar ber pawl an ni. Hmasawnna ruhrel siam/din hian ram neitute tawrhna thlen fo mahse thuneitute changkan duh lutuk hian khua an hmu lo fo a, an kaltlangpui lui fo thin. Khawvel hmun hrang hrangah hian hmasawnna hmingpu thil chi hrang hrang siam/din avanga in leh lo, khua leh ram hloh ta an tam khawp mai.
India ramah pawh hian Narmada lui kama chengte tawrhna thlentu chu 'hmasawnna' hi a ni. Kum tam tak chhung an in leh lo leh an thlai hmun humhim turin theihtawp an chhuah tawh a, mahse tuikhuahin a chim zel si. Mi tam tak chuan Narmada tuihkhuah vanga an chan tur hi a hlawkna tel tur aiin a uihawm zawk ti a theihtawp chhuaha an beih reng laiin sorkar hmalakna erawh a chawl chuang reng reng lo thung.
Mexico a San Salvador Atenco a thlawhna tumhmun siam vanga Mel 33 bial chhunga chengte umchhuah an nih dan te, Tehri hmuna Ganges lui khuah vanga mi sing chuangte chenna tuiin a chimpil tak te kha khawvela hetiang thilthleng langsar lo pawl hi a ni awm e.
Ram danga thleng thei chu Mizoramah pawh a lo thleng thei na meuh mai. Lehkhabu leh chanchinbu a forced migration tih te, land alienation tih te, development-induced displacement tih kan chhiar thin te kha a takin he ramah hian a lo thleng ve tan ta reng mai. Kawlphetha 12 MW pe chhuak thei tur Serlui B hydel project tuikhuah avangin Builum khuaa chengte chu an pem a ngaih phah a, a hnukhawi chhungkaw 24 te dinhmun phei hi chuan rilru a khawih hle a nih hi.
Kan ramah hian hetianga ram chhuhsak leh an chenna atanga nawrchhuah tawk hi an la awm leh thin dawn ni pawhin a lang. Ram hruaitu tha neih a, sorkar tha neih bawk chuan hmasawnna hnathawh hi a phurawm a, mipui nawlpui mil tawk tura hmasawn hi a huphurhawm hran lo a ni. Mahse, mipui tawrhna thlen theitu leh hnam himna tichhe thei tur ang chi a nih chuan eng anga tawktarh tha hmasawnna hmingpu pawh nise dodal ngam a tha khawp mai.
Development project-ah hian ngaipawimawh ber tur chu Cost-benefit Analysis an tih hi a ni. Hloh nge tam zawka a hlawkna, tih hi chhut uluk a ngai. Hmasawnna thlen thei tur ni a lang tam tak hian a hnuah tawrhna a thlen thei a, hnam ral theihna thil a lo ni thei a, a hlawkna lo thleng tur chuan mipui nawlpui a thlawhkhum thei a, retheihna leh awpbehna hial a thlen thei a ni.
Heng kan sawi avang hian development project zawng zawng hi a him lo tihna a ni lo a, infrastructure development din hi a la hun lo tihna a ni hek lo. A pawimawh zawk chu hmasawnna ruhrel dinnaah hian a senso (a man) leh a hlawkna a inphaman em? tih hi a ni. Chutianga zirchian chu cost-benefit analysis chu a ni.
Hmasawnna hnathawh hi leilung/boruak leh nungcha (environment) tana chhiatna thlentu a ni thei a, mi hausa leh thiltitheite tana hlawkna thlen thei tur mipui nawlpui tana hnemhnanpui tur ni lem lo a ni thei a, hnam inchimralna kawng hawngtu a ni thei a, kan ram zau tak kan chan phahna a ni thei bawk. A senso a tam em em laiin a hlawkna tel tur a beitham viau thei a, mihring nun a nghawng nasat viau ang huin a hlawk lo thei bawk. Ngaihtuah ngai a tam khawp mai.
Hmasawnna aia hian hnam himna hi a pawimawh zawk tih hi mi thiam tam tak chuan an pawm kher lo ang. Mahse, he ramah hian thil ropui tak tak lo awm se la, ram dangte ngaihah pawh changkang viau bawk ila, a ram neitu ber Mizote kan chep viau a, kan ram kan chan bawk a, hnamdang thuhnuaia kan awm a nih bawk phei chuan hmasawnna manhla lo ber a ni hial ang.
'Hmasawnna' tih hming a rik tawh hi chuan mi thiam pui puite leh mi mawl ber berte pawh hi kan hmin nghal duak zel a, sorkar hmalakna a ni emaw mimal/pawlho hmalakna a ni emaw kan tuipui viau zel a ni. A lehlamah chuan khawvelin hmasawnna a tuipuina hi a la rei hauh lo a, Indopui pahnihna zawh hnu a ram hnufualho dinchhuah dan tur mi thiamhoin an buaipui luai luai khan he 'development ideas' hi a lo piang chhuak ve chauh a ni. Chuta tang chuan hmasawnna leh a behbawmte chu mithiamten an zirbing zui ta chiam a, 'economic development' tih chu ram hnufualho hmasawnna sawina atan bik an hmang a, ram hausa/changkangho hmasawnna chungchang sawina atan 'economic growth' tih an hmang thung a ni.
Ram hausa leh changkang tawh sate hi khawvel hmar lama awm an nih hlawm avangin 'the North' tiin emaw 'Global North' tiin emaw an sawi thin a, ram hnufual leh retheihote hi chu chhim lama awm vek an nih avangin 'the South' tiin emaw 'Global South' tiin emaw an sawi thung. Chhim lam ram retheiho chuan hmar lam ram hausaho an ve tum chuan indopui pahnihna zawh hnu atang khan hma an la a, hmasawnna hna thawkin bul an tan ve ta a. An zingah hian hlawhtling an awm a, hlawhchham ta te, theihtawp chhuaha la beih zui tauh tauh te pawh an tam a ni.
Khawvelin hmasawnna a buaipui luai luai avang hian ram rethei a chengte tan chuan 'development' tih hming ringawt pawh hi a mawi a, a thlamuanthlak a ni. Chuvang chuan hmasawnna hmingpu a nih hrim hrim chuan an tan a pawmawm vel vek zel a ni. Mahse, khawvel ram hrang hrangten beihpui an thlak mek lai chuan kan chenna leilung, thing leh mau (environment)-ten an lo tuar nasa tial tial a. A nihna takah chuan mihring thil siamchhuah a tam poh leh environment a chhe zual ting mai a ni.
Heti ringawta kal zel chuan khawvel hi a chhe zo mai ang tih hlauin mi thiamten ngaihtuahna thar an nei leh ta a. Kum 1970 bawr chho atang khan chhuan lo kal zel turte daih tur hmasawnna tlo 'Sustainable development' tih chu an chawilar leh ta a, chu chuan leilung leh nungchate chhiatphah loh tur zawnga hmasawnna hnathawh hi tum bulpui a ni.
Kum zabi 21-na a kan chuankai tawh hnu hian keini pawhin Mizoram atangin kan chhehvel hnai te tea mite dinhmun kan thlir a, khawvel ram hrang hrangte hmasawn dan kan ngaihtuah kai bawk a. Rualawh a na duh hle a ni. Mahse, ram hrang hrangte thil tawn tawh atang hian fimkhur thiam a ngai tih erawh hriat a tha. Hmun danga mite thik vang ngawt a hmasawnna hmingpu thil chi hrang hrang kan lakluh ve a, kan buaipui ve vak zel chuan kan la chhiatphah thei a ni tih hi i ngaihtuah tel ang u.
Kan awmna India ram hian rei lo te a economic super power nih tumin hma a la mek a, hetih lai hian sumdawnna leh a kaihhnawih thil chi hrang hranga sorkar laipui hmalakna hian min hrut ve dawn a nih chuan ngunthluk taka ngaihtuahna kan lo sen ve thin a ngai hle a ni.
Ram hmasawnna hian innghahna ruhrel pawimawh tak tak a nei a, chung zingah chuan inkalpawhna tha leh power (electricity) hi a langsar ber pawl an ni. Hmasawnna ruhrel siam/din hian ram neitute tawrhna thlen fo mahse thuneitute changkan duh lutuk hian khua an hmu lo fo a, an kaltlangpui lui fo thin. Khawvel hmun hrang hrangah hian hmasawnna hmingpu thil chi hrang hrang siam/din avanga in leh lo, khua leh ram hloh ta an tam khawp mai.
India ramah pawh hian Narmada lui kama chengte tawrhna thlentu chu 'hmasawnna' hi a ni. Kum tam tak chhung an in leh lo leh an thlai hmun humhim turin theihtawp an chhuah tawh a, mahse tuikhuahin a chim zel si. Mi tam tak chuan Narmada tuihkhuah vanga an chan tur hi a hlawkna tel tur aiin a uihawm zawk ti a theihtawp chhuaha an beih reng laiin sorkar hmalakna erawh a chawl chuang reng reng lo thung.
Mexico a San Salvador Atenco a thlawhna tumhmun siam vanga Mel 33 bial chhunga chengte umchhuah an nih dan te, Tehri hmuna Ganges lui khuah vanga mi sing chuangte chenna tuiin a chimpil tak te kha khawvela hetiang thilthleng langsar lo pawl hi a ni awm e.
Ram danga thleng thei chu Mizoramah pawh a lo thleng thei na meuh mai. Lehkhabu leh chanchinbu a forced migration tih te, land alienation tih te, development-induced displacement tih kan chhiar thin te kha a takin he ramah hian a lo thleng ve tan ta reng mai. Kawlphetha 12 MW pe chhuak thei tur Serlui B hydel project tuikhuah avangin Builum khuaa chengte chu an pem a ngaih phah a, a hnukhawi chhungkaw 24 te dinhmun phei hi chuan rilru a khawih hle a nih hi.
Kan ramah hian hetianga ram chhuhsak leh an chenna atanga nawrchhuah tawk hi an la awm leh thin dawn ni pawhin a lang. Ram hruaitu tha neih a, sorkar tha neih bawk chuan hmasawnna hnathawh hi a phurawm a, mipui nawlpui mil tawk tura hmasawn hi a huphurhawm hran lo a ni. Mahse, mipui tawrhna thlen theitu leh hnam himna tichhe thei tur ang chi a nih chuan eng anga tawktarh tha hmasawnna hmingpu pawh nise dodal ngam a tha khawp mai.
Development project-ah hian ngaipawimawh ber tur chu Cost-benefit Analysis an tih hi a ni. Hloh nge tam zawka a hlawkna, tih hi chhut uluk a ngai. Hmasawnna thlen thei tur ni a lang tam tak hian a hnuah tawrhna a thlen thei a, hnam ral theihna thil a lo ni thei a, a hlawkna lo thleng tur chuan mipui nawlpui a thlawhkhum thei a, retheihna leh awpbehna hial a thlen thei a ni.
Heng kan sawi avang hian development project zawng zawng hi a him lo tihna a ni lo a, infrastructure development din hi a la hun lo tihna a ni hek lo. A pawimawh zawk chu hmasawnna ruhrel dinnaah hian a senso (a man) leh a hlawkna a inphaman em? tih hi a ni. Chutianga zirchian chu cost-benefit analysis chu a ni.
Hmasawnna hnathawh hi leilung/boruak leh nungcha (environment) tana chhiatna thlentu a ni thei a, mi hausa leh thiltitheite tana hlawkna thlen thei tur mipui nawlpui tana hnemhnanpui tur ni lem lo a ni thei a, hnam inchimralna kawng hawngtu a ni thei a, kan ram zau tak kan chan phahna a ni thei bawk. A senso a tam em em laiin a hlawkna tel tur a beitham viau thei a, mihring nun a nghawng nasat viau ang huin a hlawk lo thei bawk. Ngaihtuah ngai a tam khawp mai.
Hmasawnna aia hian hnam himna hi a pawimawh zawk tih hi mi thiam tam tak chuan an pawm kher lo ang. Mahse, he ramah hian thil ropui tak tak lo awm se la, ram dangte ngaihah pawh changkang viau bawk ila, a ram neitu ber Mizote kan chep viau a, kan ram kan chan bawk a, hnamdang thuhnuaia kan awm a nih bawk phei chuan hmasawnna manhla lo ber a ni hial ang.
No comments:
Post a Comment