Mizoram Health Care Scheme vbch 10 lai Bajaj Allianz a dah a ni a, Minister hlui chhung leh khatte hminga dah leh official te hminga dah policy a in ang lo.
Mizoram Health Care Society sum vbch 10 mi 17 hminga Bajaj Allianz a dah chu insurance policy hrang pahnih hmanga dah a ni.
Policy pakhat zawk Fortune Plus hnuaiah mi 12 hminga dah a ni a, chu chu Minister hlui Pu Tlanghmingthanga vua leh vangte anni a, ‘New Unit Gain Easy pension Plus SP’ hnuaiah midang ho chu dah anni thung.
Bajaj Allianze hnuaia ‘Fortune Plus’ a Health Care Scheme pawisa dah dan hi a in ang lo nuai a.
Sorkar Official te chu ‘single premium’ anga dahsak annih laiin Pu Tlanghmingthanga chhung leh khatte erawh ‘Annual premium’ anga dahsak anni thung a. Liandingpuii erawh Supplier anga dah ve tho a ni thung a, Single premium aiin Annual Premium hi a hlawk zawk fe a ni.
Chumai a ni lo, an vaiin Fortune Plus hnuaiah dahsak anni lova. Pu Tlanghmingthanga leh a vua leh vang zawngte hi ‘Fortune Plus’ hnuaia dah niin Official te leh an nupui te rawh ‘New Unit Gain Easy pension Plus SP’ hnuaiah dahsak anni thung.
Chumi awmzia chu mi 12 te chu ‘Fortune plus’ hnuaiah dah anni a, chu’ng mite chu Pu Tlanghmingthanga vua leh vangte anni. A dang mi panga te erawh ‘Unit Gain Easy Pension Plus SP’ hnuaiah dahsak anni thung.
Official te ‘Unit Gain Easy pension Plus SP’ hnuaia dahsak annih laia Pu Tlanghmingthanga chhung leh khatte ‘Fortune plus’ hnuaia dahsak bik anni hi thil mak tak a ni.
Pu Tlanghmingthanga fanu Liansangpuii Renthlei hmingin policy pahnih nuai 40 ve ve a pahniha belhkhawmin nuai 80 lei a ni a.
Policy an lei ni leh hun pawh hi nikum kum tawp hun tep ter tawh takah a ni a. Nikum December 23 khan Lalsangzuali, Health Care CEO Dr. Sangzuala nupui leh Don Sapremthanga Halliday, Pu Tlanghmingthanga makpa leh Liansangpuii Renthlei, Pu Tlanghmingthanga fanu bakah Dr. Biakthansangi te hmingin policy hi lei chauh a ni.
Nikum vek December 17 khan J.C. Ramthanga, Sangzuala Pachuau, Lalthansanga, Lalhmangaihi Ralte hmingin policy hi lei a ni bawk a.
December 20, 2008 khan Liandingpuii, F. Lawmsanga Thiak, Laldinpuii, Liansangkima Renthlei, R. Liansanglura, V. Lalthakimi, Liansanglura te hminga lei a ni bawk a. December 19-ah khan Laltharzela hminga lei a ni bawk.
Bajaj Allianze a Health Care pawisa dah luttu te hi mi pangnga an ni a. Chungte chu Lianthuampuii Renthlei, Puii Renthlei, R. Lalramfantluangi, R. Zothansanga, R. Lalromawii te anni a. Health Care pawisa vbch 10 hi heng agent 5 te hian an dah lut a.
Lianthuampuii Renthlei hi J.C. Ramthanga, Sangzuala Pachuau, Lalthansanga leh Lalhmangaihi Ralte leh Liansanglura te agent a ni a. A pawisa dah luh tlingkhawm hi nuai 160 a ni.
Puii Renthlei hi Liandingpuii, F. Lawmsanga Thiak, Laldinpuii, Lalsangzuali, Liansangkima Renthlei, Don Sapremthanga Halliday, V. Lalthakimi leh Laltharzela te agent niin a pawisa dah luh zat chu nuai 740 lai a ni thung a.
R. Lalramfantluangi hi Liansanglura agent niin a pawisa dahluh zat chu nuai 20 a ni thung a. R. Zothansanga chu Liansangpuii Renthlei agent pakhat zawk niin nuai 40 a dah lut a. R. Lalromawii awh Liansangpuii agent ve tho niin nuai 40 a dah thung.
Thil Felhlel
“He investment hi kalpui a lo nih dawn takah chuan Society in nunna (life) a neih loh avangin mihring hming hawh alo ngai ta a. Chu mihring hming hawh turah chuan Society tana rintlak leh innghah ngamna a ngai ta a, Bajaj Allianz Company in hma la in an mi rin ngam te hming chu hawhsak a ni ta a, chutah chuan ka fate hming pawh alo tel ve ta a ni. An hming an hman hawhnaah hian cheng khat pawh hlawkna a awm lo ni mai lovin he policy an siamnaa an hming an hman avanga hlawkna lo awm thei zawng zawng hi Mizoram State Health Care Society ta vek a ni tih hi ziah fel vek a ni. A policy leh he document zawng zawng hi Mizoram State Health Care Sociery-ah dah luh vek a ni a, hming hman hawhna mai anih zia leh a hming neitu tana cheng khat pawh an hlawkpuiloh tur zia chiang taka ziah fel vek a ni chung pawha heti taka kan Health Minister-in a mimal intih mualpho tumna avanga a nihna dik tak thupluia mipuite ngaiha kei leh ka chhungte min bei vak hi hriatthiam harsa ka ti a, ngawihbopui mai chi anih loh avangin hma ka la ve dawn a ni” tiin Pu Tlanghmingthanga chuan chanchinbu mite hmaah a sawi a.
Mahse, mimal hming hawh te hian tawngthu chhethei lovah thihna hial lo tawk palh ta se an aiawh tur (nominee) ah Mizoram Health Care Scheme chu an dah leh lawi si lo.
Entirna atan Liandingpuii chuan engemaw harsatna lo tawk palh ta se a aiawha pawisa la chhuak theitu atana a dah chu a pa Pu R. Tlanghmingthanga a ni daih thung a. Chu chu chiang takin details of the policy-ah ziahlan a ni.
Vbch 10 Bajaj-ah dah luh vek a ni lo thei
State Health Care sum hmanga policy an lei hi insurance policy a ni. Insurane policy-ah chuan policy lei tur a awm a, chu chu an va lei a ni mai a. A leina chu premium niin kum upat dan a zirin a danglam thei mai chauh a.
Entirna atan kum 30 mi i ni a, Fortune Plus-ah policy i lei ta a. I policy term kha kum 20 ni ta se i annual premium chu Rs 20,000 ni ta se. I sum lu chu Rs 100,000 a ni a, a fund value kha 6% ni ta se 638,992 a ni ang a, 10% ah chuan 1,009, 800 a ni ang.
Chutiang chiah chuan i premium Rs 30,000 a nih chuan i sum lu chu Rs 150,000 a ni a, a fund value kha 6% ni ta se 969,920 a ni ang a, 10% ah chuan 1,530,648 a ni ang.
Chutiang bawkin i premium Rs 50,000 a nih chuan i sum lu chu Rs 250,000 a ni a, a fund value kha 6% ni ta se 1,631,777 a ni ang a, 10% ah chuan 2,572,342 a ni ang.
Premium hi a pawimawh lai ber a tih theih ang. Vbch 10 velin policy lei dawn ta la chumi policy leina atana i sum sen zat tur chu vbch 2 vel chauh a ni mai thei.
Chutiang bawk chuan Mizoram Health Care sum hmangin Vbch 10 man insurance policy lei a ni mai a. A man hu ang chauh lei a ni a, a leina erawh Vbch 2 vel chauh a ni thei tihna a nih chu!
Lalduhawma a tawngchhuak ve ta
Health Care pawisa cheng nuai 1000 lai mai Bajaj Allianz a kumthum chhung atana dah chungchangah hian ZNP president Lalduhawma chuan Zozam zawhna chhangin pawisa heti zozai mai an lo dah hi a dik lo hrim hrim a ni, a ti a. Kan harsatna avangin Asian Development Bank atangin pawisa kan puk a, chumi lo dah pun tum hi a kawng lo a ni, a ti.
Sorkar pangngai kalphungah khawi sawrkar mahin inthlan bawrah file an kaltir ngai tawh lo a ni, tia sawiin inthlan vote thlak tawh hnua hetiang pawisa tam tham chungchang an la bawhzui chu mak a tih thu a sawi.
Health care pawisa dah chungchangah hian hetianga pawisa tam tham hi Chief Minister nena sawiho fe hnuah lo chuan Pu Tlanga hian ama thu ringawtin a ti tlang lo tawp ang. File ah pawh Chief Minister inrawlhna a lang a. Chuvangin he thilah hian chief minister hi a bang thei lo reng reng a, a mawh an phur tlang vek a ni, a ti bawk.
Prism pawhin Health Care Scheme pawisa vbch 10 chungchangah hian thil felhlel awma hriain FIR an thehlut bawk.
Zozam Weekly Leh Bajaj Allianz
Bajaj Allianz hnuaiah Mizoram-ah Branch pali a awm a, Additional Chief Branch Manager pahnih neiin Senior Branch manager pahnih an nei bawk a. Chumite hnuaiah chuan Sales Manager pariat lai an awm bawk. Sales Manager hnuaiah Insurance Consultants tam tak an awm leh a ni.
Health Care Scheme hnuaiah mi 17 laiin Life Insurance policy kaltlangin Mizoram Health Care Scheme pawisa 10 crore chu dah a ni a, mi 17 te insurance hi Sales manager pahnih Peter Lalrintluanga leh Nancy te kaltlanga tih a ni.
Peter Lalrintluanga leh Nancy te hnuaiah hian Insurance Consultants panga an la awm a, chung mite hmang chuan Mizoram Health Care Scheme pawisa 10 crore lai chu Bajaj Allianz-ah dah a ni ta a ni.
Chung mi panga te chu Lianthuampuii Rentheli, Puii Renthlei, R. Lalramfantluangi, R. Zothansanga, R. Lalromawii te anni a, mi pangnga te hi Chief Branch manager Helen Zonunmawii hnuaia awmte anni.
Commisssion agent tena Health Care sum hmanga an sum dahluh atanga pawisa a percentage a an lak hi 2% emaw 8%, 10% leh 2 % a ni thei. Hei hi a policy a zirin a danglam thei a ni.
Health Care Scheme pawisa mi 17 te tana Bajaj Allianze a dah hi nikum December 3, 2008 khan siam a ni.
Hetihlai hian Mizoram State Health Care Care Scheme CEO Dr. Sangzuala hriatpuina a 10 crore hi dah a nih rualin Dr. Sangzuala chuan Bajaj Allianz te hi lehkhathawn leh thungin chutah chuan Insurance Policy atan Health Care Scheme pawisa chu hman a nih theihnan permission pek a nih loh thu a sawi leh thung a, chu chu chiang takin lehkha a ziakin Bajaj Allianz te hi a hriattir leh si a ni.
Hetihlai hian Bajaj Allianz lam chuan Dr. Sangzuala lehkha an hriatthiam loh thu leh eng policy mah a dahtu hriatpuina leh remtihna tellova an pek theihloh thu an sawi thung a. Policy lei a nih hma in insurer chuan a hming ziakna te, a thlalak leh documents pawimawh te a thehluh vek a ngaih thu leh chumi hnuah chauh chuan Company chuan an policy te an hralh theih chauh thu an sawi thung.
Bajaj Allianz a thu neitu te chuan Health Care Scheme pawisa hmanga insurance leitu te chu Insurance Consultant leh Sales manager pahnih kaltlanga tih vek a nih thu an sawi bawk. Bajaj Allianze lam chuan hetiang ang tho hian Mizoram Synod pawhin an tih tho thu an sawi bawk a ni.
Zozam Weekly chuan tun hnaiah Mizoram State Health Care Scheme CEO in lehkha a thawn che u a, Bajaj Allianze hian chu lehkhathawn chu inchhang let em tia a zawhna chu, “Kha lehkhathawn kha kan hmu a, chhang turin kan inti a, he lehkhathawn hi kan chhang let ang tun hnai maia lokal a nih vang leh kan dawn chauh avangin kan la chhang let lo” a ti thung.
He policy hi nikum December-ah tih tawh a ni a, Assignment chu February thlaah tih chauh a ni a, thil inmillo deuh a awm lo maw? tia zawhna chu, “Keimahni lam atang chuan insure titu tan an signature leh documents tellovin kan ti thei lova. Chumi kan tih fel vek hnuah chauh chuan policy kan siam sak thei chauh a ni, kan hmuhdan chuan policy zawng zawngte chu a nih tur ang thlapa a nih vangin kan issue mai a ni” a ti bawk.
A nih leh chuti si engvangin nge CEO in dan lo taka inbumna ang hiala ngaia lehkhathawn a thawn si che u, tia zawhna chu, “Chutak chu a ni kan la chhan lohna chhan chu. He lehkhathawn hi chhang turin ka ti a, vawiin thlengin chhan in a la awm lo” a ti a, “Business organization kan ni a, sumdawnna titura lokal kan ni a, tute nen mah buaina neih kan duh lo, hemi chungchangah pawh hian inremna tha tak neih kan duh a ni” a ti bawk.
Health Care Society CEO khan Health Care sum Bajaj Allianz a dahte kha tiamkamna awm lo leh a bo abang awm lova laklet leh an duhthu a lehkhathawnah khan a ziak a, tia zawhna chu Bajaj Allianz lam chuan, “Chu chu keini pawhin kan zawh ve leh a ngai ang” a ti a, i zawt tawh em? tia zawhna chu, “Kan la zawt lo a ti thung”
A nih leh Rs nuai 80 mi pakhat hminga dah khan hlawkna engzah nge a neih theih ang tia, Zozam Weekly zawhna chu, “A thi a nih chuan 4 crore a ni ang” a ti a.
Mahse, Mizoram Health Care Scheme chu mi nung a ni lova organization a ni a, a thi thei lova, kum thum chhungin pawisa dah a nihin kum thum hnuah engzah nge a hlawkna atel ang, tia zawhna chu, “Market a zir a ni mai” a ti a. Market crased ta se tia zawhbelhna chu, “System thar ‘Switch Over’ kan nei a. He system hnuaiah hian kan customer ten an pawisa dahte an hlohlohna turin hmun dangah kan invest thei a chuta interest chu 10% per annum a ni thei” a ti.
A nih leh kum thum chhungin eng percent in nge sum chu dah pun a nih ang, tia zawhna chu, “Bajaj Allianz chuan 10% leh 6% in a tipung thei” a ti a.
Chu chu Assurance nge projection tia zawhna chu, “10% hi assured a ni lo, projection chauh a ni” a ti bawk.
Sorkar documents-a a landan chuan Mizoram Health Care Scheme pawisa chu Bajaj Allianze a an invest ngamna chhan chu Bajaj Allianz in 12% a tihpun an tiam vang a ni, tia zawhna chua, “Bajaj in chutiang tiamkamna lehkha a siam lo hrim hrim. Thil tih theihloh hul hual a ni a, chutiang thil chu kan ti thei lo hrim hrim” tiin Zozam Weekly a chhang.
Mizoram State Health Care Scheme chuan 12% a intihpun sak dawn vanga nangmahni a Vbch 10 rawn dah lut niin an in sawi si a, tia zawhbelhna chu, “Kan insurance rules ah pawh thil theihloh a ni a, Bajaj chuan chutiang assurance a pe theilo hrim hrim” a ti bawk.
A nih leh kum thum hnuah Mizoram State Health Care Scheme chuan engzah nge vbch 10 atang hian hlawkna a hmuh ang tia zawhna chu, “Shahre market a zir a ni ang a, a san viau kan ring a chhan chu India hi China tihlohah chuan sumdawnna atana hmun tha ber a nih vang a ni” tiin a chhang bawk.
A tha thei ang ber leh a chhe thei ang ber tura chhutin kum 3 hnuah Mizoram Health Care Scheme hian vbch 10 atang hian engzah nge hlawkna a tel ang? tia zawhna chu, “A tlem berah 15 crore a ni ang. Market a chhia a market crashed te a awm a nih chuan a tawn san lai bera a hlutna angin pawisa hi kan la chhuak ang a, bond fund-ah interest hniam zawk 1-3% velah kan dah lut ang” a ti a.
Mizoram State Health Care Scheme CEO i sawi dan anga he pawisa neitu ber chuan vbch 10 Bajaj a an dah chu penalty awm lovin pe let leh tur che u in a hrilh che u a, in pe let leh dawn em? Thil theih a ni em? tia zawhna chu, “Kum thum hnuah lo chuan pawisa hi an la let thei lovang” a ti a, a nih leh paying penalty hmangin lak chhuah duh se la, tia zawhna chu, “Chutiang system kan nei lo hrim hrim. Phalloh a ni tawp” tiin Zozam Weekly a chhang a ni.
MSHC Leh Akaihhnawih
Mizoram Health Care Scheme sum chungchanga Health Minister kal ta Pu R. Tlanghmingthanga’n press mite hmaa a thusawi leh, MSHC CEO Dr Sangzuala Pachuau thusawi chu a inkalh niin a lang. Tun hnaia Dr Sangzuala’n TV interview-a a sawi leh Bajaj Allianz Life Insurance Co. Ltd. hnena April 3-a a lehkha thehluh chu Pu Tlanga thusawi nen hian a inmil lo hle.
Pu R. Tlanghmingthanga’n April 7-a press mite a kawmnaah Health Care Scheme pawisate hi Health Minister a nih laia hemi pual liau liau atan Health Department-ah budget-a dah a ni tih fiah takin a sawi a. Hetihlai hian Chief Executive Officer Dr Sangzuala Pachuau chuan, he sum hi Plan Fund-a mi pûk a nih thu leh, Asian Development Bank-in sum a rawn pek huna chhûn khah leh tur a nih thu chiang takin Zozam buatsaih Zotalk-ah a lo sawi tawh thung.
Cheng vaibelchhe 10 Bajaj Allianz-ah dah tura rawtna hi December 1, 2008 khan notesheet-ah ziah a ni. Chu chu MLA election vote thlak hma ni chiah kha a ni.
Sorkar official pakhat chuan Assembly inthlan tûk, December 3-ah note ziakin sorkar sum Bajaj Allianz-a dah tumna awm chu ngaihtuah nawn leh turin a rawt.
File dawngtu hian a ni la laa lehlânin, vaibelchhe 10 chu kum khat atan national bank engemaw a fixed deposite-a dah a, vaibelchhe 10 dang kha chu thla thum atan national bank ah fixed deposite thova dah a rawt a. Health Minister-ah December 3 hian a thawn nghal. Bajaj Alliance chu a support lem lo in a lang, document a lan dan chuan.
Health Minister hian hemi ni vek hian a chhana ziak nghal in rawtna ziak nghalin, “GB rel angin” Bajaj Allianz-ah insure turin a rawt a, CM-ah a thawn nghal bawk a.
CM hian Dec. 4 khan Health Minister rawtna chu a pawmpui thu a ziak ve leh a. Chu chu vote thlak Dec. ni 2 leh vote chhiar Dec. ni 8 inkar a ni.
Chief Executive Officer lehkhaa a lan dan chuan, Bajaj Allianz lam hian sorkar official-te hi hrilh chiang loin anmahni thuin mimal hmingin an lo dah ve ringawt a. He lehkhaa a inziak zel dan hi chuan sorkar official hming lang vete hriatpuina tel miah loin an hmingin sum hi dah a ni a, Pu Tlanga’n a fate hming an hawhtir dan a sawi nen kha chuan thil inpersan tak niin a lang ta a ni.
Health Minister hlui Pu Tlanghmingthanga’n April 7-a press mite a kawm tuma lehkha a sem, Bajaj Allianz Addl. Chief Branch Manager Helen Zonunmawii’n ni 6.4.2009-a a ziahah chuan, “...policy documents-a hming chuangte hian an pawisa dahkham hi la chhuak turin right leh authority an nei lo a, Mizoram sorkar hnuaia Health Care Society chauhin pawisa hi a la chhuak thei ang...” tih a awm a. Policy leitu mimal 17-ten an policy lei chu State Health Care Society ta a ni tih an puanna leh an tiamna lehkha sem a ni bawk a. Chung lehkhaah chuan hming sign a awm lo a, February 20, 2009-a siam angin a lang a, Policy an lei ni kha February 12, 2009 tih a inziak bawk. Mahse, policy form a “Nominee” (thi ta se a ro chang tu tur) atan Mizoram Health Care Society a lang lo reng reng thung a. Anchhung te hming vek dah a ni a, official te policy ah pawh a bang chuang lo.
Pi Helen Zonunmawii lehkha chu Society pawisa hmanga mimalin Life Insurance policy a lei hmaa thu indelhkilhna ni awm tak a ni a, policy lei fel atanga thla hnih zet a liam hnua siam chauh niin a lang.
‘Assignor’ an tih mai, mimal hming tumtuten an policy lei Society hnena an hlanna lehkha an siamah policy hi February 12, 2009-ah an lei fel tawh tih a lang a; Febuary 20, 2009-ah lehkha chu an siam chauh a, hming an sign lo lehnghal. Mahse, Zozam document neih thar berah chuan policy te hi December 17, 19, 20 leh 23, 2008 a lei a ni thung.
Sorkar hnuaia Society pawisa, cheng vaibelchhe 10 lai mimal hminga dah chungchanga document pakhatah mah legal formality a lang lo a, affidavit siam a awm lo.
Mystery Girl Puii Renthlei
Zozam Weekly chuan Puii Renthlei hriat tumin nasa takin a buaipui a. Bajaj Allianz agent Health Care sum Fourtune Plus a dah a nih a, collecton nei lian ber a ni. Agent panga zingah a collection a tam ber a, amah kaltlanga sum dahluh a tam ber tihna a nih chu. Puii Renthlei chauh hian Liandingpuii, F. Lawmsanga Thiak, Laldinpuii, Lalsangzuali, Liansangkima Renthlei, Don Sapremthanga Halliday, V. Lalthakimi leh Laltharzela te hmingin nuai 740 lai a dah lut a, agent dangte hi chu an hriattheih mai a. Puii Renthlei tihchauha a hming tarlan a nih vangin Zozam Weekly chuan tu nge a nih chiah a hre thei lo. Zozam Weekly chuan Bajaj Allianz chu agent ten pawisa an dah luha a percent an hlawh thin dan a zawt a. Scheme dangah chuan an sawi duh laiin Fortune Plus-ah erawh agent tena commission an neih zat an sawi duh lo. Scheme dangah chuan pawisa dah tam dan a zirin 2-10% an ei thung.
Mizoram Health Care Society sum vbch 10 mi 17 hminga Bajaj Allianz a dah chu insurance policy hrang pahnih hmanga dah a ni.
Policy pakhat zawk Fortune Plus hnuaiah mi 12 hminga dah a ni a, chu chu Minister hlui Pu Tlanghmingthanga vua leh vangte anni a, ‘New Unit Gain Easy pension Plus SP’ hnuaiah midang ho chu dah anni thung.
Bajaj Allianze hnuaia ‘Fortune Plus’ a Health Care Scheme pawisa dah dan hi a in ang lo nuai a.
Sorkar Official te chu ‘single premium’ anga dahsak annih laiin Pu Tlanghmingthanga chhung leh khatte erawh ‘Annual premium’ anga dahsak anni thung a. Liandingpuii erawh Supplier anga dah ve tho a ni thung a, Single premium aiin Annual Premium hi a hlawk zawk fe a ni.
Chumai a ni lo, an vaiin Fortune Plus hnuaiah dahsak anni lova. Pu Tlanghmingthanga leh a vua leh vang zawngte hi ‘Fortune Plus’ hnuaia dah niin Official te leh an nupui te rawh ‘New Unit Gain Easy pension Plus SP’ hnuaiah dahsak anni thung.
Chumi awmzia chu mi 12 te chu ‘Fortune plus’ hnuaiah dah anni a, chu’ng mite chu Pu Tlanghmingthanga vua leh vangte anni. A dang mi panga te erawh ‘Unit Gain Easy Pension Plus SP’ hnuaiah dahsak anni thung.
Official te ‘Unit Gain Easy pension Plus SP’ hnuaia dahsak annih laia Pu Tlanghmingthanga chhung leh khatte ‘Fortune plus’ hnuaia dahsak bik anni hi thil mak tak a ni.
Pu Tlanghmingthanga fanu Liansangpuii Renthlei hmingin policy pahnih nuai 40 ve ve a pahniha belhkhawmin nuai 80 lei a ni a.
Policy an lei ni leh hun pawh hi nikum kum tawp hun tep ter tawh takah a ni a. Nikum December 23 khan Lalsangzuali, Health Care CEO Dr. Sangzuala nupui leh Don Sapremthanga Halliday, Pu Tlanghmingthanga makpa leh Liansangpuii Renthlei, Pu Tlanghmingthanga fanu bakah Dr. Biakthansangi te hmingin policy hi lei chauh a ni.
Nikum vek December 17 khan J.C. Ramthanga, Sangzuala Pachuau, Lalthansanga, Lalhmangaihi Ralte hmingin policy hi lei a ni bawk a.
December 20, 2008 khan Liandingpuii, F. Lawmsanga Thiak, Laldinpuii, Liansangkima Renthlei, R. Liansanglura, V. Lalthakimi, Liansanglura te hminga lei a ni bawk a. December 19-ah khan Laltharzela hminga lei a ni bawk.
Bajaj Allianze a Health Care pawisa dah luttu te hi mi pangnga an ni a. Chungte chu Lianthuampuii Renthlei, Puii Renthlei, R. Lalramfantluangi, R. Zothansanga, R. Lalromawii te anni a. Health Care pawisa vbch 10 hi heng agent 5 te hian an dah lut a.
Lianthuampuii Renthlei hi J.C. Ramthanga, Sangzuala Pachuau, Lalthansanga leh Lalhmangaihi Ralte leh Liansanglura te agent a ni a. A pawisa dah luh tlingkhawm hi nuai 160 a ni.
Puii Renthlei hi Liandingpuii, F. Lawmsanga Thiak, Laldinpuii, Lalsangzuali, Liansangkima Renthlei, Don Sapremthanga Halliday, V. Lalthakimi leh Laltharzela te agent niin a pawisa dah luh zat chu nuai 740 lai a ni thung a.
R. Lalramfantluangi hi Liansanglura agent niin a pawisa dahluh zat chu nuai 20 a ni thung a. R. Zothansanga chu Liansangpuii Renthlei agent pakhat zawk niin nuai 40 a dah lut a. R. Lalromawii awh Liansangpuii agent ve tho niin nuai 40 a dah thung.
Thil Felhlel
“He investment hi kalpui a lo nih dawn takah chuan Society in nunna (life) a neih loh avangin mihring hming hawh alo ngai ta a. Chu mihring hming hawh turah chuan Society tana rintlak leh innghah ngamna a ngai ta a, Bajaj Allianz Company in hma la in an mi rin ngam te hming chu hawhsak a ni ta a, chutah chuan ka fate hming pawh alo tel ve ta a ni. An hming an hman hawhnaah hian cheng khat pawh hlawkna a awm lo ni mai lovin he policy an siamnaa an hming an hman avanga hlawkna lo awm thei zawng zawng hi Mizoram State Health Care Society ta vek a ni tih hi ziah fel vek a ni. A policy leh he document zawng zawng hi Mizoram State Health Care Sociery-ah dah luh vek a ni a, hming hman hawhna mai anih zia leh a hming neitu tana cheng khat pawh an hlawkpuiloh tur zia chiang taka ziah fel vek a ni chung pawha heti taka kan Health Minister-in a mimal intih mualpho tumna avanga a nihna dik tak thupluia mipuite ngaiha kei leh ka chhungte min bei vak hi hriatthiam harsa ka ti a, ngawihbopui mai chi anih loh avangin hma ka la ve dawn a ni” tiin Pu Tlanghmingthanga chuan chanchinbu mite hmaah a sawi a.
Mahse, mimal hming hawh te hian tawngthu chhethei lovah thihna hial lo tawk palh ta se an aiawh tur (nominee) ah Mizoram Health Care Scheme chu an dah leh lawi si lo.
Entirna atan Liandingpuii chuan engemaw harsatna lo tawk palh ta se a aiawha pawisa la chhuak theitu atana a dah chu a pa Pu R. Tlanghmingthanga a ni daih thung a. Chu chu chiang takin details of the policy-ah ziahlan a ni.
Vbch 10 Bajaj-ah dah luh vek a ni lo thei
State Health Care sum hmanga policy an lei hi insurance policy a ni. Insurane policy-ah chuan policy lei tur a awm a, chu chu an va lei a ni mai a. A leina chu premium niin kum upat dan a zirin a danglam thei mai chauh a.
Entirna atan kum 30 mi i ni a, Fortune Plus-ah policy i lei ta a. I policy term kha kum 20 ni ta se i annual premium chu Rs 20,000 ni ta se. I sum lu chu Rs 100,000 a ni a, a fund value kha 6% ni ta se 638,992 a ni ang a, 10% ah chuan 1,009, 800 a ni ang.
Chutiang chiah chuan i premium Rs 30,000 a nih chuan i sum lu chu Rs 150,000 a ni a, a fund value kha 6% ni ta se 969,920 a ni ang a, 10% ah chuan 1,530,648 a ni ang.
Chutiang bawkin i premium Rs 50,000 a nih chuan i sum lu chu Rs 250,000 a ni a, a fund value kha 6% ni ta se 1,631,777 a ni ang a, 10% ah chuan 2,572,342 a ni ang.
Premium hi a pawimawh lai ber a tih theih ang. Vbch 10 velin policy lei dawn ta la chumi policy leina atana i sum sen zat tur chu vbch 2 vel chauh a ni mai thei.
Chutiang bawk chuan Mizoram Health Care sum hmangin Vbch 10 man insurance policy lei a ni mai a. A man hu ang chauh lei a ni a, a leina erawh Vbch 2 vel chauh a ni thei tihna a nih chu!
Lalduhawma a tawngchhuak ve ta
Health Care pawisa cheng nuai 1000 lai mai Bajaj Allianz a kumthum chhung atana dah chungchangah hian ZNP president Lalduhawma chuan Zozam zawhna chhangin pawisa heti zozai mai an lo dah hi a dik lo hrim hrim a ni, a ti a. Kan harsatna avangin Asian Development Bank atangin pawisa kan puk a, chumi lo dah pun tum hi a kawng lo a ni, a ti.
Sorkar pangngai kalphungah khawi sawrkar mahin inthlan bawrah file an kaltir ngai tawh lo a ni, tia sawiin inthlan vote thlak tawh hnua hetiang pawisa tam tham chungchang an la bawhzui chu mak a tih thu a sawi.
Health care pawisa dah chungchangah hian hetianga pawisa tam tham hi Chief Minister nena sawiho fe hnuah lo chuan Pu Tlanga hian ama thu ringawtin a ti tlang lo tawp ang. File ah pawh Chief Minister inrawlhna a lang a. Chuvangin he thilah hian chief minister hi a bang thei lo reng reng a, a mawh an phur tlang vek a ni, a ti bawk.
Prism pawhin Health Care Scheme pawisa vbch 10 chungchangah hian thil felhlel awma hriain FIR an thehlut bawk.
Zozam Weekly Leh Bajaj Allianz
Bajaj Allianz hnuaiah Mizoram-ah Branch pali a awm a, Additional Chief Branch Manager pahnih neiin Senior Branch manager pahnih an nei bawk a. Chumite hnuaiah chuan Sales Manager pariat lai an awm bawk. Sales Manager hnuaiah Insurance Consultants tam tak an awm leh a ni.
Health Care Scheme hnuaiah mi 17 laiin Life Insurance policy kaltlangin Mizoram Health Care Scheme pawisa 10 crore chu dah a ni a, mi 17 te insurance hi Sales manager pahnih Peter Lalrintluanga leh Nancy te kaltlanga tih a ni.
Peter Lalrintluanga leh Nancy te hnuaiah hian Insurance Consultants panga an la awm a, chung mite hmang chuan Mizoram Health Care Scheme pawisa 10 crore lai chu Bajaj Allianz-ah dah a ni ta a ni.
Chung mi panga te chu Lianthuampuii Rentheli, Puii Renthlei, R. Lalramfantluangi, R. Zothansanga, R. Lalromawii te anni a, mi pangnga te hi Chief Branch manager Helen Zonunmawii hnuaia awmte anni.
Commisssion agent tena Health Care sum hmanga an sum dahluh atanga pawisa a percentage a an lak hi 2% emaw 8%, 10% leh 2 % a ni thei. Hei hi a policy a zirin a danglam thei a ni.
Health Care Scheme pawisa mi 17 te tana Bajaj Allianze a dah hi nikum December 3, 2008 khan siam a ni.
Hetihlai hian Mizoram State Health Care Care Scheme CEO Dr. Sangzuala hriatpuina a 10 crore hi dah a nih rualin Dr. Sangzuala chuan Bajaj Allianz te hi lehkhathawn leh thungin chutah chuan Insurance Policy atan Health Care Scheme pawisa chu hman a nih theihnan permission pek a nih loh thu a sawi leh thung a, chu chu chiang takin lehkha a ziakin Bajaj Allianz te hi a hriattir leh si a ni.
Hetihlai hian Bajaj Allianz lam chuan Dr. Sangzuala lehkha an hriatthiam loh thu leh eng policy mah a dahtu hriatpuina leh remtihna tellova an pek theihloh thu an sawi thung a. Policy lei a nih hma in insurer chuan a hming ziakna te, a thlalak leh documents pawimawh te a thehluh vek a ngaih thu leh chumi hnuah chauh chuan Company chuan an policy te an hralh theih chauh thu an sawi thung.
Bajaj Allianz a thu neitu te chuan Health Care Scheme pawisa hmanga insurance leitu te chu Insurance Consultant leh Sales manager pahnih kaltlanga tih vek a nih thu an sawi bawk. Bajaj Allianze lam chuan hetiang ang tho hian Mizoram Synod pawhin an tih tho thu an sawi bawk a ni.
Zozam Weekly chuan tun hnaiah Mizoram State Health Care Scheme CEO in lehkha a thawn che u a, Bajaj Allianze hian chu lehkhathawn chu inchhang let em tia a zawhna chu, “Kha lehkhathawn kha kan hmu a, chhang turin kan inti a, he lehkhathawn hi kan chhang let ang tun hnai maia lokal a nih vang leh kan dawn chauh avangin kan la chhang let lo” a ti thung.
He policy hi nikum December-ah tih tawh a ni a, Assignment chu February thlaah tih chauh a ni a, thil inmillo deuh a awm lo maw? tia zawhna chu, “Keimahni lam atang chuan insure titu tan an signature leh documents tellovin kan ti thei lova. Chumi kan tih fel vek hnuah chauh chuan policy kan siam sak thei chauh a ni, kan hmuhdan chuan policy zawng zawngte chu a nih tur ang thlapa a nih vangin kan issue mai a ni” a ti bawk.
A nih leh chuti si engvangin nge CEO in dan lo taka inbumna ang hiala ngaia lehkhathawn a thawn si che u, tia zawhna chu, “Chutak chu a ni kan la chhan lohna chhan chu. He lehkhathawn hi chhang turin ka ti a, vawiin thlengin chhan in a la awm lo” a ti a, “Business organization kan ni a, sumdawnna titura lokal kan ni a, tute nen mah buaina neih kan duh lo, hemi chungchangah pawh hian inremna tha tak neih kan duh a ni” a ti bawk.
Health Care Society CEO khan Health Care sum Bajaj Allianz a dahte kha tiamkamna awm lo leh a bo abang awm lova laklet leh an duhthu a lehkhathawnah khan a ziak a, tia zawhna chu Bajaj Allianz lam chuan, “Chu chu keini pawhin kan zawh ve leh a ngai ang” a ti a, i zawt tawh em? tia zawhna chu, “Kan la zawt lo a ti thung”
A nih leh Rs nuai 80 mi pakhat hminga dah khan hlawkna engzah nge a neih theih ang tia, Zozam Weekly zawhna chu, “A thi a nih chuan 4 crore a ni ang” a ti a.
Mahse, Mizoram Health Care Scheme chu mi nung a ni lova organization a ni a, a thi thei lova, kum thum chhungin pawisa dah a nihin kum thum hnuah engzah nge a hlawkna atel ang, tia zawhna chu, “Market a zir a ni mai” a ti a. Market crased ta se tia zawhbelhna chu, “System thar ‘Switch Over’ kan nei a. He system hnuaiah hian kan customer ten an pawisa dahte an hlohlohna turin hmun dangah kan invest thei a chuta interest chu 10% per annum a ni thei” a ti.
A nih leh kum thum chhungin eng percent in nge sum chu dah pun a nih ang, tia zawhna chu, “Bajaj Allianz chuan 10% leh 6% in a tipung thei” a ti a.
Chu chu Assurance nge projection tia zawhna chu, “10% hi assured a ni lo, projection chauh a ni” a ti bawk.
Sorkar documents-a a landan chuan Mizoram Health Care Scheme pawisa chu Bajaj Allianze a an invest ngamna chhan chu Bajaj Allianz in 12% a tihpun an tiam vang a ni, tia zawhna chua, “Bajaj in chutiang tiamkamna lehkha a siam lo hrim hrim. Thil tih theihloh hul hual a ni a, chutiang thil chu kan ti thei lo hrim hrim” tiin Zozam Weekly a chhang.
Mizoram State Health Care Scheme chuan 12% a intihpun sak dawn vanga nangmahni a Vbch 10 rawn dah lut niin an in sawi si a, tia zawhbelhna chu, “Kan insurance rules ah pawh thil theihloh a ni a, Bajaj chuan chutiang assurance a pe theilo hrim hrim” a ti bawk.
A nih leh kum thum hnuah Mizoram State Health Care Scheme chuan engzah nge vbch 10 atang hian hlawkna a hmuh ang tia zawhna chu, “Shahre market a zir a ni ang a, a san viau kan ring a chhan chu India hi China tihlohah chuan sumdawnna atana hmun tha ber a nih vang a ni” tiin a chhang bawk.
A tha thei ang ber leh a chhe thei ang ber tura chhutin kum 3 hnuah Mizoram Health Care Scheme hian vbch 10 atang hian engzah nge hlawkna a tel ang? tia zawhna chu, “A tlem berah 15 crore a ni ang. Market a chhia a market crashed te a awm a nih chuan a tawn san lai bera a hlutna angin pawisa hi kan la chhuak ang a, bond fund-ah interest hniam zawk 1-3% velah kan dah lut ang” a ti a.
Mizoram State Health Care Scheme CEO i sawi dan anga he pawisa neitu ber chuan vbch 10 Bajaj a an dah chu penalty awm lovin pe let leh tur che u in a hrilh che u a, in pe let leh dawn em? Thil theih a ni em? tia zawhna chu, “Kum thum hnuah lo chuan pawisa hi an la let thei lovang” a ti a, a nih leh paying penalty hmangin lak chhuah duh se la, tia zawhna chu, “Chutiang system kan nei lo hrim hrim. Phalloh a ni tawp” tiin Zozam Weekly a chhang a ni.
MSHC Leh Akaihhnawih
Mizoram Health Care Scheme sum chungchanga Health Minister kal ta Pu R. Tlanghmingthanga’n press mite hmaa a thusawi leh, MSHC CEO Dr Sangzuala Pachuau thusawi chu a inkalh niin a lang. Tun hnaia Dr Sangzuala’n TV interview-a a sawi leh Bajaj Allianz Life Insurance Co. Ltd. hnena April 3-a a lehkha thehluh chu Pu Tlanga thusawi nen hian a inmil lo hle.
Pu R. Tlanghmingthanga’n April 7-a press mite a kawmnaah Health Care Scheme pawisate hi Health Minister a nih laia hemi pual liau liau atan Health Department-ah budget-a dah a ni tih fiah takin a sawi a. Hetihlai hian Chief Executive Officer Dr Sangzuala Pachuau chuan, he sum hi Plan Fund-a mi pûk a nih thu leh, Asian Development Bank-in sum a rawn pek huna chhûn khah leh tur a nih thu chiang takin Zozam buatsaih Zotalk-ah a lo sawi tawh thung.
Cheng vaibelchhe 10 Bajaj Allianz-ah dah tura rawtna hi December 1, 2008 khan notesheet-ah ziah a ni. Chu chu MLA election vote thlak hma ni chiah kha a ni.
Sorkar official pakhat chuan Assembly inthlan tûk, December 3-ah note ziakin sorkar sum Bajaj Allianz-a dah tumna awm chu ngaihtuah nawn leh turin a rawt.
File dawngtu hian a ni la laa lehlânin, vaibelchhe 10 chu kum khat atan national bank engemaw a fixed deposite-a dah a, vaibelchhe 10 dang kha chu thla thum atan national bank ah fixed deposite thova dah a rawt a. Health Minister-ah December 3 hian a thawn nghal. Bajaj Alliance chu a support lem lo in a lang, document a lan dan chuan.
Health Minister hian hemi ni vek hian a chhana ziak nghal in rawtna ziak nghalin, “GB rel angin” Bajaj Allianz-ah insure turin a rawt a, CM-ah a thawn nghal bawk a.
CM hian Dec. 4 khan Health Minister rawtna chu a pawmpui thu a ziak ve leh a. Chu chu vote thlak Dec. ni 2 leh vote chhiar Dec. ni 8 inkar a ni.
Chief Executive Officer lehkhaa a lan dan chuan, Bajaj Allianz lam hian sorkar official-te hi hrilh chiang loin anmahni thuin mimal hmingin an lo dah ve ringawt a. He lehkhaa a inziak zel dan hi chuan sorkar official hming lang vete hriatpuina tel miah loin an hmingin sum hi dah a ni a, Pu Tlanga’n a fate hming an hawhtir dan a sawi nen kha chuan thil inpersan tak niin a lang ta a ni.
Health Minister hlui Pu Tlanghmingthanga’n April 7-a press mite a kawm tuma lehkha a sem, Bajaj Allianz Addl. Chief Branch Manager Helen Zonunmawii’n ni 6.4.2009-a a ziahah chuan, “...policy documents-a hming chuangte hian an pawisa dahkham hi la chhuak turin right leh authority an nei lo a, Mizoram sorkar hnuaia Health Care Society chauhin pawisa hi a la chhuak thei ang...” tih a awm a. Policy leitu mimal 17-ten an policy lei chu State Health Care Society ta a ni tih an puanna leh an tiamna lehkha sem a ni bawk a. Chung lehkhaah chuan hming sign a awm lo a, February 20, 2009-a siam angin a lang a, Policy an lei ni kha February 12, 2009 tih a inziak bawk. Mahse, policy form a “Nominee” (thi ta se a ro chang tu tur) atan Mizoram Health Care Society a lang lo reng reng thung a. Anchhung te hming vek dah a ni a, official te policy ah pawh a bang chuang lo.
Pi Helen Zonunmawii lehkha chu Society pawisa hmanga mimalin Life Insurance policy a lei hmaa thu indelhkilhna ni awm tak a ni a, policy lei fel atanga thla hnih zet a liam hnua siam chauh niin a lang.
‘Assignor’ an tih mai, mimal hming tumtuten an policy lei Society hnena an hlanna lehkha an siamah policy hi February 12, 2009-ah an lei fel tawh tih a lang a; Febuary 20, 2009-ah lehkha chu an siam chauh a, hming an sign lo lehnghal. Mahse, Zozam document neih thar berah chuan policy te hi December 17, 19, 20 leh 23, 2008 a lei a ni thung.
Sorkar hnuaia Society pawisa, cheng vaibelchhe 10 lai mimal hminga dah chungchanga document pakhatah mah legal formality a lang lo a, affidavit siam a awm lo.
Mystery Girl Puii Renthlei
Zozam Weekly chuan Puii Renthlei hriat tumin nasa takin a buaipui a. Bajaj Allianz agent Health Care sum Fourtune Plus a dah a nih a, collecton nei lian ber a ni. Agent panga zingah a collection a tam ber a, amah kaltlanga sum dahluh a tam ber tihna a nih chu. Puii Renthlei chauh hian Liandingpuii, F. Lawmsanga Thiak, Laldinpuii, Lalsangzuali, Liansangkima Renthlei, Don Sapremthanga Halliday, V. Lalthakimi leh Laltharzela te hmingin nuai 740 lai a dah lut a, agent dangte hi chu an hriattheih mai a. Puii Renthlei tihchauha a hming tarlan a nih vangin Zozam Weekly chuan tu nge a nih chiah a hre thei lo. Zozam Weekly chuan Bajaj Allianz chu agent ten pawisa an dah luha a percent an hlawh thin dan a zawt a. Scheme dangah chuan an sawi duh laiin Fortune Plus-ah erawh agent tena commission an neih zat an sawi duh lo. Scheme dangah chuan pawisa dah tam dan a zirin 2-10% an ei thung.
No comments:
Post a Comment