¢ K Lalreia
Pathian thu thiam Scofield-a'n kan Lalpa thih ni kha AD 30 April ni 7, Friday a ni a ti a, (Scofield Reference Bible 1945 chhuak note phek 44na). Upper Republic-a pa naran hian “A ni lo tawp” tiin ka hnial tlat a ni.
Scofield-a ngaihdan hi Kristian mipui tam ber pawm dan a ni. AD 30 April ni 7 kha Friday chu a ni a, a fiah duh tan “Calender Kumhlun” 2005-a ka siam, kum sang tam atan pawha hman zel theih tur Central Baptist Thalai-in Rs 10-in an zuar. Mahse AD 30 April ni 7 hi Abib ni 16 a ni tlat mai, Kalhlenna ran talh hunbi atana Pathianin a tuksak chu Abib ni 14 a ni. A fiah duh chuan Hebrai Calendar vawngthatute atangin fiah theih a ni a, an number chu-http://www.aish.com a ni. AD 30 April ni sarih-ah kan Lalpa kha an khengbet a nih chuan, khawvel sualthawina Pathian Beramno kha Pathian chatuan remruat hunbiah hlan a nilo tihna a ni ang a, Pathian thiltum kalh leh thelh a ni bawk ang.
Kan Lalpa kha Zirtawpnia thia Sunday vartiana tho leh a nih chuan thil awmdan bihchiang ila:- 1). Aigupta an chhuahsan dawna Kalhlenna ran talh nana Israel fate hun a tuksak kha, kan Lalpan khawvel a chhandam tur entirna a ni a, Abib ni 14-ah ngei, tlai pahnih inkar (bane-Ha-erebim: chu chu tlai dar thum leh Ni tlak inkar sawina)-ah ngei an talh tur a ni (Ex 12:6; Num 9:11; Deu 16:6. New King James Version-in “twilight” tih vekin a dah a, a diklo. Mizo Study Bible-in Num 9:2ah “Ni tlak atangin” a tih pawh hi a diklo a, thu thuhmun a ni a, Ni uai lamah - at the going down of the sun a ni). AD 30 kuma April ni sarih Zirtawpni kha Abib ni 16 a nih avangin Pathian thupek Abib ni 14 mil-loah a thi tihna a ni ang. 2). A tlanna hna thawh azarah inthawina leh thilhlan fo ngai thin a tihtawpna chu Daniela Hapta 70na laihawlah tih a ni a (Dan 9:27, Mizo Bible lettuten an hmuh thelh avangin inthawina leh thilhlan titawptu kan Lalpa chu Sakawlh-ah an puh daih). Daniela hapta 70-na laihawlah (baptisma a chan atanga kum thum leh a chanve velah) Messiah kha khenbeh a ni. Khenbeh ni pawh kha, kar tawp tep Zirtawpah niloin, kar laihawl Nilaini a ni leh zel tih hre tel ila. 3). Lei chhungah ni thum leh zan thum a awm tur thu kan Lalpa khan chiang fakin a sawi a (Mt 12:40). Zirtawp tlai atanga Sunday vartian chu zan hnih chang chang leh ni khat chauh a ni a, Pastor tumahin ni thum leh zan thum ni awmin an chhut tling thei bik lo na-chungin, nihtir tumin thlarau tha loin Roman Kohhran sorkar (Sakawlh rilru pu, thu uar lutuk kan ni miah lo a nia) hmangin nasa takin Kristiante ngaihtuahna a lo hruaibo tawh a, ni emaw kan ti ta zel a nih hi.
Khenbeh ni kha eng ni nge? Pathian chatuan remruat Abib ni 14 ngeiah kalhlenna ran talh tur a nih angin, khawvel sualthawina Kalhlenna kan Lalpa kha Abib ni 14 chiahah bawk talhin a awm, chu chu AD 30 April ni sarih niloin April ni nga a ni a, Nilaini a ni. Nilai zan, Ninga zan, Zirtawp zan, zan thum chiah.
Pathian thu thiam Scofield-a'n kan Lalpa thih ni kha AD 30 April ni 7, Friday a ni a ti a, (Scofield Reference Bible 1945 chhuak note phek 44na). Upper Republic-a pa naran hian “A ni lo tawp” tiin ka hnial tlat a ni.
Scofield-a ngaihdan hi Kristian mipui tam ber pawm dan a ni. AD 30 April ni 7 kha Friday chu a ni a, a fiah duh tan “Calender Kumhlun” 2005-a ka siam, kum sang tam atan pawha hman zel theih tur Central Baptist Thalai-in Rs 10-in an zuar. Mahse AD 30 April ni 7 hi Abib ni 16 a ni tlat mai, Kalhlenna ran talh hunbi atana Pathianin a tuksak chu Abib ni 14 a ni. A fiah duh chuan Hebrai Calendar vawngthatute atangin fiah theih a ni a, an number chu-http://www.aish.com a ni. AD 30 April ni sarih-ah kan Lalpa kha an khengbet a nih chuan, khawvel sualthawina Pathian Beramno kha Pathian chatuan remruat hunbiah hlan a nilo tihna a ni ang a, Pathian thiltum kalh leh thelh a ni bawk ang.
Kan Lalpa kha Zirtawpnia thia Sunday vartiana tho leh a nih chuan thil awmdan bihchiang ila:- 1). Aigupta an chhuahsan dawna Kalhlenna ran talh nana Israel fate hun a tuksak kha, kan Lalpan khawvel a chhandam tur entirna a ni a, Abib ni 14-ah ngei, tlai pahnih inkar (bane-Ha-erebim: chu chu tlai dar thum leh Ni tlak inkar sawina)-ah ngei an talh tur a ni (Ex 12:6; Num 9:11; Deu 16:6. New King James Version-in “twilight” tih vekin a dah a, a diklo. Mizo Study Bible-in Num 9:2ah “Ni tlak atangin” a tih pawh hi a diklo a, thu thuhmun a ni a, Ni uai lamah - at the going down of the sun a ni). AD 30 kuma April ni sarih Zirtawpni kha Abib ni 16 a nih avangin Pathian thupek Abib ni 14 mil-loah a thi tihna a ni ang. 2). A tlanna hna thawh azarah inthawina leh thilhlan fo ngai thin a tihtawpna chu Daniela Hapta 70na laihawlah tih a ni a (Dan 9:27, Mizo Bible lettuten an hmuh thelh avangin inthawina leh thilhlan titawptu kan Lalpa chu Sakawlh-ah an puh daih). Daniela hapta 70-na laihawlah (baptisma a chan atanga kum thum leh a chanve velah) Messiah kha khenbeh a ni. Khenbeh ni pawh kha, kar tawp tep Zirtawpah niloin, kar laihawl Nilaini a ni leh zel tih hre tel ila. 3). Lei chhungah ni thum leh zan thum a awm tur thu kan Lalpa khan chiang fakin a sawi a (Mt 12:40). Zirtawp tlai atanga Sunday vartian chu zan hnih chang chang leh ni khat chauh a ni a, Pastor tumahin ni thum leh zan thum ni awmin an chhut tling thei bik lo na-chungin, nihtir tumin thlarau tha loin Roman Kohhran sorkar (Sakawlh rilru pu, thu uar lutuk kan ni miah lo a nia) hmangin nasa takin Kristiante ngaihtuahna a lo hruaibo tawh a, ni emaw kan ti ta zel a nih hi.
Khenbeh ni kha eng ni nge? Pathian chatuan remruat Abib ni 14 ngeiah kalhlenna ran talh tur a nih angin, khawvel sualthawina Kalhlenna kan Lalpa kha Abib ni 14 chiahah bawk talhin a awm, chu chu AD 30 April ni sarih niloin April ni nga a ni a, Nilaini a ni. Nilai zan, Ninga zan, Zirtawp zan, zan thum chiah.
No comments:
Post a Comment