Fuihna Dangdai
US President Harry Truman kha a vawi khatna atan kum 1934 khan Senate member atan thlantlin a ni a. Chumi tuma court-a a thawhpui thin Judge putar pakhatin a fuihna chu a hlimpui hle. Ti hian a fuih a, "Harry, Senate a i tel ve hunah chuan mahni insitna nei miah suh ang che. A tir lam thla ruk chhung chuan rorelna sanga i tel ringawt chu mak i ti ngawih ngawih ang a. Chumi hnu lamah chuan mi dangte, chu hmuna an lo tel ve thei mai chu mak i ti ngawi ngawih thung ang" tiin.
Che Chhe Ve Tho
US President lo ni tawh zingah khan che chhe thei ve tak tak leh dangdai tak tak an awm nual a. Franklin Roosevelt pawh kha tum khat chu a che chhe khawp mai. Kum 1938 khan Daughters of the American Revolution ho hmaa thu a sawi tumin, a bul tanna'n, "Fellow immirants..." a ti piap mai!
Woodrow Wilson pawh kha a cabinet member pakhatin thu a sawi tawi theih avangin hmaichhanah a fak chiam a. Ani lah chuan eng danga chhang loin, "A tul dan azir mai mai alawm. Minit 10 thu sawi tur chuan kar khat chhung inpuahchah ka ngai a, minit 15 sawi turin ni thum; darkar chanve sawi tur chuan ni hnih; darkar khat sawi tur chuan tunah pawh hian ka inpeih reng asin," tiin a chhang daih thung.
Monday, September 6, 2010
Chanchin Maksak 86
Subscribe to:
Post Comments (Atom)
a van mak yam yam
ReplyDelete