Chanchin Maksak 78

Obama leh Cameron inchawi
US president Barack Obama leh Britain prime minister David Cameron te chuan World Cup khelh mekah beer an inchawi tih White House-in a puang.

A chak zawk ram hruaituin an ram beer tha ber a chawi dawn!

Obama hian June ni 12-ah telephone-in Cameron hi a bia a, beer inchawi a rawt niin White House thuchhuah chuan a sawi a ni.

White House thuchhuakin a sawi dan chuan World Cup-ah hian ram pahnihte an inkhelh chuan US hi a chak zawk tlangpui tih sawiin Obama chuan tun tumah pawh an ram a chak zawk a nih chuan an beer tha ber a chawi tur thu Cameron hi a rilh a ni. Mahse, US leh England hi 1-1-in an indraw a nih kha.

Obama hian eng hi nge an ram beer tha berah a ngaih tih White House hian a sawi lo a, mahse, nikum nipui lai kha chuan Bud Light a in.

Ram pahnih hruaitute hi Cameron-a'n Britain prime minister nihna a chelh atang khan telephone-in vawi hnih an inbe tawh a, June ni 12-ah khan Obama chuan Afghanistan, Iran leh Gulf oil spill chungchangte sawi dun turin Cameron a sawm a ni.

Inrinnia Pretoria, South Africa-a inkhel hi US vice president Joe Biden pawhin a hmunah a en a ni.


Science chu a tih-a tih a ni!
Thuziakmi GK Chesterton-a kha fiamthu thiam, rilru chak zet mai a ni a, chu chu a hmingthanna tak pakhat pawh a ni.

Vawi khat pawh, interview-naah 'Thliarkarah tang ta tlat mai la, eng lehkhabu nge i chhiar ang?' tih zawhna an zawt a, rang fahran hian, "Ele, Thomas-a ziak 'Guide to Practical Shipbuilding' kha," a ti var a!

Related Posts :