Lung in atanga tanpuina!

Putar pakhat parawl hi a awm a, a kum a tam tawh avangin rim taka hnathawk thei a ni tawh lo a. A in bulah chuan chuktuah huan a siam thin a, alu chin a duh hle a, mahse lei let tur chuan a tlin tawh si lo a, a mangang hle mai a. Amah pui theitu tur ber, a fapa neih chhun lah chu lung inah a tang daih bawk si a. A fapa hnenah chuan ti hian lehkha a thawn ta tawp mai a:

Ka fapa duhtak,

Kan in bul huanah khan alu chin ka duh viau a, mahse lei min lehsaktu tur an awm si lo a, ka rilru a buai khawp mai. Alu chin a hun hian i nu khan nuam a ti thei em em a, kumin a ka ching thei lo tur hi hrehawm ka ti takzet a ni. Ka lo upa ve ta a, lei lai thei ziazang ka ni ta lo. Ka hnenah awm ni la chuan ka harsatna zawng zawng hi a kiang ni mai tur a nia le. Lei min lehsak ngei ngei ang tih ka hrechiang viau a, mahse lung inah i tang daih bawk si a.

Nangmah hmangaihtu
I pa

Chumi hnu lawk chuan putar chuan thirhrui a dawng a : "Ekhai, ka Pa, lei chu lo let reng reng suh!! Khatah khan SILAI ka phum nual ania!!" tih hi a lo inziak a.

A tuk zing dar 4 ah chuan police sawm chuang zet hi an lo kal a, huan chu an lai ta ngat ngat a, an laih kim vek hnu pawh chuan silai chu an hmu ta chuang lo a.

Putar chuan mak a tiin a hrilhhai hle a, a fapa hnenah chuan lehkha thawn lehin police an lo kal thu leh an thiltih chu a hrilh a.

A fapa chuan a rawn chhang lehnghal vat a: "Ka Pa, ti khan alu chu ching tawh rawh le. Kha kha ka tanna hmun atanga ka rawn tih theih awm chhun a nih kha" tiin.

Related Posts :