Tawng peih ve asin
US president 36-na Lyndon Baines Johnson (1908-1973) kha pa uang leh fiamthu duh zet mai a ni awm e. Kum 26-mi chauh a nih laiin Taxes-ah National Youth Administration director a ni a, a thawpui pakhat hian lehkhabu a inchhawp hnawk thei hle ni tur a ni, Johnson-a chuan enliam mai mai ta lo hian, a kaltlang apiang hian, "I dawhkana awm ang hi i ngaihtuahnaah chuan a awm awm der si lo a," a ti ziah mai pek a!
Chu pa chuan, vawi khat chu, a dawhkan chu a lo remfel teh vuk a, Johnson-a pek chuan, enliam leh ta mai lo chuan, "I ngaihtuahna chu i dawhkan ang teh huai hi chu a ni em lovang chu maw," a ti leh hram a!
Thil a uluk thei fe mai; January ni 8, 1964-ah khan presidential message neiin thu a sawi a, chumi tuma a thusawi chu thumal 3,059 emaw lek a ni. US president thusawiah chuan a tawi hle. Mahse, thuziakmi 24-in kar 6 chhung an buatsaih a, vawi 16 zet an ennawn bawk.
Haihawt mah mah
Scientist hmingthang Lons Pasteur-a kha ama nupui neih inkhawmah ngei a tel theihnghilh pek zu nia!
Mipui an thut thup tawh a tan a hun ta. Mahse Pasteur-a hmel rng reng a rawn lang thei ta lo. An tihngaihna hre lo chuan an zawng ta ringawt mai a ni.
A laboratory an va en nak chuan experiment a lo bei melh melh mai! Hmanhmawh phelengin an hruaichhuak a, "Engtizia nge...?" tia an han zawh chuan, ani chuan, "Ka experiment tih hma kha chuan ka hria asin mawle, experiment ka'n ti a ka theihnghilh ta a ni. A zia lo hle mai" a lo ti a!
Tichuan, biak inah an hruai lut a an innei ta a ni!
Monday, April 12, 2010
Chanchin Maksak 70
Subscribe to:
Post Comments (Atom)
No comments:
Post a Comment