Monday, October 5, 2009

Burma panin Pani

Hun engemaw chen Mizorama a cham hnuah zaithiam Pani chuan Burma lam a pan leh ta.


Lalpanliani hian September ni 28-ah Aizawl atangin Champhai a pan a, Champhai-ah hian a riak a ni. Champhai leh Tahan inkar-ah eng tia rei nge a thang dawn hriat a ni lo. Tun hnai ruahsurah Burma lamah kawng a chhe hle a, hei vang hian kal chhung a rei hle.

"Tun hnaiah kawng a chhe lutuk a, Champhai leh Tahan inkarah hian kar khat vel pawh thang a ngai mai thei," Pani chuan a ti.

Pan-i hian Mizoram chu nuam a ti hle a, a haw tur pawh a lung a leng hle. Champhai pana an kalna kawngah pawh a mittui a tla hial!

"Mizoram chu a nuam em a ni. Hawina lam apiangah kan mite kan hmu a, tin, mi hi an tha a, ka chungah an tha em em a, nuam ka ti," Pani chuan a ti.

"Mi zawng zawng chungah ka lawm a ni tawp mai. Kan thlenna veng mipuite chungah ka lawm a, media lakah ka lawm a, mipui hrim hrim chungah ka lawm a, mi zawng zawng chungah ka lawm a ni tawp mai. Ka beisei phak bakin miin min lo lawm a, mak pawh ka ti hial. Hetiang hian Mizoram mipuiin min lo lawm ang tih ka ring pha lo," a ti.

Pani hi T Melody zuiin Mizoram hmun hrang hrangah a zai a, Shillong leh Guwahati te pawh a thleng.

"Ka thlen chin apiangah mipui hi ka chungah an tha a, ka zai hi Mizoram mipui te'n ka phu lohvin an lo lawm tih chu ka hria. Mahse, tiang em em hi chuan ka chungah an tha ang tih ka ngaihtuah pha lo. Mizoram ka rawn kal chu, engkim hi ka suangtuah thiam bakin a thleng a ni ber," tiin a sawi.

Pani hian Burma a thlen veleh album siam nghal a tum a, album a peih hunah Mizorama rawn kal leh ngei a tum. T Melody member-te khan mahni khua an thleng tawh hlawm a, an guitarist Thawnga pawh Rangoon-a an studio-ah a bur leh char char tawh. Pani chuan a album hi Thawnga te studio-ah siam a tum a ni.

"Hla ka nei vek tawh a, recording tih nghal char char a ni mai. Ka tluan chuan rei lo teah album hi ka peih theih ka ring," tiin a album chungchang a sawi.

"Lengzem leh lenglawng lam ka album-ah hian ka dah ang. Hla hlui lam hrut ka tum," a ti bawk.

Lalpanliani te hi Rangoon-ah an chhungkuain Tahan atangin an pem a, Champhai atangin Tahan a pan phawt ang a, chuta tang chuan Rangoon hi a pan ang.

Related Posts :



4 comments:

  1. Pani Phone no. nei in awm mial lo maw. Kava be ve chak em! Ka hmu hmain zamual a liam leh ta si lung kavai chhaktiang pani zun ngaiin.

    ReplyDelete
  2. pante03@gmail.com-ah email thawn ta che.. Rangoon a thleng tawh e dam takin.

    ReplyDelete
  3. Ka tihsual palh hlauh, a email add hi pantei03@gmail.com zawk a ni e, 'pante' ni lo vin..landline phone an nei em ka hre lo, zawt mai la. A chhan chu landline phone nei turin Burma poisa 20 lacs chuang a ngai an ti! Tin, Burma sorkar-in Google tih loh Yahoo etc chu khar chang an nei a, gmail.com-ah account hawng la i tifuh ang. Aircel Prepaid sim card hmangin Rangoon chu biak pawh/pawp a awl ber a, 2 minutes velah Rs 20 vel i chawi ang..hmanni lawkah pawh Rangoon ka bia, a tlang tha khop mai..

    ReplyDelete
  4. Chuan, Pantei hi Pathian thu lamah pawh M.Div (Master of Divinity) Rangoon-a zir mek lai a ni ngat...a fel reuh asin..Rangoon a haw chhoh hma khan Saiha-ah gospel crusade-ah zaiin rawng a bawl char char. Rangoon, Tahan etc velah khi chuan Lengzem Zai (Lengzem Hla ni lo vin) te, Pathian hlate hi keini angin an serh hrang ve vak lo bawk.

    ReplyDelete