Vawi khat chu, zaithiam lar deuh mai pakhat hi Paris Opera House-ah hian a zai dawn a, mipui chuan an nghakhlel hle. Ticket pawh an hralh chak ngang mai.
Concert zan a lo thleng ta. Mi an thahnem ngang mai. Ticket chang lo pawh an tam hle bawk. Chu pa zai ngaithla chak chuan mi an phu lui lui a ni ber e.
Chutianga nghakhlel taka mipui an awm lai chuan stage-ah chuan Opera House manager a rawn dingchhuak a, thu lawmawm loh deuh mai a rawn sawi ta tlat mai.
"Ladies and gentlemen, he concert chhim tura in rawn kal avangin kan lawm e," a rawn ti te te a, a hmelah chuan a sawi zawm chak lo tih a hmuh theih.
A aw a'n thian a, chutah a sawi zawm ta a...
"In nghahhlelh em em, kan zaithiam kha a dam lo a, zaninah in hmaah a rawn inlan thei dawn tlat lo," tiin.
A'n sawi zawm leh a, tin, mipuite chu hrethiam turin a ngen bawk a...
"In nghahhlelh em em kha zaninah in hmaah rawn inlan thei lo mah se amah ang bawka zaithiam, midang kan hmu fuh hlauh mai a, chu mi chu thiam takin a rawn zai dawn a ni."
Chu pindan boruak chu a inthlak chiang hle. A hma lawka phur em ema phu mur murte kha an zuai a, an lunghnur hle. A then phei chuan an lungawi loh thu an auchhuahpui lung lung mai.
Zaithiam chu a rawn chhuak a, a theihpatawpa ulukin a rawn zai ta.
A zai zo a, mahse, tumah chuan an lawm lo. Kut beng thawm a awm lo a, thiam tia sawi reng an awm lo.
Chutianga lungawi lo fea mipui an awm lai chuan a sir kil khat atang hian mipa naupang pakhat hi a rawn au ta leu leu mai...
"A-pa, i zaithiam lutuk, i thiam top!"
Chu veleh mipui chuan kut an beng ta hluah hluah a, an au ta dur dur mai a nih chu!
Midangte hi an hlutna hrilh thin la, an danglam bikna lai hmuh tum hram hram teh.
(Lehlin a nia, a ziaktu hriat a ni lo.)
Wednesday, September 16, 2009
You're Wonderful
Subscribe to:
Post Comments (Atom)
No comments:
Post a Comment