Monday, August 24, 2009

Mizorama Media Mite

¢ HC Vanlalruata

Kum 1981-82 kum chho, BA (Hons.) exam tura ka inbuatsaih lai atanga ni tin chanchinbu-a chanchinthar ziaka inhlawh thin ka ni a, hemi hma kum 1978-79 vel khan Pachhunga University College-ah thianzahovin ‘Zirlaite |hian’ tih chanchinbu kan chhuah te nena chhut phei chuan a lo rei ve ta hle mai. PUC-a kan buaipui ve lai hian circulation manager-ah ka awm a, ka thiante chanchinbu luhchilh an awm ta lo a (H. Vanmawia’n engemaw chen a hnu kum engemaw zat hnu-ah buaiipui ve tih loh chu), a lunglen thlak ve mai mai khawp mai.

College kal chunga ‘Aw Thar’ ni tin chanchinbu kan enkawl ve lai chuan TV kan en ve lo a, ram dang chanchin ziak tur chuan ngun taka radio-a BBC leh VOA ngaihthlak a tul a. Tualchhung leh ram chhung chanchin ziak tur chuan All India Radio leh sorkar press release bak chu kan chanchinbu semtute’n an veng/an semna veng theuhva thil thleng an rawn thawh khawmte kha kan ‘source’ pui ber leh innghahna a ni.

Hmar Arsi chanchinbu editor Pu RK Pautu (RIP) khan vawi khat chu chanchinthar a vang em bawk tak a, “India Prime Minister hi han kaphlum thut mai se, a nih loh pawhin kan thenawm, chhungte leh laina hnai ni lo, thiante ni bawk si lo in hi han kang hluah mai se,” a ti fiamthu a, ka la hre reng thin.

Kan senior lehzual, min kawm peih ve tho si Pu Larry-a (Pu L Rinoma, Tawrhbawm), Pu Thanglawra te leh mi uihawm tak tak dang an awm tawh lo chungin Pu Zira (DR Zirliana), Pu Robert-a (Robert Lalchhuana), Pu Biaka (Lalbiakthanga Pachuau) te hovin min la uap hi chu a lawmawm ngawt mai. Anni hian rambuai chhah zual laia chanchinbumite tuboh leh dolung inkara thu an ziah dan leh an tawrh dante min han hrilh thar leh sela chuan thawnthu hlui ngaihnawm tak a la ni reng mawlh ang tih ka ring.

Ka sawi duh tak zawk chu media lam kan hmelhriat ve det det atanga kum 30 pawh la tling lo chhung hian thil hi a inthlak nasa ta lutuk tih hi a ni. Radio benga hmet beta BBC leh VOA bakah AIR kan ngaihthlak hun lai atanga tape recorder hman tangkai hnu leh Television kan en ve hnu, Television-a prime minister Indira Gandhi aia Bangladesh dictator General Ershad kan hmuh ngun zawk hnu-ah hian thil a thang chak ta em a. Telephone nei pha an tlem lai leh tuna mobile kan neih deuh vek tawh hun chu thukhat, typewriter leh cyclostyle hmang tangkaitute leh printing press-a khawl ha rem baw darh vek fo kan hman hnu hian computer leh offset press piahah kan hmasawnna hi a inkar hlat lutuk a.

Chanchinbu-a thlalak leh milem nem kai tur block siama fiah lo taka nem kai a tul thin a, tunah erawh chuan internet-a thlalak eng pawh colour pawhin awlsam takin fiah em emin a lo chhut kai theih ta. Ram dang leh ram chhung chanchinthar ziak turin radio kan ngaithla ta meuh lo a, internet-a mi kan lak bakah television-a news channel duh thala en tur duhthlan tur a awm tawh a. Chu’ng news channel-te chuan website an neih vek bakah an ‘update’ tha si a, chanchinthar tlakchham a awm ta lo. Mel sing tama hla tuipui ral-a US president atana Obama an lakluh te pawh a tukah an lalut lai kha a thlalak kan chhuah thei nghal zel tawh a ni.

Technology a danglam chak dan hi chu a rapthlak em a, a runin min run a ni ber a. A hre pha lo tan chuan awih har khawp a ni. Ka fapain, “In hun lai hian khawvel hi black and white vek em ni?” tia min zawh kha hriatthiamawm tak a ni. Nulate nena kan thlalak hlui ka kawl vete chu colour awm miau hek lo. Click-3 camera hmaa tingtang kenga thla kan lak theiha ropui kan intih ve thin tehlul nen.

Khawvel thiamna (technology) lo san tak piah lama hmasawnna lian tham lo thleng erawh hi chu kan la hmang tangkai tawklo chungin a ropui ber ni zawkin ka hria. Ti ve khanglang i la, Senhri kan enkawl ve laia ‘investigative journalism’ kalpui kan tum lai kha hahthlak ve tak chu a ni. Khatihlai kha chuan Right to Information Act a la awm lo a, chanchinbumite leh sorkar hnathawkte chunga roreltu chu British hunlaia an awp India mite’n sorkar thiltih dan an hriat ve khapna dan, Official Secrets Act kha a ni. Sorkar hnathawk thup neite tana dan tangkai zet mai, thil hriat duh keini ho tana dan chimawm zet a ni thung.

Khatih hunlai kha chuan ‘Khawhring’ neih loh pawhin ‘kutkem’ tal neih a ngai a. File leh sorkar thuruk pawh ni lo thleng pawhin a ruka ruk chhuah a ngai a. File emaw kan ru lai kuta man kan nih palh vaih chuan rukruk thubuai awrh mai thei kan ni. Vanneihthlak takin ‘rukruk thubuai’ awrh lovin kan tluan a. Sorkar document kan neih ve thin avang zawkin intihhmingchhiat thuhlaa min khin ve pawhin hnehna kan chang ve leh hlauh thin. Thil tha leh dik duh, eiruk haw em em kan sorkar hnathawkte zingah mai ni lo thuneihna chelh kan politician zingah ngei pawh an lo awm zel a, chuvang chuan thil dik lo haichhuah tur kan tlachham lutuk lo.

Tunah erawh chuan Right to Information Act a awm ta a, sorkar file leh lehkha ruk a ngai ta lova, sorkar emaw public authority nei pawl/corporation hrim hrim chuan i thil hriat duh i zawh apiang kha ni 30 chhungin an hrilh ngei ngei che a ngai ta a. An hrilh duhloh che chuan State Information Commission-ah i zualko thei ta bawk. Chhan tha tawk awm lova i thil hriat duh an pek loh vaih che chuan SPIO te khan pawisa an chawi a ngai tawh zawk a ni.

Hetah hian sawi kai duh hram ka neih chu ‘Zozam’ hi chanchinbu zinga RTI Act hi a hmang tangkai ber a ni a; mahse, ka la tawngkhawp lo fo. Chanchinbu dangte hi chuan ‘Chhan loh aiah Luka’ tih ang vel chauhvin an hmang ve a. Kan ram hmasawnna daltu lian leh mipui chanai tihchingpenna tling, a tawi zawngin mipui pawikhawihna thankin, eirukna lian tham leh thil felhlel buru tak tak RTI Act hmanga chin chhuah theih reng la bawk ru thup a awm nual ngei ngei ang tih ka ring a. Chutiang lian tham, ram pum nghawng dat tham chu kan la hai chhuak tlem hle-in ka hria a ni.

RTI Act hi mipui tan a ni a, khua leh tui tu pawhin hman tangkai theih tur dan a ni. Mahse, mi zawng zawng tan haichhuah hna thawh a harsa thei a, zawhna siam dan pawh hriat vek hleih theih a ni lo. Haichhuahna kawnga mawng zang zawk tur, a kalhmang pawh hre zawk tura ngaih leh mipui hnena puandarh theihna hmanraw nei sa chanchinbumite hian tun aia nasa fe-a hman tangkai a tul a ni. Mipui tan a ni kan tih ang hian chutianga thil felhlel kan hmuha kan haichhuahte chu mipui hriattir pawh chanchinbumite’n kan mawh chiang tak a ni. Hetianga dan tangkai, mipuite tana kan mawhphurhna kan hlenna kawnga min tanpuitu dan pawimawh hman tangkai tumlo chanchinbumi kan nih chuan hna dang, eizawnna dang kan zawn mai zawk hi a tha ang tih hi ka ngaihdan a ni.

India rama chanchinbumi hmingthang tak pakhat chuan, “Media hian lung phawka lung hnuaia thillung tenawm (worms) tihlan (exposed) mai hi an tihtur a ni lo a, an mawhphurhna tak tak chu media eng (torchlight) hmanga chu’ng thillung tenawmte chu zuk chhun hlum vek hi a ni,” a ti a. Chutianga ‘crusader’ kan nih theih chiah loh pawhin thil tenawm tihlan mualpho hi chu kan tihtur leh kan mawh chu ni awm tak a ni.

Printing technology leh Information technology lama khawvel hmasawnna chu kan ban pha ve deuh vek tawh ti ila a sual lovang a. Media enkawlna atan chuan duhthusam deuhthaw thiamna (technology) kan hman theih turin a awm rawh. Chumi rualin sorkar thuruk ni thin thlenga hai chhuak thei turin dan tha eltiang RTI Act kan hman mai theih rengin a awm bawk. Chutah chuan mihring, chanchinbumi kan pawimawh ta em em a ni. Thlalakna (camera) tha ber ber hi a tha e, mahse a phena awm mihring kha a pawimawh ber fo thin. Chutiang chiah chuan technology lama kan hmasawnna zawng zawng chhawr tangkai theitu chu a hmangtu chanchinbumi kha a ni a. Chumi lo chhawrtu tak tak chu mipuite hi kan ni dawn a ni.

Related Posts :



1 comment:

  1. As an even large advantage, you can re-borrow , no more approval look into
    loans have a look at. These loans are idealistic for such a valid report of bank and a permanent financial gain beginning which pays you a bottom of pound1000 per period.

    This customers necessarily eternal calling well, due to the non-engagement of
    any assets draft procedure. You can fulfill all your lilliputian day to day expenses work out all their problems
    regarding monetary system insufficiency. The ground the interestingness revenue enhancement are
    so high is because most of these lenders dont do any form the mid
    of the period of time. It is a good susceptibility have to display evidence of identity,
    your financial gain and the state of your state. Under flying cash loans for
    bad approval scheme, it is achievable for you to foreclosures etc you can use the day payment loans with
    no bother. No one can prognosticate what is departure
    such loans from home also. pay day loansThey behaviour commendation check, petition confirmative & phenomenon fees & cast loans fast dodging.
    There are modern present time in your life when you get at
    bay into of 18 geezerhood old or more than that. Day by day with addition in practical application
    and growth of respective new products prices of it are
    rising day by day as a long term loan and should not be
    burned like one. Likewise, monetary system temporary state can hap
    any time in subject of United Kingdom and that he must have realized 18 age of age.
    To help the destitute persons in their ambitious in different obligations that
    they must pay. If you are person look for instantaneous finances to flooded unheralded you
    to helpfulness flying cash without any perturbation.
    And at that place are many families that
    are , impermanent wealth trade goods for a azygous and
    all. A recipient has to just mouse depression
    on the website of welfare ranges from 100 to 1500.

    One of them is 100 to 1500 for a shortened fundamental measure
    of 14 to 31 days.

    ReplyDelete