¢ Hmingsanga
Kar hmasa khan Mizoram pawna Mizo footballer-te insawn kual dan kha kan tarlang tawh a. Tun tumah hian kan han ziah chhunzawm ve leh e. Tarlan tawh ang khan Mizoram pawnah hian Mizo footballer engemaw zat an awm tawh a. Kan rawn tarlante hi season thar atana insawn kualte an ni hlawm. Heng kan tarlan bakah khelhna nei sa engemaw zah an awm mek bawk. European Footballer ho insawn theih hun laia an chanchin kan ngaihven em em te kan hriat tel rualin, Mizo Footballer-te insawn kual pawh hi kan hriat ve a tul a ni.
Football khawvelah player-te chhak leh thlang, chhim leh hmarah an inkal thelh sup sup laiin, India ramah pawh player-te insawn kual theih hun lai a ni a, State khat chhunga player insawn kualte la tarlang thei rih lo mah ila, state dang atanga state danga inkhel tur liau liauva insawn engemaw zat an awm tawh. Inter state transfer season thar atana ti fel tawh zingah Mizo tlangvalte hming pawh hmuh tur a awm nual. Mizoram atang kher lo pawhin state dang atangin state danga inkhel tura insawnte hming kan han tarlang e. Hei hi a thawh khatna chauh a ni a, player thenkhat hi chu an hming pawh kan hriat lar lem loh te pawh an ni mai thei, mahse, Mizo an nih avangin an hming kan tarlang ve hrim hrim a ni. Zozam chuan Mizo footballer insawn kualte chanchin hi a ngaihven reng a, thuthar a awm leh veleh kan rawn tarlang zel ang.
Monday, August 3, 2009
Mizo Footballer Transfer - II
Subscribe to:
Post Comments (Atom)
No comments:
Post a Comment