Monday, August 3, 2009

Guwahati-ah T Melody

Mizoram hmun hrang hrangah hlawhtling taka concert an neih hnuah T Melody leh an nula - Pantei te chuan Guwahati an thleng ta.


Guwahati hi July ni 27 zanah an thleng a, mining engineer Lalhriatrenga Chhangte chenna in lam an pan a, a hnuah Mizoram House lamah an invawmlut ta a ni.

Guwahati-ah hian Mizote tana thlanmual man tur tuak nan T Melody leh Pantei te hian concert an nei dawn a, Aizawl atangin zaithiam lar thenkhat an kal ve bawk. Guwahati bakah Shillong-ah pawh concert hi an nei ang.

T Melody leh Pantei te hian Mizoram nuam an ti hle a, an concert pawh a hlawhtling thin hle. Mizoram mipuite zinga concert neih chu nuam an ti a, an thupui - Zofate inunauna pawh a theih ang angin an concert-ah hian an puangzar thin.

Mizoram pela Guwahati an thleng hi nuam an ti a, khaw lum huam huam lai a lo nih loh bawk avangin vannei an inti hle. Guwahati leh Shillong mipuite hi theihtawpa awih an tum a ni.

T Melody te Guwahati-a an kal theih nana a kul a taia tang Hriata Chhangte chuan Guwahati mipuite'n T Melody leh Pantei te hi an nghakhlel hle nia sawiin, an concert pawh a hlawhtling ngei a rin thu a sawi.

"Guwahati chu a nuam khawp mai, khua a lo chhe deuh a, khua a lum loh phah a. Mizohovin min lo dawngsawng tha a, Mizoram ang maiin kan tlangnel nghal harh mai. An chungah kan lawm khawp mai," Pantei chuan a ti.

Related Posts :



No comments:

Post a Comment