A pa rual zai hriat a khat a, 'pa' taka zai phei chu kan nghei rei tawh. Chutiang rei tak kan nghei hnu chuan rin loh takin Mizo Vocal Band an lo lang hlawl a, demand channel lamah phei chuan khiah an invawrh nghal. Album an neih thawm kan hre lo a, tute nge an nih mipuiin kan chiang hek lo. Mahse hemi te zai hian nu leh pa tam tak a awi a, thiam tih an hlawh rawn mek a ni!
Mizo Vocal Band hi November ni 14, 2008 a din kha a ni a, mumal taka an zai tan erawh kumin January thla chho kha a ni. Veng hrang hrangah sawm an hlawh a, KTP lam pawhin an umzui nghal. A vawi khatna atan music video 'Lalpa chu ka nunna' Sanglianthanga hla an sa a, he hla hian mipuiin a hmelhriattir nasa lehzual hle.
Hla phuahtupa Sanglianthanga'n a hla roh em em a sih chhuah phal hi a mak a, chutih karah Sanglianthanga signature dik tak an rawn pholang ngam hian an zaithiam zia an pholang chiang hle. Sanglianthanga hian thiam a tih vanga pe pawh a ni ange...Tunah hian 'Hmangaihna'Krista Thuhrehtute sak thin kha an buatsaih leh mek niin an sawi a, reiloteah demand channel lamah kan hmu dawn a ni.
Mizo Vocal Band a zaitute hi tunhnai zaithiam leh tunhma lama lo zai tawh thin te an ni a, an zinga pahnih R.Lalrempuia leh R.Lalmalsawma te hi kum 2000 hma lama zai thin, gospel album tichhuak tawh ve ve an ni a, khua reiah an zai kan ngaithla leh thei ta a ni. Isak Malsawmtluanga kan hria a, an bass part satu hi Lalmuanpuia, Chhinga veng niin zaipawl lama experience nei tha tak a ni.
Mizo Vocal Band hian album buatsaih an tum mek bawk a, anmahni zaithiam titute an band tan an inphal hle a. Tunah hian an senso tur engemawzat an sihchhuah sak tawh hlawm niin thu kan dawng.
Sunday, July 5, 2009
Mizo Vocal Band music video hit!
Subscribe to:
Post Comments (Atom)
No comments:
Post a Comment