Fur khaw thiang lo
Anglo-Irish playwright Richard Brinsley Sheridan (1751-1816) kha, 1780-1812 chhungin Britain-ah Member of Parliament te pawh a nih kha, pa tum tlang leh tawnghmang thiam a ni a, inbauhpui atana duhawm loh zet mai a ni.
Vawi khat pawh, nu pakhat, amah ang bawka hnial hrat nen hian an inhnial a, thinrim hrepin an inhnial ta mai. A hmeichhia zawk chuan tawp zai rel tha a ti a, "Ti teh, khua pawh a thiang dawn ta e, teichhuak ila, tha deuhin titi teh ang," tiin a sawm a ni awm e.
"Keimah chauh chuan chhuak ila khua pawh a thiang mahna, kan pahniha kan inzuichhuah erawh chuan a thiang lul lo ang," Sheridan chuan a la ti hram!
Tawng sual hi a awr!
Film director Spike Lee hi US-ah chuan a lar hle a, ngaihsan pawh a hlawh hle. Thusawi thiam tak a ni a, thalaite fuihna thu sawi tura sawm pawh a hlawh viau. Thu sawia sawmna pawh a dawng chamchi reng a ni.
Vawi khat chu, a tawng sual ve chiang khawp mai; a thusawi ngaithlatute chuan ngaihnawm ti takin an ngaithla thap a, ani pawh a tui ngang mai. |halaite ngaihhlut zawng chungchang, an ngaihhlut zawng (value system) siamthat a tulzia a sawi a, a tui em em mai a...
"Mihang thalaite thil ngaihhlut zawng hi siamthat a ngai khawp mai. Materialism ringawt an buaipui a, rangkachak ngun, car, sneakers tih vel ringawt an buaipui mai hi a dik lo," a ti a, a tui hle.
Mahse, Spike-a chuan theihnghilh palh a nei; Nike sneakers - Air Jordan fakna a siam mek!
Monday, July 20, 2009
Chanchin maksak 36
Subscribe to:
Post Comments (Atom)
No comments:
Post a Comment