Monday, July 13, 2009

BEAUTY- Q n' A

¢ Debbie Chawngthu

Q. Ka sam hi a sin em em a, ti lang tam turin engtinnge ka tih ang?

= A hmasain i sam chu fai takin vawng reng tum ang che. I sam i suk zing phei chuan conditioner chak hmang lo la, conditioner hi karkhatah vawithum aia tam hman loh a tha. Sam sin tak nei tan chuan zuah sei lutuk emaw tawi lutuk a mawi lova, i sam azirin lang buk tawk tur chiaha zuah thiam a pawimawh bawk. A tlangpuiin sam sin tan chuan nghawng chin vel thlenga zuah hian a lang buk duh a, chumi aia a sei chuan a lang sin duh hle a ni. Hunpui neih nikhuaa i chhuak dawn anih chuan i sam chhunglam kha hair spray hmangin han spray la, i spray laiin kun ang che. Chumi zawhah i duh angin khuih la, spray leh la, i kutin khuih tawh ang che. Sam sin hi han tih hraw dan vak a awm chuang lova, tihkir te pawh hian a lang buk ve duh khawp mai.

Q. Ka mit hi a inhnaih hle mai a, tarmit engang nge ka bun ang/ Hairstyle leh make-up hman dan min hrilh thei em?
= Tarmit i bun anih chuan a frame sin leh a glass lian deuh hmang la. I chalsam ti tla lovin i chal lang thei turin hairstyle pu la, i nalhpui zawk ang. I beksam pawh ti chho la, i mit ti lang lian leh zau turin eyebrow pencil in rin la, eyeshadow pawh rawng dal lam hmang ang che. Tin, masara hmang bawk la, i mit a lang lian sawt bawk ang.

Q. Ka sam hi a seiin a bu a tam khawp a, enkawl dan min hrilh thei em?
= I sam hnunglamah khuih phei vek la, i chalsam tlem ti tla la, i chalsamah hian gel hnawih la, i duh ang i khuih nalh thei ang. Inchei nikhuain scarf hmang tam la, triangle shape in thlep la, a sei zawngin thlep leh la, i sam tawnna hnunglam hnuaiah dah la, i hma lamah i suihpar thin dawn nia. Scarf hian sam lang buk lutuk tur a tinep thei a ni.

Q. Ka landan tih danglam ka duh a, ka lang pa riau mai a, engtinnge nu deuh taka ka inchei bakah mae-up ka hman theih ang?
= A hmasain i sam chu nu thei ang berin han ti danglam phawt mai teh. Sam tawi i pu anih pawhin zuah sei la, wavy thei ang berin put tum ang che. Make-up hmang ngai lo i nih pawhin han hmang ve chhin la, i vahchhuah dawn loh pawhin inzir nan inhnawih chhin fo ang che. Eyebrow pencil hmangin a chunglam leh hnuai han rin kalh la, chumi hnuah eyelash curler hmangin i mithmul chu han chep er la, mascara hmang leh nghal ang che. Eye shadow i hmang duh anih pawhin rawng lar vak lovin tan phawt la, vun rawng nena inmil tawk tur hriat pawh a tul ve khawp mai. I mit i chei zawhah i biang chu blusher hmangin han hnawih tai deuh la, hei pawh hi vun rawng mil thlan thiam a pawimawh hle bawk. Biang ringawt hnawih tai lovin i chal, hnar leh khabe ah tlem tat bawk ang che. Hemi zawh hian i hmui chu lipliner hmangin han rin kual la, i lipliner hman nena inrem lipstick inhnawih leh ang che. I thawmhnaw inbel thin pawh a tam zawk chu i thlak danglam ve a ngai dawn a, midang incheina te thlir thiamin nu taka inchei i hmuh chuan an thuamhnaw inbel atang inzir thiam ang che. Chumai bakah i chetzia leh tawngkam te pawh thlak la, darthlalang hmaah thu in nu taka tawng dan zir thin ang che.

Q. Arngeng enkawl dam min hrilh thei em?
= Arngeng hi a hmasain sawr loh tur tih kan sawi fo tawh a, sawr leh deh hian vun a tichhiaa, a ser loh leh a dum duh em em a ni. Arngeng i nei reng anih pawhin mahnia khawih mai lovin vun lam thiam chauh khawihtir la, arngeng lo awm lehzel tur lakah pawh i inveng thei ang. Nangmaha i inenkawl duh zawk anih chuan hetiang hian ti ang che....i kut chu fai takin han sil phawt la. Puan nem tak tuisaah chiah la, sawr fu la, chumi hmang chuan i arngeng chu dep rawh. Vawikhat deh a tawk lova, dep nawn zel ang che. Chhuak mai tur anih chuan dimtein i sawr chhuak mai thei tawh ang. I sawr chhuah hnuah astringent hnawih nghal ang che. Hawlphum leh arngeng awm tir chu mahnia khawih chingpen loh a him ber zawk.

Q. Kum hnih kalta atang khan ka hmaiah hian var a rawn awm tan a. Doctor ka rawn a, vitiligo a ni e a ti a. Hei hi engnge anih a, tihdam theih a ni em?
= I rawn sawi ang hi vun natna chi khat a ni a, mahse a hlauhawm tham loh. A var khuh bona turin cream an siam hi lei la, hnawih ang che. Herbal cream hetiang vun natna atana an siam pawh a awm a, regular taka i hnawih chuan a reh ve leh mai ang. Tin, vun mawm lam i nih a rinawm a, vun mawm tana inenkawl dan kan tarlan thin te kha lo bihchiang leh teh.

[Thli a thawt nasat hian parda a lenkual nasa duh a, chumi laka i ven duh chuan a tlang thuina chhungah khan marble tereuh te te thui hnan la, a chhem kang lo ang]

Related Posts :



No comments:

Post a Comment