Fiamthu thiam hmingthang Charlie Chaplin (1889-1977), film nuihzatthlak tak tak changtu kha a film chan te hmingthangin ngaihhlut hlawh teh mah se film lama chawimawina sang Oscar Award hi a dawng hauh lo.
Oscar Award sem hmasak ber tum, 1929-ah khan Special Oscar a dawng a, 1941 leh 1948-ah khan The Great Dictator leh Monsieur Verdoux film te avangin nomination a hmu bawk. A bak award pangngai a dawng lo.
1972-ah khan Charlie-a chu Honorary Oscar an pe ta a, chu chawimawina a dawn tum chuan thu a sawi tawi khawp. 'Acceptance Speech' an tia, Mizoin "A hmasain Pathian chungah ka lawm a, ka nu leh pa chungah lawmthu sawi ka duh a... min sponsor-tute chungah..." kan tih thin ang hi; Charlie-a chawimawina dawng ve erawhin a bei tawi khawp.
Chawimawina semna hmun vel chu Charlie-a 'colour' - a dum leh a varin an chei a, mipui pawh rawng dum leh var ngei inbel turin an inngen bawk.
Chawimawina dawng tura Charlie-a rawn penchhuak chuan lawm a hlawh ngang mai; mipui chuan kut an lo beng dur dur a, mipui thawm reh hun chu nghah deuh vang vang a ngai nghe nghe.
Mipui thawm a reh ta. Charlie-a chuan chawimawina chu a dawng ta. |awngrinna bulah chuan a'n ding a, "Thusawi hi a sawtsawhlawt lo a, awmzia tak tak a nei lo," tih zawng a sawi.
A film-a a tih thin danin a lukhum a phawk a, mipui hmaah chuan a'n kun zauh a, dawhsan atang chuan a chhuk ta a ni!
Monday, June 1, 2009
Ti teh hluah lo
Subscribe to:
Post Comments (Atom)
No comments:
Post a Comment