Thuziakmi George Bernard Shaw (1856-1950) kha tum khat chu South Africa-ah a zin a, luiah kalin tui a cheng a, a bul velah chuan naupang tui cheng an lo ri ve chel chul bawk.
Naupang zinga a lian fal deuh pakhat chuan naupang pakhat chu "sawlai putar saw a inrin loh laiin va tuinah va hnim thut la, tichuan cheng khat ka pe ang che," tiin a fuihpawrh a, naupang chuan Shaw-a chu a va pan ta a ni.
Shaw-a bul chu a thleng ta a, mahse, putar-a chu a hnim ngam ta lo. Chutia zahzel zawnga a hawihai vel chu Shaw-a chuan thil awmzia a lo zawt a, naupang lah chuan sawi lo ngam hek lo, Shaw-a chu a hrilh ta vek mai.
Chutah Shaw-a chuan: "A that chu... a nih leh thawk ka'n la phawt ang a, chumi hnu-ah ka inrin loh laiin min hnim burh dawn nia," a lo ti a, naupang pawh chuan thu awih takin cheng khat keng va va chungin a thiante chu a pan leh ta a ni!
Mihring tanpuitu chu
Vawi khat chu, philosopher hmingthang Aristotle-a kha misual hnena rethei tanpuia a pek avangin tu ten emaw an hau a, ani erawh chuan: "Kha misual kha ka pe hlei nem, mihring hnenah alawm ka pek," tiin a lo chhang daih!
Kum 100 lai a liam ta
Kum 1899-ah khan Charles Dwell, Head of US Patent Office, chuan: "Thil hmuhchhuah tur zawng zawng chu hmuhchhuah kim a ni ta," tiin zu puang hep a!
1900 vela physicist lar tak Lord Kelvin-a pawh khan "X-rays hi chu inbumna mai mai a ni" a ti ve tlat bawk!
Monday, May 25, 2009
Thu awih
Subscribe to:
Post Comments (Atom)
No comments:
Post a Comment