Arsi dangah hian mi cheng an awm ve nia ngai an awm a, chutiang mi chu 'alien' tia vuah an ni. Chutiang chu thawnthu leh film lamah pawh hmuh tur a tam hle.
US president hlui Ronald Reagan-a khan alien hi a lo hlau hle a, alien-ho hian khawvel hi beih an tum niin a hria a ni awm e.
Chu thu sawichhuaktu chu thuziakmi hmingthang tak Darwin Porter a ni a, Reagan-a khan thlengthlawkthei (flying saucer) hi vawi thum a hmu tawh tih a thian pakhat a hril niin Darwin Porter chuan a sawi.
"Ka hrechiang alawm. Khawthlang lama thliarkar thenkhat hi thlengthlawkthei tum nan an thlangfel tawh," tiin Reagan-a hian a thian pakhat hnenah a sawi niin Darwin Porter chuan a sawi.
USSR president thin Mikhail Gorbachev pawhin US leh USSR te'n alien-ho beihna laka tan dunna tur kawng an sial niin a sawi ve bawk.
"President Reagan-ah khan 'US hi khawvel pawn lam mite'n rawn bei ta se min pui ang em?' tiin min zawt," tiin Gorbachev chuan a sawi.
Ronald Reagan hi 1981 atanga 1989 thlengin US president a ni a, chutih laia USSR president chu Mikhail Gorbachev a ni.
Ronald Reagan-a fanu Patti Davis-i erawhin he thu hi a awih lo a, a pha nasa hle. A pa khan fiamthuin khawiah emaw a sawi ang a, an la-thutak ta mai mai nia a rin thu a sawi a ni.
Monday, May 18, 2009
Reagan-a'n alien a hlau!
Subscribe to:
Post Comments (Atom)
No comments:
Post a Comment