¢ Lalhruaitluanga Chawngte
Tlangval pakhat, a hming Rishang a awm a, a ram leh hnam tana inhman ral raih tum mi a ni. Lehkhathiam leh khawhawi zau a ni bawk a, a huhang pawh a lian hle.
Indopui pahnihna a tawp a, India hmarchhak hnam hrang hrangte chuan an awm zel dan tur an buaipui a, ngaihdan inang lo pawh a tam hle. Naga-ho pawh an bang lo, a thenin India hnuaia awm mai an duh laiin a then erawh chuan independent ram nih an duh thung. Chutianga ngaihdan phira an awm lai chuan Naga mipuite tana zalenna sual turin an tlangval huaisen a lo thawkchhuak a, hriamhrei ta pawh a lek ta hial. Chu pa chu Videsselie a ni.
An tlangval tam takin an zui a, rammuin zalenna an sual ta. Chutih laiin an lehkhathiam chhuanvawr Rishang-a thung chuan India hnuaia awm a duh thung. Chu ngaihdan pahnih insual thu chu BK Bhattachryya-a'n thawnthu-ah a ziak a, "Yaruingam" tiin. A changtupa Rishang-a chu Manipur chief minister hmasa ber Rishang Keishang-a chanchin behchhana ziak (fictionalise) a ni a, ani hi Tangkhul Naga, Manipur lama khawsa a ni. Rammua chhuak Videsselie kha a thih thlenga Naga hnam tana zalenna sualtu AZ Phizo-a lem a ni thung. Chu chu thawnthu chuan 1961-ah khan Sahitya Akademi Award a dawng nghe nghe.
Chu thawnthuah chuan rammua thawkchhuak Videsselie leh a thuihruaite chuan Naga tradition vawnhim tumin an bei a, tunhmaa an pi leh pute nunzia chu tha bera hriain chutiang nun dana nun chhawm zel chu an duh dan a ni.
He thawnthua Kristian leh Kristian lote ngaihdan insual hi a ngaihnawm hle. Naga-ho hi Mizote ang bawka sap missionary-te thuhril hmanga Kristiana inlet an ni a, hei hian an hnam nunah nghawng pawh a nei lian hle a ni. Indopui pahnihna, he thawnthu chheh a nihna hunah hi chuan an hnam zingah Kristian lo an la tam hle a, Kristiante nena an ngaihdan inang lo chuan hnam thil a khawih a ni.
Zalenna chungchang han sawi se, Kristian leh Kristian lo ti zawngin ngaihdan a kal a, an hnam nunphung han sawi se chuti bawk. He thawnthuah pawh hian inhnialna pahnih lian pui pui a awm a, zalenna chungchangah leh Kristianna chungchangah a ni.
Kristianna a lo luh tirhah Mizo zingah pawh Pathian thu awih leh awih lo an inthliar ang khan Naga mipuite pawh hi heti zawng hian an inthliar nasa hle. Khaw thenkhatah chuan Kristiante an chep a, hrehawm pawh an tuar nasa. "Yaruingam" thawnthuah pawh hian hmun inchuh te'n an intibuai a, an hnam kal zel dan tur an buaipui lai hian Kristianna hian an hnam chu hmun hnihah a then phawk a ni.
Chutih laiin retheihna avangin mipui an mangang hle bawk. Indona hmun tih takah mipui nawlpui chu an rethei a, a then phei chu riltamin an kun tak zet a ni. An khua te an bomb chhia a, an hmangaih te'n an thih phah bawk. Sorkar atanga zangnadawmna lo thleng lah chu a beitham nasa mai si, an chan chu chau tak a ni. A then lah chuan chung zangnadawmna te chu an lo hlepru ta lai a!
Japan-in an chhuahsan a, India an lo hnai mek thung. Naga mipuite chuan awm dan tur an hre lo a, an nihna tak, indentity chungchangah an buai a, chutiang boruak karah chuan hnama dinchhuah tumin mahni thiam dan danin an bei ta a ni.
Heng boruak hi a ngaihnawm hle. Mizote tan a ngaihnawm zual awm e, kan thil tawn leh kan hun tawng a niang miau a. Hmarchhaka hnam hrang hrangte hi chutiang vel chu kan ni vek hrim hrim a, vawiin thlengin kan la buai ta niin a lang.
Kan zingah ngaihdan pahnih, insual a awm a - mahni hnam bil chawivawn tumna leh chutiang tul tih lohna. A hnuhnung zawk hi hmarchhak hnam hrang hrangte zingah a chak zawkah a tang hlawm niin a lang a, mahni hnam bil thil chawivawn tumtute chu a awhawm loh zawkah an tang deuh zel ni pawhin a lang.
A awhawm loh zawka tangte thawm a zawi tial tial a, vawiinah phei chuan chutiang thawm hriat tur pawh a awm ta meuh lo. Hmarchhak state hrang hrangte han thlir ila, zirlai pawl te'n an la aupui a, mahse, an thawm chu Liandoa te unau dar chhe mi ang mai, mi te'n an han hnaih deuh chang pawhin rei lo teah an tlanhawsan daih zel.
Naga-ho hi a peih rei pawl tak an ni awm e, vawiin thlengin mipui nawlpui zingah pawh 'Greater Nagaland' tuipui tawk an la awm nual tlat. Mizoramah chuan MNF te'n an aupui thin a, mahse, sorkarna an siam chhungin an theihnghilh daih thung!
Chu thawm chu a reh ta hle a, a reh hi Mizote tan a tha nge tha lo tih thu sawiho ta ila, ngaihdan a inang lo viau ang. Reh se tha ti zawk an tam zawk daih ang tih erawh a rinawm.
Tun hnaiah rin loh takin a thawm hriat tur a rawn awm nawlh mai; MP inthlanin a rawn hringchhuak a nih hi.
Independent candidate, MNF, MPC leh MDF te thlawp, Dr H Lallungmuana chuan inthlan campaign-ah a rawn aupui a, Mizote chu hnam dang thuhnuaia kun tura a phal loh thu leh Zo identity chu hmun sang berah awm se a duh thu a sawi piap piap mai. Mizo Nationalism chu Ganges luiin a chimpil tep nia a hriat thu leh a chimpil mai ang tih a hlauh thu te a sawi nghe nghe.
Mizo identity chungchang a ngaih pawimawh thu sawiin, MP inthlan lo awm tur pawh hi Mizo identity ngai pawimawh bertute leh identity dang ngai pawimawh zawktute inkhinnaah a ngaih thu a sawi a, mipui MP, India Parliament-a Mizo identity pholan tultite chu an lamah an tan ngei a rin thu a sawi bawk.
"Kan rawng hi Parliament-ah zu lantir ve turin mipuite hi i tangho ang u," tih te, "'Heng hi in ti lo a nih chuan India mi-ah min ngai lo a ni ang, a tul chuan kan hel tha leh ang' ti ngam tur kan awm a ngai," tih te, "Kan identity, kan nature hi eng hnam identity mahin a chimpil hi ka remti lo," tih te chu a campaign auhla a ni.
"Nghawng thlengin kan inchiah tawh," tiin vai thuhnuaiah Mizote kan kun ta deuh nia a hriat thu a sawi a, "Kan lu hi chu chiahpil ve kher lo ang u," te pawh a ti.
Zofate chu thuneitu sang ber ni turin a duh a, national party atang chuan chutiang chu a theih a ring lo.
"MP ka nih ve lai khan, Parliament-a ka thusawi hmasak ber chu... ka sawi dan chuan... 'Mizote hian India mi ni turin kum 40 zet kan zir ve tang tang a, kan la thiam lo khawp mai. Chutah chuan tunge dem dawn?' ka ti a, mahse, an record duh ta lo nghe nghe a. Kei chuanin kan chungah hlei an len emaw a nih chuan, Mizo Nationalism a ral dawn emaw a nih chuan 'kan chhuak leh mai nange' kan tih ngam a ngai ka ti. Chu chu kan tih ngam lohna tur a awm lo a, kan chanvo ve reng a ni. Kei pawhin MP ni ta ila ka tih ngam lohna tur ka hre lo," tih te chu a sawi duhzawng a ni a, hetiang thu hi hralh a tla viau ang em tih erawh ngaihtuah tham a awm awm e.
Chutih laiin a khingpui ber, Indian National Congress candidate CL Ruala chuan Dr H Lallungmuana thu leh hla hi a pawm lo hle.
Mizote tan national party a tha a ti a, "Mizoram tana thil sawichhuak tur chuan thawhpui neih tam a ngai," tiin national party a fak.
"Hetah inti regional viau mah ila khulam kan dawr hunah meuh chuan kan regional hlei thei thin lo," tia sawiin, "Mizoram hian MP fel deuh pawh nei ila khulamah thawhpui nei lova mahni tal tala tal tur chuan mi fel tak pawh ni rawh se, awmzia a nei lo," a ti bawk.
"National party hi a thatna hmu tawlh tawlhin ka inhria. A tirah phei chuan Congress pawh hi kawrah hman tum kan ni a. Rambuai laiin Pu Dengthuama'n min rawn sawm a, Congress chu kawra hmana remna leh muanna a awm theihnana hmalak tum kan ni hial zawk," tiin national party a zawm dan a sawi a, "National party zawm lo ila MNF leh sorkar laipui kha kan inbiak tir thei hauh lo mai thei a, inbe tura nawr kha a buaithlak ang," a ti nghe nghe.
Ani hian national party-ah pawh Congress chu tha bika a hriat thu a sawi a, "Congress party hian hnam hnufualte min humhalh a, sakhaw zalenna a siam," tiin a fak. "Congress hi belh tlak a ni," a ti bawk.
Candidate dang pahnihte pawhin regionalism an ngaisang lo a, hnam dang puihnaa Mizoram dinhmun chawisan chu an thupui a ni.
Nationalist Congress Party candidate Lalawmpuia Chhangte chuan: "Central-ah chhantu kan neih a ngai hrim hrim," tiin sorkar laipui level-ah chhantu neih tul a tih thu a sawi.
"Thawh veleh vai tootbrush siam i hmang a... vaibuh i ei bawk a..." tiin helai atanga vai lo ngaihsan loh viau chu dik a tih loh thu a sawi bawk.
Independent candidate, Israel National Front president Dr Rualpawla phei chuan India chakna mai ni lo, Israel chakna hmanga Mizoram tihhmasawn a rilruk a, "He hnam dinchhuah theih nan hian central sum ringawt a tawk lo," tiin Israel-te thiamna leh hausakna Mizorama huiluh a tum thu a sawi a ni.
Ani hian 2005-ah khan Israel te'n Mizote chu an chipui, an unauteah an pawm tawh niin a sawi nghe nghe.
Mipuia a tlak nat leh tlak nat loh chu thuhran ni se, tun tum MP thlannaah hian Mizo Nationalism leh hnam dang chungchang chu candidate-te thu inchuh ber leh an inbeihna ber chu a ni reng reng e.
Rishang-a te leh Videsselie-a te hi hmarchhakah hian an la inbeih deuh reng chu a nih hi. An thawm erawh a zawi sawt hle.
Tlangval pakhat, a hming Rishang a awm a, a ram leh hnam tana inhman ral raih tum mi a ni. Lehkhathiam leh khawhawi zau a ni bawk a, a huhang pawh a lian hle.
Indopui pahnihna a tawp a, India hmarchhak hnam hrang hrangte chuan an awm zel dan tur an buaipui a, ngaihdan inang lo pawh a tam hle. Naga-ho pawh an bang lo, a thenin India hnuaia awm mai an duh laiin a then erawh chuan independent ram nih an duh thung. Chutianga ngaihdan phira an awm lai chuan Naga mipuite tana zalenna sual turin an tlangval huaisen a lo thawkchhuak a, hriamhrei ta pawh a lek ta hial. Chu pa chu Videsselie a ni.
An tlangval tam takin an zui a, rammuin zalenna an sual ta. Chutih laiin an lehkhathiam chhuanvawr Rishang-a thung chuan India hnuaia awm a duh thung. Chu ngaihdan pahnih insual thu chu BK Bhattachryya-a'n thawnthu-ah a ziak a, "Yaruingam" tiin. A changtupa Rishang-a chu Manipur chief minister hmasa ber Rishang Keishang-a chanchin behchhana ziak (fictionalise) a ni a, ani hi Tangkhul Naga, Manipur lama khawsa a ni. Rammua chhuak Videsselie kha a thih thlenga Naga hnam tana zalenna sualtu AZ Phizo-a lem a ni thung. Chu chu thawnthu chuan 1961-ah khan Sahitya Akademi Award a dawng nghe nghe.
Chu thawnthuah chuan rammua thawkchhuak Videsselie leh a thuihruaite chuan Naga tradition vawnhim tumin an bei a, tunhmaa an pi leh pute nunzia chu tha bera hriain chutiang nun dana nun chhawm zel chu an duh dan a ni.
He thawnthua Kristian leh Kristian lote ngaihdan insual hi a ngaihnawm hle. Naga-ho hi Mizote ang bawka sap missionary-te thuhril hmanga Kristiana inlet an ni a, hei hian an hnam nunah nghawng pawh a nei lian hle a ni. Indopui pahnihna, he thawnthu chheh a nihna hunah hi chuan an hnam zingah Kristian lo an la tam hle a, Kristiante nena an ngaihdan inang lo chuan hnam thil a khawih a ni.
Zalenna chungchang han sawi se, Kristian leh Kristian lo ti zawngin ngaihdan a kal a, an hnam nunphung han sawi se chuti bawk. He thawnthuah pawh hian inhnialna pahnih lian pui pui a awm a, zalenna chungchangah leh Kristianna chungchangah a ni.
Kristianna a lo luh tirhah Mizo zingah pawh Pathian thu awih leh awih lo an inthliar ang khan Naga mipuite pawh hi heti zawng hian an inthliar nasa hle. Khaw thenkhatah chuan Kristiante an chep a, hrehawm pawh an tuar nasa. "Yaruingam" thawnthuah pawh hian hmun inchuh te'n an intibuai a, an hnam kal zel dan tur an buaipui lai hian Kristianna hian an hnam chu hmun hnihah a then phawk a ni.
Chutih laiin retheihna avangin mipui an mangang hle bawk. Indona hmun tih takah mipui nawlpui chu an rethei a, a then phei chu riltamin an kun tak zet a ni. An khua te an bomb chhia a, an hmangaih te'n an thih phah bawk. Sorkar atanga zangnadawmna lo thleng lah chu a beitham nasa mai si, an chan chu chau tak a ni. A then lah chuan chung zangnadawmna te chu an lo hlepru ta lai a!
Japan-in an chhuahsan a, India an lo hnai mek thung. Naga mipuite chuan awm dan tur an hre lo a, an nihna tak, indentity chungchangah an buai a, chutiang boruak karah chuan hnama dinchhuah tumin mahni thiam dan danin an bei ta a ni.
Heng boruak hi a ngaihnawm hle. Mizote tan a ngaihnawm zual awm e, kan thil tawn leh kan hun tawng a niang miau a. Hmarchhaka hnam hrang hrangte hi chutiang vel chu kan ni vek hrim hrim a, vawiin thlengin kan la buai ta niin a lang.
Kan zingah ngaihdan pahnih, insual a awm a - mahni hnam bil chawivawn tumna leh chutiang tul tih lohna. A hnuhnung zawk hi hmarchhak hnam hrang hrangte zingah a chak zawkah a tang hlawm niin a lang a, mahni hnam bil thil chawivawn tumtute chu a awhawm loh zawkah an tang deuh zel ni pawhin a lang.
A awhawm loh zawka tangte thawm a zawi tial tial a, vawiinah phei chuan chutiang thawm hriat tur pawh a awm ta meuh lo. Hmarchhak state hrang hrangte han thlir ila, zirlai pawl te'n an la aupui a, mahse, an thawm chu Liandoa te unau dar chhe mi ang mai, mi te'n an han hnaih deuh chang pawhin rei lo teah an tlanhawsan daih zel.
Naga-ho hi a peih rei pawl tak an ni awm e, vawiin thlengin mipui nawlpui zingah pawh 'Greater Nagaland' tuipui tawk an la awm nual tlat. Mizoramah chuan MNF te'n an aupui thin a, mahse, sorkarna an siam chhungin an theihnghilh daih thung!
Chu thawm chu a reh ta hle a, a reh hi Mizote tan a tha nge tha lo tih thu sawiho ta ila, ngaihdan a inang lo viau ang. Reh se tha ti zawk an tam zawk daih ang tih erawh a rinawm.
Tun hnaiah rin loh takin a thawm hriat tur a rawn awm nawlh mai; MP inthlanin a rawn hringchhuak a nih hi.
Independent candidate, MNF, MPC leh MDF te thlawp, Dr H Lallungmuana chuan inthlan campaign-ah a rawn aupui a, Mizote chu hnam dang thuhnuaia kun tura a phal loh thu leh Zo identity chu hmun sang berah awm se a duh thu a sawi piap piap mai. Mizo Nationalism chu Ganges luiin a chimpil tep nia a hriat thu leh a chimpil mai ang tih a hlauh thu te a sawi nghe nghe.
Mizo identity chungchang a ngaih pawimawh thu sawiin, MP inthlan lo awm tur pawh hi Mizo identity ngai pawimawh bertute leh identity dang ngai pawimawh zawktute inkhinnaah a ngaih thu a sawi a, mipui MP, India Parliament-a Mizo identity pholan tultite chu an lamah an tan ngei a rin thu a sawi bawk.
"Kan rawng hi Parliament-ah zu lantir ve turin mipuite hi i tangho ang u," tih te, "'Heng hi in ti lo a nih chuan India mi-ah min ngai lo a ni ang, a tul chuan kan hel tha leh ang' ti ngam tur kan awm a ngai," tih te, "Kan identity, kan nature hi eng hnam identity mahin a chimpil hi ka remti lo," tih te chu a campaign auhla a ni.
"Nghawng thlengin kan inchiah tawh," tiin vai thuhnuaiah Mizote kan kun ta deuh nia a hriat thu a sawi a, "Kan lu hi chu chiahpil ve kher lo ang u," te pawh a ti.
Zofate chu thuneitu sang ber ni turin a duh a, national party atang chuan chutiang chu a theih a ring lo.
"MP ka nih ve lai khan, Parliament-a ka thusawi hmasak ber chu... ka sawi dan chuan... 'Mizote hian India mi ni turin kum 40 zet kan zir ve tang tang a, kan la thiam lo khawp mai. Chutah chuan tunge dem dawn?' ka ti a, mahse, an record duh ta lo nghe nghe a. Kei chuanin kan chungah hlei an len emaw a nih chuan, Mizo Nationalism a ral dawn emaw a nih chuan 'kan chhuak leh mai nange' kan tih ngam a ngai ka ti. Chu chu kan tih ngam lohna tur a awm lo a, kan chanvo ve reng a ni. Kei pawhin MP ni ta ila ka tih ngam lohna tur ka hre lo," tih te chu a sawi duhzawng a ni a, hetiang thu hi hralh a tla viau ang em tih erawh ngaihtuah tham a awm awm e.
Chutih laiin a khingpui ber, Indian National Congress candidate CL Ruala chuan Dr H Lallungmuana thu leh hla hi a pawm lo hle.
Mizote tan national party a tha a ti a, "Mizoram tana thil sawichhuak tur chuan thawhpui neih tam a ngai," tiin national party a fak.
"Hetah inti regional viau mah ila khulam kan dawr hunah meuh chuan kan regional hlei thei thin lo," tia sawiin, "Mizoram hian MP fel deuh pawh nei ila khulamah thawhpui nei lova mahni tal tala tal tur chuan mi fel tak pawh ni rawh se, awmzia a nei lo," a ti bawk.
"National party hi a thatna hmu tawlh tawlhin ka inhria. A tirah phei chuan Congress pawh hi kawrah hman tum kan ni a. Rambuai laiin Pu Dengthuama'n min rawn sawm a, Congress chu kawra hmana remna leh muanna a awm theihnana hmalak tum kan ni hial zawk," tiin national party a zawm dan a sawi a, "National party zawm lo ila MNF leh sorkar laipui kha kan inbiak tir thei hauh lo mai thei a, inbe tura nawr kha a buaithlak ang," a ti nghe nghe.
Ani hian national party-ah pawh Congress chu tha bika a hriat thu a sawi a, "Congress party hian hnam hnufualte min humhalh a, sakhaw zalenna a siam," tiin a fak. "Congress hi belh tlak a ni," a ti bawk.
Candidate dang pahnihte pawhin regionalism an ngaisang lo a, hnam dang puihnaa Mizoram dinhmun chawisan chu an thupui a ni.
Nationalist Congress Party candidate Lalawmpuia Chhangte chuan: "Central-ah chhantu kan neih a ngai hrim hrim," tiin sorkar laipui level-ah chhantu neih tul a tih thu a sawi.
"Thawh veleh vai tootbrush siam i hmang a... vaibuh i ei bawk a..." tiin helai atanga vai lo ngaihsan loh viau chu dik a tih loh thu a sawi bawk.
Independent candidate, Israel National Front president Dr Rualpawla phei chuan India chakna mai ni lo, Israel chakna hmanga Mizoram tihhmasawn a rilruk a, "He hnam dinchhuah theih nan hian central sum ringawt a tawk lo," tiin Israel-te thiamna leh hausakna Mizorama huiluh a tum thu a sawi a ni.
Ani hian 2005-ah khan Israel te'n Mizote chu an chipui, an unauteah an pawm tawh niin a sawi nghe nghe.
Mipuia a tlak nat leh tlak nat loh chu thuhran ni se, tun tum MP thlannaah hian Mizo Nationalism leh hnam dang chungchang chu candidate-te thu inchuh ber leh an inbeihna ber chu a ni reng reng e.
Rishang-a te leh Videsselie-a te hi hmarchhakah hian an la inbeih deuh reng chu a nih hi. An thawm erawh a zawi sawt hle.
No comments:
Post a Comment