¢ Lalhruaitluanga Chawngte
Sapho khuan kum 40 atang hian nun (life) a intan niin an sawi thin a, a nih hmel viau mai.
Emperor ropui Marcus Aurelius-a khan kum 40 a nih kumin Rome lalram a awp tan a, chu chu AD 161-ah daih tawh khan a ni. Tin, Michael Faraday-a khan kum 40 a nih kumah electric genarator a hmuchhuak a, Howard Florey-a pawhin kum 40 a nihin penicilin, mipui vantlang tana hman a nih theih nan hma a la bawk.
Tin, Jonas Salk-a pawhin hetiang rual vel a nih hian zenghri danna a siamchhuak a, Ferdinand Magallen-a pawhin kum 40 a nih kumah khawvela thil hmuhchhuah theih lian ber Pacific Ocean a hmuchhuak a nih kha.
A tam mai; Tenzing Norgay-a’n mihring zinga a hmasa ber ni tura Everest tlang a lawnchhuah khan kum 40 chiah chiah a ni a, tin, Henry Ford-a’n car siamtu hmingthang Ford Motor company a din khan kum 40 mi a ni bawk.
Sawi tur a tam, William Fox Talbot-a’n thlalak siam leh buaipui (photography) a tan khan kum 40 mi bawk a ni.
Thomas Carlyle-a khan a lehkhabu roupi ber pakhat - "The French Revolution" a ziak khan kum 40 mi bawk a ni.
Islam sakhua pawh hi Mohammed-a’n AD 610, kum 40 a nih kuma a hmuhchhuah a lo ni ve leh zel bawk.
A nih leh TV-ah inkhel i en ngai em? Pitar putar an tam thin ti raw, a entu zingah hian. A entu zingah mai a ni hlei nem, Manchester United manager Alex Ferguson-a khu kum 65 mi zet a ni tawh a, ti chung chuan football khawvelah manager hlawhtling ber pawl a la ni thei. Bobby Robson-a pawh kum chuang a nih hnuah khawvel football-a ril ber pakhat a la ni thei cheu.
Mi hi chu an tar har em em mai hi a lo ni a, Billy Graham-a pawh kum 85 chuang a nih hnuah khawvel puma Kristian te'n a thu an la ngaithla thuap reng tho mai. Tolstoy-a pawh khan kum 66 a nihin thirsakawr khalh a la zir ziai ziai bawk!
Spice Girls star hlui Geri Halliwell pawhin kum 60 a tlin hunah pop khawvela let leh a tum thu a sawi!
Kum 36 mi Geri Halliwell hian tun hnai maiah chuan rimawi khawvel luhchilh leh tumna a neih loh thu a sawi a, thangthar zawkte tana hmun ken a duh rih thu a sawi. Mahse, kum 60 a tlin hunah erawh thuk zawka rimawi khawvela liluh leh a tum thu a sawi thung.
Mi chuan 'Life begins at 40' an ti reng a ni!
Sapho khuan kum 40 atang hian nun (life) a intan niin an sawi thin a, a nih hmel viau mai.
Emperor ropui Marcus Aurelius-a khan kum 40 a nih kumin Rome lalram a awp tan a, chu chu AD 161-ah daih tawh khan a ni. Tin, Michael Faraday-a khan kum 40 a nih kumah electric genarator a hmuchhuak a, Howard Florey-a pawhin kum 40 a nihin penicilin, mipui vantlang tana hman a nih theih nan hma a la bawk.
Tin, Jonas Salk-a pawhin hetiang rual vel a nih hian zenghri danna a siamchhuak a, Ferdinand Magallen-a pawhin kum 40 a nih kumah khawvela thil hmuhchhuah theih lian ber Pacific Ocean a hmuchhuak a nih kha.
A tam mai; Tenzing Norgay-a’n mihring zinga a hmasa ber ni tura Everest tlang a lawnchhuah khan kum 40 chiah chiah a ni a, tin, Henry Ford-a’n car siamtu hmingthang Ford Motor company a din khan kum 40 mi a ni bawk.
Sawi tur a tam, William Fox Talbot-a’n thlalak siam leh buaipui (photography) a tan khan kum 40 mi bawk a ni.
Thomas Carlyle-a khan a lehkhabu roupi ber pakhat - "The French Revolution" a ziak khan kum 40 mi bawk a ni.
Islam sakhua pawh hi Mohammed-a’n AD 610, kum 40 a nih kuma a hmuhchhuah a lo ni ve leh zel bawk.
A nih leh TV-ah inkhel i en ngai em? Pitar putar an tam thin ti raw, a entu zingah hian. A entu zingah mai a ni hlei nem, Manchester United manager Alex Ferguson-a khu kum 65 mi zet a ni tawh a, ti chung chuan football khawvelah manager hlawhtling ber pawl a la ni thei. Bobby Robson-a pawh kum chuang a nih hnuah khawvel football-a ril ber pakhat a la ni thei cheu.
Mi hi chu an tar har em em mai hi a lo ni a, Billy Graham-a pawh kum 85 chuang a nih hnuah khawvel puma Kristian te'n a thu an la ngaithla thuap reng tho mai. Tolstoy-a pawh khan kum 66 a nihin thirsakawr khalh a la zir ziai ziai bawk!
Spice Girls star hlui Geri Halliwell pawhin kum 60 a tlin hunah pop khawvela let leh a tum thu a sawi!
Kum 36 mi Geri Halliwell hian tun hnai maiah chuan rimawi khawvel luhchilh leh tumna a neih loh thu a sawi a, thangthar zawkte tana hmun ken a duh rih thu a sawi. Mahse, kum 60 a tlin hunah erawh thuk zawka rimawi khawvela liluh leh a tum thu a sawi thung.
Mi chuan 'Life begins at 40' an ti reng a ni!
No comments:
Post a Comment