¢ HC Vanlalruata
Five Star Hotel khum dupzia leh keini chutiang khum nuama mu phalo tana muthlilh a harsatzia te, a hnathawk tu pawh maiin min ngaihven dan leh min ngaihven chhante, zu khap burna dan pawn lam ni chung si a sum harsat vang liau liauva ka pindan luah ve chhunga ‘Mini Bar’ ka chhawr tangkai ngamloh dante ringawt pawh hi tute’nemaw journalist hmingthang Khuswant Singh an hmuh ve hlauh tuma a pindan chhunga thil awm leh awm lo hahipa an ziak a, chhawng tam tak an phuahchhuah chen zet ziah tur ka hre ve tho mai thei. Mahse, a ngaihnawm zawng ngawr ngawr aia chhawr nahawm tur zawng ziah ve ka tum fan zawk avangin a penhleh chu kan rilphir paih mai mai dawn a nih hi.
Arva pul hri kan tih mai saptawnga ‘avian influenza’ emaw, ‘avian flu’ emaw ‘bird flu’ emaw tia an sawi thin hi Mizoramah a la leng ve lo hlauh mai a. India ram state engemawzat, a bikin hmarchhak state tam zawkah leh kan thenawm hnai Myanmar leh Bangladesh ramah te, kan ar note leh artui chawkluhna West Bengal-ah te a len tawh avangin mi tam tak ngaihven a ni ve tawh a. UNICEF, WHO leh Union Health Ministry tangrualin hemi chungchanga ram pum huap deuhthaw chanchinbumite intawhkhawmna an buatsaihah March ni 27 khan Kolkata khawpuia Taj Bengal Hotel-ah ka zu tel ve a. ‘Enga’ tawnga biak theih an awm hauhlo chungin eizawnna lama thawhpui tam tak kalkhawm zingah chuan mikhual tehchiam lovin ka tlingtla ve ta mai.
He intawhkhawmna ‘Regional Media Sensitization Meet on Avian Influenza’ (collaborating with media to combat avian influenza)-ah hian chanchinbumi 40 vel kan kalkhawm a. Uinted Nations hnuai ami UNICEF, WHO, Food and Agricultural Organisation (FAO) leh India sorkara Health and Family Welfare Ministry atanga mithiam thlan chhuah-te’n min zirtir bakah West Bengal sorkar hnuaia mithiamte leh an state sorkara official pawimawhte’n he arva pul hri an tawrh dan chanchin leh an do dan ngaihnawm takin an sawi bawk. Thu min fahtute hi American te, Chinese te, Rome lam mite an ni hlawm a, India mi thahnem tak an awm bawk.
Tak takah chuan Mizorama kan Vety officer-te’n tunhma atangin arva pul hri chungchang hi chanchinbumite min lo fah hneh tawh ang reng a. A hranpaa chanchinbumite min hrilhfiah bakah keimah ngeiin ka zawh fiah ve fo avangin hetiang lam hi hre ve thawkhatah ka inngai a, a dik viau a nih hmel - thu thar min hrilh hre tamlo ve khawp mai.
Ama’rawhchu, West Bengal officer lian hovin an tawnhriat an sawi erawh chu ngaihnawm ka ti a. A tira an tih fuhlohte, tunhnu-ah a thleng leh a nih pawha chet lak dan tur an ruahmante an sawi a. A bengvarthlak bakah kan Mizoram Vety department hotute fakawmzia ka zu zir chhuak chiang hle-in ka hria. Kei hi mi fak zawnga thuziak khat tak ka ni a, kan Vety doctor leh department hotute fak zawnga han ziah pawh hi ka veikhawr tut mai a. Mahse, fak an phu tih erawh chu zep rual a ni lo.
Arva pul hri hi khawvelin a hlauh chhan leh a buaipui em em chhan chu ar an thih puk puk vangte, hemi natna avanga ar tam tak suat a ngaih vangte piahlam hi a awm a. An buaipui em em chhan chu he arva pul hri chi hrang hranga an thliar zinga thenkhat, a bik takin H5N1 an tih hi a ni a. Mihringin an kai thei a, a kai tawh mi 412 zinga 256-in an thihpui tawh a. Chumi piaha an hlauh chhan ber chu he hri hi a insiam danglam (mutate) anga, ranvulh atanga kai mai tawh lovin mihring leh mihring a inkaichhawn theih ang a. Chutiang hun a thlen vaih chuan Indopui pahnihna rem hlima mi maktaduai tel suattu Influenza hripui ang kha khawvelah lengin kan thi puk puh ang tih an hlau em em a ni.
Hetiang taka sum tam tak senga India ram hmun kilkhawr ber ami leh khawpui lian ami chanchinbumi an kohkhawm chhan hi eng dang ni lovin chutianga mihring leh mihring inkaichhawn theih a nih lohna tura venpui kawnga thuthehdarhtute zirtirna pek a, an state sorkar theuhte finchhuah bakah hetiang a lo thlen thulha mipui ti-chiai zawnga thu puangdarh si lova, fel fai taka beih let a nih theihna atana mipui zirtir dan tur min hrilhhriat kha a ni.
West Bengal sorkara thawk IAS senior, an Principal Secretary leh chanchinbumi thenkhat, sorkarin a hun taka chanchinbumite thuchiang a hriattir mai thin loh avang leh hetiang thil a thlena thu zawhfiah tur an awm thin loh chungchanga hnial patawka an inhnial dante chu ngaihnawm ve tak a ni a. Mizoramah pawh hian hemi chungchangah hian sorkar hian ‘Disaster Management Committee’ te state pum huap, district huap leh a dangte a din chunga chanchinbumite tana thil hriat zung zung theih tura ruahmanna fel a la siamlo hi inenchian ngaihna kan ngah hle-in ka hria a.
Chhiat tawhna hmun, chhiat tawh dan dinhmun leh a tuartute tawrh dan chanchin kimchang hriat mai theihlohva a awm leh chumi kawnga sorkarin tha a la thawh tawklo hi a pawi a. Titi lengvak mak pui pui leh mi tichi-ai thei darh tur pumpelhna atan chuan sorkar hian chanchinbumite ring tawkin thutak a hrilh turah ka ngai a, chu chu kan zavaia that tlanna tur a ni a. Ruahmanna fel kan siam a, thil kan hriat tawn zung zung chuan chhanchhuah hna leh tanpuina hna thawh pawh a awl ang. Bengngawng taka kan awm erawh chuan chet lak a theihloh tluk a ni.
Kan Animal Husbandry and Veterinary Department thawktute ka fak duh a. Arva pul hri lenna ram leh state-in min hual chungin tih takzeta rim taka an thawh avang leh invenna lam an ngaih pawimawh avangin kan la him a. Hetiang hi kan department hrang hrang ni vek thei se tih hi ka duhthusam leh ni khat-awh kan Media Meet chhunga ka rilru kaptu ber chu zu ni tlat a.
Five Star Hotel khum dupzia leh keini chutiang khum nuama mu phalo tana muthlilh a harsatzia te, a hnathawk tu pawh maiin min ngaihven dan leh min ngaihven chhante, zu khap burna dan pawn lam ni chung si a sum harsat vang liau liauva ka pindan luah ve chhunga ‘Mini Bar’ ka chhawr tangkai ngamloh dante ringawt pawh hi tute’nemaw journalist hmingthang Khuswant Singh an hmuh ve hlauh tuma a pindan chhunga thil awm leh awm lo hahipa an ziak a, chhawng tam tak an phuahchhuah chen zet ziah tur ka hre ve tho mai thei. Mahse, a ngaihnawm zawng ngawr ngawr aia chhawr nahawm tur zawng ziah ve ka tum fan zawk avangin a penhleh chu kan rilphir paih mai mai dawn a nih hi.
Arva pul hri kan tih mai saptawnga ‘avian influenza’ emaw, ‘avian flu’ emaw ‘bird flu’ emaw tia an sawi thin hi Mizoramah a la leng ve lo hlauh mai a. India ram state engemawzat, a bikin hmarchhak state tam zawkah leh kan thenawm hnai Myanmar leh Bangladesh ramah te, kan ar note leh artui chawkluhna West Bengal-ah te a len tawh avangin mi tam tak ngaihven a ni ve tawh a. UNICEF, WHO leh Union Health Ministry tangrualin hemi chungchanga ram pum huap deuhthaw chanchinbumite intawhkhawmna an buatsaihah March ni 27 khan Kolkata khawpuia Taj Bengal Hotel-ah ka zu tel ve a. ‘Enga’ tawnga biak theih an awm hauhlo chungin eizawnna lama thawhpui tam tak kalkhawm zingah chuan mikhual tehchiam lovin ka tlingtla ve ta mai.
He intawhkhawmna ‘Regional Media Sensitization Meet on Avian Influenza’ (collaborating with media to combat avian influenza)-ah hian chanchinbumi 40 vel kan kalkhawm a. Uinted Nations hnuai ami UNICEF, WHO, Food and Agricultural Organisation (FAO) leh India sorkara Health and Family Welfare Ministry atanga mithiam thlan chhuah-te’n min zirtir bakah West Bengal sorkar hnuaia mithiamte leh an state sorkara official pawimawhte’n he arva pul hri an tawrh dan chanchin leh an do dan ngaihnawm takin an sawi bawk. Thu min fahtute hi American te, Chinese te, Rome lam mite an ni hlawm a, India mi thahnem tak an awm bawk.
Tak takah chuan Mizorama kan Vety officer-te’n tunhma atangin arva pul hri chungchang hi chanchinbumite min lo fah hneh tawh ang reng a. A hranpaa chanchinbumite min hrilhfiah bakah keimah ngeiin ka zawh fiah ve fo avangin hetiang lam hi hre ve thawkhatah ka inngai a, a dik viau a nih hmel - thu thar min hrilh hre tamlo ve khawp mai.
Ama’rawhchu, West Bengal officer lian hovin an tawnhriat an sawi erawh chu ngaihnawm ka ti a. A tira an tih fuhlohte, tunhnu-ah a thleng leh a nih pawha chet lak dan tur an ruahmante an sawi a. A bengvarthlak bakah kan Mizoram Vety department hotute fakawmzia ka zu zir chhuak chiang hle-in ka hria. Kei hi mi fak zawnga thuziak khat tak ka ni a, kan Vety doctor leh department hotute fak zawnga han ziah pawh hi ka veikhawr tut mai a. Mahse, fak an phu tih erawh chu zep rual a ni lo.
Arva pul hri hi khawvelin a hlauh chhan leh a buaipui em em chhan chu ar an thih puk puk vangte, hemi natna avanga ar tam tak suat a ngaih vangte piahlam hi a awm a. An buaipui em em chhan chu he arva pul hri chi hrang hranga an thliar zinga thenkhat, a bik takin H5N1 an tih hi a ni a. Mihringin an kai thei a, a kai tawh mi 412 zinga 256-in an thihpui tawh a. Chumi piaha an hlauh chhan ber chu he hri hi a insiam danglam (mutate) anga, ranvulh atanga kai mai tawh lovin mihring leh mihring a inkaichhawn theih ang a. Chutiang hun a thlen vaih chuan Indopui pahnihna rem hlima mi maktaduai tel suattu Influenza hripui ang kha khawvelah lengin kan thi puk puh ang tih an hlau em em a ni.
Hetiang taka sum tam tak senga India ram hmun kilkhawr ber ami leh khawpui lian ami chanchinbumi an kohkhawm chhan hi eng dang ni lovin chutianga mihring leh mihring inkaichhawn theih a nih lohna tura venpui kawnga thuthehdarhtute zirtirna pek a, an state sorkar theuhte finchhuah bakah hetiang a lo thlen thulha mipui ti-chiai zawnga thu puangdarh si lova, fel fai taka beih let a nih theihna atana mipui zirtir dan tur min hrilhhriat kha a ni.
West Bengal sorkara thawk IAS senior, an Principal Secretary leh chanchinbumi thenkhat, sorkarin a hun taka chanchinbumite thuchiang a hriattir mai thin loh avang leh hetiang thil a thlena thu zawhfiah tur an awm thin loh chungchanga hnial patawka an inhnial dante chu ngaihnawm ve tak a ni a. Mizoramah pawh hian hemi chungchangah hian sorkar hian ‘Disaster Management Committee’ te state pum huap, district huap leh a dangte a din chunga chanchinbumite tana thil hriat zung zung theih tura ruahmanna fel a la siamlo hi inenchian ngaihna kan ngah hle-in ka hria a.
Chhiat tawhna hmun, chhiat tawh dan dinhmun leh a tuartute tawrh dan chanchin kimchang hriat mai theihlohva a awm leh chumi kawnga sorkarin tha a la thawh tawklo hi a pawi a. Titi lengvak mak pui pui leh mi tichi-ai thei darh tur pumpelhna atan chuan sorkar hian chanchinbumite ring tawkin thutak a hrilh turah ka ngai a, chu chu kan zavaia that tlanna tur a ni a. Ruahmanna fel kan siam a, thil kan hriat tawn zung zung chuan chhanchhuah hna leh tanpuina hna thawh pawh a awl ang. Bengngawng taka kan awm erawh chuan chet lak a theihloh tluk a ni.
Kan Animal Husbandry and Veterinary Department thawktute ka fak duh a. Arva pul hri lenna ram leh state-in min hual chungin tih takzeta rim taka an thawh avang leh invenna lam an ngaih pawimawh avangin kan la him a. Hetiang hi kan department hrang hrang ni vek thei se tih hi ka duhthusam leh ni khat-awh kan Media Meet chhunga ka rilru kaptu ber chu zu ni tlat a.
No comments:
Post a Comment