Zozam News Service
Mizoram-ah 'change' a awm theih nan Val Upa Council neih a duh a, MLA atana in-candidate turte pawh Val Upa Council hmaah hian rinawm turin intiam thin se a duh. MLA, minister leh chief minister te pawh, mipui rel an kai a nih chuan kovin Val Upa Council chuan an kawm thin ang. Zilhna pawm lo chu an nihna thlengin a hlihsak thei ang.
Chu 'change' beiseitu chuan: "Val Upa Council hi a duangtute duan ang ngata hmang duh sorkar hi Mizoramah hian lo ding ta se, chief minister atanga fourth grade thlengin, ban huam tan leh ban hnu pawha thubuaia lian tak awrh zui huam bawk tan lo chuan, eiruk emaw mipui mit tikham thei zawnga khawsak emaw chu a harsa khawp ang. Dik taka hna thawh tum tan chuan Val Upa Council hi a hnawksak dawn lo a, an thlamuanpuiawm hle zawk ang," tiin a thlir dan a sawi.
Mizoramah 'Change' thleng se titu K Sapdanga, Vanglaini editor hian 'Change' thleng se a tih dan leh 'change' a beisei dan te ziakin a bu hmingah "Change" a vuah a, March ni 31-ah Lalhmingliana Saiawi-in a tlangzarh a ni.
MLA-a ding turte chu Val Upa Council hmaah an intiam ang a, sorkar thar pawh chu Council chuan an vil zui ang, K Sapdanga duh dan chuan. Chu chu 'change' hmasa a ni.
MLA, minister te leh chief minister, speaker te hlawh tihhniam a duh a, "MLA hlawh sangin Mizoram economy a nghawng chhiat dan hi chhui fe tham a awm. Chu ai maha la pawi zawk chu, MLA-te hlawh tihsan duhna thinlungin Mizo mipuite rilrua politics ngaihdan chhia a rawn tuh hi a ni," a ti. Legislator-te hlawh tihsan chuan Mizoram economy leh Mizo mipuite rilru a tichhia tih chu a ngaihdan a ni a, chuvangin, legislator-te hlawh chu tihhniama, 'change' a duh.
Assembly bial tinah MLA-te chenna leh office tur, Residential Office din a duh a, chu chuan bial mipuite phurrit a chhawk a ring. Mipuite'n awlsam zawka minister-te an hmuh theih nan district headquarters tinah minister office din a duh bawk. Chu mai a ni lo, district headquarters hrang hrangah cabinet meeting neih thin ni se a duh a, "Kum khat chhungin vawi khat tal district capital-ah hian cabinet meeting koh ni se, hmasawnna kawngah tun aia tha CHANGE hi chu chawp leh chilhin a awm nghal ang," a ti.
'Change' thleng se a duhna lian tak pakhat chu minister inruat chungchangah hian a ni; council of ministers-ah eptu member atanga inruat thin ni se a duh a, chu chuan politics-a inepna boruak thianghlim a thlen a ring.
Ram inrelbawlna hrang hrangah a tam lam aiin a tlem lamin "Change" ziaktu lung hi a len a, Mizorama district awm zat pawh hi tam a ti, panga a duh tawk. North District, South District, East District, West District, Central District te awm se tawk a ti.
A duh aiin Mizoramah khua a tam a, hei hi 'change' tul a ti. A duh dan takah chuan Mizoramah hian khaw 10 awm se a duhtawk a, mahse, chu em chu theihin a ring lo, khaw 100-ah tal Mizoram khuate hi hlawmkhawm a duh.
Corruption chungchangah 'change' thleng se a duh. "Corruption a punlun chhan hi thil tam vak pawh a ni lo. Thuneitu lu ber fihlim lova hriat vang a ni lian ber a, thiante pawhin a rukin an ti thova hriatna vangte leh dan bawhchhiate hremna tak tak a awm ngai chuang lova hriatna vangte a ni bawk," tiin corruption awm chhan a sawi a, chumi umbo nan chuan thil pahnih a rawt; Val Upa Council din leh Vigilance Commission din. Val Upa Council chu legislator-te vengtu a ni ang a, Vigilance Commission chu sorkar hnathawkte vengtu a ni ang.
Thalaite thawh tur hna siam dan kawng a tamin a hria a, chumi lamah chuan tanlak tul a ti. Heti lama 'change' a lo thlen theih nan sorkar hna atanga pension dan - retirement scheme siamthat ngai a ti. Kum 15 service tawh chin chu voluntary pension-in chhuak thei se, kum 55 tling chin tan full pension phalsak ni se, kum 60 chin chu compulsory pension ni se a duh. "Service pawhsei phei hi chu laklawh awm hauh lovin khauh taka khap ngei chi a ni," a ti bawl mai.
Thalaite hmakhua atan private entrepreneurship lam tihhmasawn tul a ti a, technical graduate-te hman tangkai tul a ti. Rahbi tleu laklawhte tanpui chunga bultanna dik zirtirna pek a rawt bawk.
Kuthnathawktute dinhmun siamthat tul a ti a, chu chu 'change' thleng se a tihna hmun pakhat a ni. Hnam Chhantupa R Ramhmangaiha tah thu a tarlang a, a tah chhan chu handicraft hna awmze hria sorkar neih a chak vang a ni tih pawh a tarlang.
"Chhantu tak tak atan chuan mi thawm na leh mi chak aiin, mi tumruh, rilru huaisen leh mi dikte hi an belhfakawm zawk leh nge nge thin tih hi a takin a lo thleng nual tawh," a ti a, chu chu 'change' thlen theitir thei tur chungchanga mipui thurawn a pek a nih hmel.
He lehkhabu hi phek 120-a chhah, hawrawp hraw taka chhut, tar leh mit tha lote tan pawha chhiar nuam tak tur a ni a, Rs 70 man chauh a ni. A hmel en chuan Rs 150 man hmel a pu.
Mizoram-ah 'change' a awm theih nan Val Upa Council neih a duh a, MLA atana in-candidate turte pawh Val Upa Council hmaah hian rinawm turin intiam thin se a duh. MLA, minister leh chief minister te pawh, mipui rel an kai a nih chuan kovin Val Upa Council chuan an kawm thin ang. Zilhna pawm lo chu an nihna thlengin a hlihsak thei ang.
Chu 'change' beiseitu chuan: "Val Upa Council hi a duangtute duan ang ngata hmang duh sorkar hi Mizoramah hian lo ding ta se, chief minister atanga fourth grade thlengin, ban huam tan leh ban hnu pawha thubuaia lian tak awrh zui huam bawk tan lo chuan, eiruk emaw mipui mit tikham thei zawnga khawsak emaw chu a harsa khawp ang. Dik taka hna thawh tum tan chuan Val Upa Council hi a hnawksak dawn lo a, an thlamuanpuiawm hle zawk ang," tiin a thlir dan a sawi.
Mizoramah 'Change' thleng se titu K Sapdanga, Vanglaini editor hian 'Change' thleng se a tih dan leh 'change' a beisei dan te ziakin a bu hmingah "Change" a vuah a, March ni 31-ah Lalhmingliana Saiawi-in a tlangzarh a ni.
MLA-a ding turte chu Val Upa Council hmaah an intiam ang a, sorkar thar pawh chu Council chuan an vil zui ang, K Sapdanga duh dan chuan. Chu chu 'change' hmasa a ni.
MLA, minister te leh chief minister, speaker te hlawh tihhniam a duh a, "MLA hlawh sangin Mizoram economy a nghawng chhiat dan hi chhui fe tham a awm. Chu ai maha la pawi zawk chu, MLA-te hlawh tihsan duhna thinlungin Mizo mipuite rilrua politics ngaihdan chhia a rawn tuh hi a ni," a ti. Legislator-te hlawh tihsan chuan Mizoram economy leh Mizo mipuite rilru a tichhia tih chu a ngaihdan a ni a, chuvangin, legislator-te hlawh chu tihhniama, 'change' a duh.
Assembly bial tinah MLA-te chenna leh office tur, Residential Office din a duh a, chu chuan bial mipuite phurrit a chhawk a ring. Mipuite'n awlsam zawka minister-te an hmuh theih nan district headquarters tinah minister office din a duh bawk. Chu mai a ni lo, district headquarters hrang hrangah cabinet meeting neih thin ni se a duh a, "Kum khat chhungin vawi khat tal district capital-ah hian cabinet meeting koh ni se, hmasawnna kawngah tun aia tha CHANGE hi chu chawp leh chilhin a awm nghal ang," a ti.
'Change' thleng se a duhna lian tak pakhat chu minister inruat chungchangah hian a ni; council of ministers-ah eptu member atanga inruat thin ni se a duh a, chu chuan politics-a inepna boruak thianghlim a thlen a ring.
Ram inrelbawlna hrang hrangah a tam lam aiin a tlem lamin "Change" ziaktu lung hi a len a, Mizorama district awm zat pawh hi tam a ti, panga a duh tawk. North District, South District, East District, West District, Central District te awm se tawk a ti.
A duh aiin Mizoramah khua a tam a, hei hi 'change' tul a ti. A duh dan takah chuan Mizoramah hian khaw 10 awm se a duhtawk a, mahse, chu em chu theihin a ring lo, khaw 100-ah tal Mizoram khuate hi hlawmkhawm a duh.
Corruption chungchangah 'change' thleng se a duh. "Corruption a punlun chhan hi thil tam vak pawh a ni lo. Thuneitu lu ber fihlim lova hriat vang a ni lian ber a, thiante pawhin a rukin an ti thova hriatna vangte leh dan bawhchhiate hremna tak tak a awm ngai chuang lova hriatna vangte a ni bawk," tiin corruption awm chhan a sawi a, chumi umbo nan chuan thil pahnih a rawt; Val Upa Council din leh Vigilance Commission din. Val Upa Council chu legislator-te vengtu a ni ang a, Vigilance Commission chu sorkar hnathawkte vengtu a ni ang.
Thalaite thawh tur hna siam dan kawng a tamin a hria a, chumi lamah chuan tanlak tul a ti. Heti lama 'change' a lo thlen theih nan sorkar hna atanga pension dan - retirement scheme siamthat ngai a ti. Kum 15 service tawh chin chu voluntary pension-in chhuak thei se, kum 55 tling chin tan full pension phalsak ni se, kum 60 chin chu compulsory pension ni se a duh. "Service pawhsei phei hi chu laklawh awm hauh lovin khauh taka khap ngei chi a ni," a ti bawl mai.
Thalaite hmakhua atan private entrepreneurship lam tihhmasawn tul a ti a, technical graduate-te hman tangkai tul a ti. Rahbi tleu laklawhte tanpui chunga bultanna dik zirtirna pek a rawt bawk.
Kuthnathawktute dinhmun siamthat tul a ti a, chu chu 'change' thleng se a tihna hmun pakhat a ni. Hnam Chhantupa R Ramhmangaiha tah thu a tarlang a, a tah chhan chu handicraft hna awmze hria sorkar neih a chak vang a ni tih pawh a tarlang.
"Chhantu tak tak atan chuan mi thawm na leh mi chak aiin, mi tumruh, rilru huaisen leh mi dikte hi an belhfakawm zawk leh nge nge thin tih hi a takin a lo thleng nual tawh," a ti a, chu chu 'change' thlen theitir thei tur chungchanga mipui thurawn a pek a nih hmel.
He lehkhabu hi phek 120-a chhah, hawrawp hraw taka chhut, tar leh mit tha lote tan pawha chhiar nuam tak tur a ni a, Rs 70 man chauh a ni. A hmel en chuan Rs 150 man hmel a pu.
No comments:
Post a Comment