Chung lamah a ban a phar a, "Mi life ka save..." tiin a chhungte a hrilh a nih kha. A chhungte chuan a ngaihna an hre lo hle.
A pa u fanu piancham lawmin Tlawng-ah an kal a, chutah chuan tuihleuh pawh thiam lo he tleirawl hian tuitla a chhanchhuak a ni.
Pawl 12 result nghak lai Pauline Lalrindiki hian a thil tih hi mak han tih vakna pawh a nei lo a, thil ropui ni pawhin a hre lem lo. Mahse, tun hnua a'n ngaihtuah let hi chuan a hlau leh hnuhnawh deuh!
Tuihleuh thiam loin tuitla a chhanchhuah ni hi March ni 11 kha a ni a, Tlawng luiah birthday lawmin, Bawngpusuarah tleirawl rualte chu an cheng a ni. Pauline-i chu bladder-ah a chuang a, chutia thlamuang taka a awm laia a thawm hriat chuan a beng a verh ta zar mai.
A'n ngaithla chiang a, tuitla mangang thawm a ni. Pauline-i chuan a hrethiam nghal a, bladder-a chuang chung chuan thawm awmna lam chu a pan ta a ni. Chutia li thuk lam pana bladder hmanga a inkhalh lai chuan vaukam atang chuan a thiante'n an lo au vawn vawn a, tuihleuh a thiam si lo a, a tla mai ang tih an hlau a ni.
Pauline-i chuan a thiante kohna pawh ngaithla lovin thawm awmna lam chu a pan zel a, a thleng phei ta. Engtin nge bladder hmangin a inkhalh thlen tih pawh a hre lo.
A tih ngaihna hre lo chuan "khawnge i awm?" te a'n ti ngawt a, mahse, chhangtu an awm lo. Mahse, a beidawng duh chuang lo, bladder-a inkuahnghet sauh sauh chung chuan a ke chu tui chhungah chuan a chhek ta vak vak mai a, 'khawiah nge i awm?" a ti tuar tuar bawk.
Nakinah chuan tui chhunga a malpui ding lam chu thil engemaw ni hian a rawn nawk fuh a, a'n dap nghal a, mihring a lo ni. Chu veleh mihring chu chhan tumin a bei nghal a, eng tin tin emaw hian a khabe velah a zu dap fuh ta hlauh mai. Nghet takin a kuah a, a hnukchhuak ta a ni.
A chuanna bladder-ah chuan a dah a, a chau hle. Balu laa thawkchhuak - taikuang lawng a lo thleng hlauh a, anni chuan an pui ta a ni. A hriat loh karah vaukam an thleng ta.
Vanduaina tawktu hi Durtlang tlangval, Lalrinawma a ni a, blanket su-a kal an ni. Khatia tuia a tlak khan thi turah a indah hman a, a nuin a tawrh dan tur te pawh a ngaihtuah hman. Vaukam an hruai thlen pawhin a hmui te pawh a duk vek tawh.
A tlakna li hi thuk thut thut a ni a, a tira a chenna leh a tlakna lai hi a inthuk hleih hle.
"Mangang deuha au ri kha ka hria a, chumi lam pan chuan ka kal ve tawp. Ka tla ve thei tih pawh ka ngaihtuah lo reng reng, mangang an awm tih ka hriat khan ka pan ve tawp mai a ni," tiin Pauline-i chuan a sawi.
Bladder-a chuang chungin li thuk lam a pan a, chutah chuan chhan ngai a zawng ta a ni. Bladder-ah chuang mah se a awmna hi tui thiam lo tan chuan a hlauhawm hle a, bladder-a inham tang chung chuan tui chhungah chuan a ke a chhek ta bawrh bawrh mai a ni. Tichuan, tui chhung atang chuan a lachhuak a, bladder-ah chuan a inham tanpui ta a, chumi hnuah midang nen innangin an rawn pui ta a ni.
"Ka hah lutuk a, ka khur vel," tiin an inchhan laia a awm dan a sawi a, mahse, hlauhna lam a ngaihtuah hman lo niin a sawi.
A hnu-ah hian a ngaihtuah letin a hlau leh hnuhnawh deuh; "A hlauhawm ve lutuk, an sawi an sawi a..." tiin Zozam Weekly a hrilh.
Pauline-i hi John Lalhruaitluanga fanu, Kulikawn-a mi a ni a, minister hlui F Lawmkima tunu a ni.
A pa u fanu piancham lawmin Tlawng-ah an kal a, chutah chuan tuihleuh pawh thiam lo he tleirawl hian tuitla a chhanchhuak a ni.
Pawl 12 result nghak lai Pauline Lalrindiki hian a thil tih hi mak han tih vakna pawh a nei lo a, thil ropui ni pawhin a hre lem lo. Mahse, tun hnua a'n ngaihtuah let hi chuan a hlau leh hnuhnawh deuh!
Tuihleuh thiam loin tuitla a chhanchhuah ni hi March ni 11 kha a ni a, Tlawng luiah birthday lawmin, Bawngpusuarah tleirawl rualte chu an cheng a ni. Pauline-i chu bladder-ah a chuang a, chutia thlamuang taka a awm laia a thawm hriat chuan a beng a verh ta zar mai.
A'n ngaithla chiang a, tuitla mangang thawm a ni. Pauline-i chuan a hrethiam nghal a, bladder-a chuang chung chuan thawm awmna lam chu a pan ta a ni. Chutia li thuk lam pana bladder hmanga a inkhalh lai chuan vaukam atang chuan a thiante'n an lo au vawn vawn a, tuihleuh a thiam si lo a, a tla mai ang tih an hlau a ni.
Pauline-i chuan a thiante kohna pawh ngaithla lovin thawm awmna lam chu a pan zel a, a thleng phei ta. Engtin nge bladder hmangin a inkhalh thlen tih pawh a hre lo.
A tih ngaihna hre lo chuan "khawnge i awm?" te a'n ti ngawt a, mahse, chhangtu an awm lo. Mahse, a beidawng duh chuang lo, bladder-a inkuahnghet sauh sauh chung chuan a ke chu tui chhungah chuan a chhek ta vak vak mai a, 'khawiah nge i awm?" a ti tuar tuar bawk.
Nakinah chuan tui chhunga a malpui ding lam chu thil engemaw ni hian a rawn nawk fuh a, a'n dap nghal a, mihring a lo ni. Chu veleh mihring chu chhan tumin a bei nghal a, eng tin tin emaw hian a khabe velah a zu dap fuh ta hlauh mai. Nghet takin a kuah a, a hnukchhuak ta a ni.
A chuanna bladder-ah chuan a dah a, a chau hle. Balu laa thawkchhuak - taikuang lawng a lo thleng hlauh a, anni chuan an pui ta a ni. A hriat loh karah vaukam an thleng ta.
Vanduaina tawktu hi Durtlang tlangval, Lalrinawma a ni a, blanket su-a kal an ni. Khatia tuia a tlak khan thi turah a indah hman a, a nuin a tawrh dan tur te pawh a ngaihtuah hman. Vaukam an hruai thlen pawhin a hmui te pawh a duk vek tawh.
A tlakna li hi thuk thut thut a ni a, a tira a chenna leh a tlakna lai hi a inthuk hleih hle.
"Mangang deuha au ri kha ka hria a, chumi lam pan chuan ka kal ve tawp. Ka tla ve thei tih pawh ka ngaihtuah lo reng reng, mangang an awm tih ka hriat khan ka pan ve tawp mai a ni," tiin Pauline-i chuan a sawi.
Bladder-a chuang chungin li thuk lam a pan a, chutah chuan chhan ngai a zawng ta a ni. Bladder-ah chuang mah se a awmna hi tui thiam lo tan chuan a hlauhawm hle a, bladder-a inham tang chung chuan tui chhungah chuan a ke a chhek ta bawrh bawrh mai a ni. Tichuan, tui chhung atang chuan a lachhuak a, bladder-ah chuan a inham tanpui ta a, chumi hnuah midang nen innangin an rawn pui ta a ni.
"Ka hah lutuk a, ka khur vel," tiin an inchhan laia a awm dan a sawi a, mahse, hlauhna lam a ngaihtuah hman lo niin a sawi.
A hnu-ah hian a ngaihtuah letin a hlau leh hnuhnawh deuh; "A hlauhawm ve lutuk, an sawi an sawi a..." tiin Zozam Weekly a hrilh.
Pauline-i hi John Lalhruaitluanga fanu, Kulikawn-a mi a ni a, minister hlui F Lawmkima tunu a ni.
No comments:
Post a Comment