Wednesday, March 25, 2009

Tuihleuh thiam

French mi challang, Charles maurice de Talleyrand (1754-1838) kha a naupan laiin a chetsualna lamah a ke a tina a, a bai hlen ta a nih kha.

Amah hi sakhaw zirtirna lama mi langsar, sakhaw puithiam ngaihsan hlawh leh zah kai tak a ni.

Tum khat chu, a hun laia hmeltha hmingthang pahnih, mite ngaihzawn rawn hlawh hat pahnih - Madame de Stael-i leh Madame Recanier-i te nen zanriah an kilho a, hmelthai te pahnih chuan Talleyrand-a chu an laitat ran mai a ni awm e.

A thiannu aiin chhe deuh zawkah a inruak a ni mai thei, Madame de Stael-i chuan, "Kan pahnih hian tuiah tla palh ta hlauh ila, tu zawk ngei i chhar ang?" tiin Talleyrand-a chu a zawt ta pek.

Talleyrand-a chuan a chhang mai lo a, mahse, Stael-i lah chuan a zawt nawn sek ta mai si. A tawpah chuan a chhang ta nge nge a, Stael-i lama kun hniam pah chuan, "Madame, nang te chuan tui hleuh i thiam kha," a ti ta su su a!

Related Posts :



No comments:

Post a Comment