Tuesday, March 24, 2009

Lungphun hung turin Mimi Tawizoah

Mimi Lalzamliani chu Tawizoah a damlai lungphun hung turin nimin khan a kal a, vawiin tlai hian Aizawl a let leh ang.

Nikum khan Mimi hi YMA programme-in Tawi-zoah hian a kal a, a haw leh hnuah sawmna dandai tak a dawng- Tawizo khuaah a damlai lung an phun dawn.

He lungphun hi amah Mimi ngeiin nikum khan a han hawng tawh a, thlan lung ang deuh, feet 4 a hlai feet 6 a sang a ni a, Mimi an duhsakna thu a inker.

He lungphun hi Mimi chuan hung thain a hria a, nimin khan Tawizo khuaah hian kalin vawiin hian an hung anga programme tawite hmangin zanah Aizawl a let nghal ang.

A damlai lung an phun hi Mimi pawh a lawm ngang mai. “Hetiangte chu thil vâng a nia, ka lawm lutuk,” a ti.

Mimi hi Australia atangin a rawn thau haw vei nulh a, a la inti cher leh hleithei lo. A chaw ei a tui thei rapthlak bawk sia a buaithlak khawp mai.

“Ka ei tawh vek vek chuan ka ti ngheng zel a, a tui ka ti thei ropui si, a laklawha han kham daih ang chi hi ka thei ve thlawt lo,” a ti.

Hetiang a nih avang hian chaw pawh a ei tha ngam ta mang lo, thlai lampang chaw atan a ring deuh chawt a, carrot te pawh a ei nasa mai. Mahse, engkim a eitui tawh laklawh a, a thil ei apiang a ngeih em em vek zel a ni ber.

Intih cher leh thuai tumin tan a la viau nain a tan lakin awmzia a la nei thei tak tak lo. Buaithlak khawp mai.

Related Posts :



No comments:

Post a Comment