Monday, March 16, 2009

Ellis Saidenga Tribute Concert

Ex-MLA, Ngaihzual Nang Nen tih hla a rik apianga rilrua lang \hin Ellis Saidenga, nikum August 29, 2008 a Chatuan ram pan ta hriatrengna concert Ellis Saidenga Tribute Concert chu March 20, 2008 leh March 25, 2008 hian AIzawl leh Lunglei khawpuiah neih a ni dawn.

March 20 khian Aizawl Vanapa Hall-ah amah hriatrengna concert hi neih a ni dawn a, March 25 khian Saikuti Hall-ah neih leh a ni ang. Ellis Saidenga Tribute Concert-ah hian Mizorama band lar \ha ber berte leh malzai lama kan chhuan ber berte an zai ang.

Boomarang, Magdalene, Myth of Fate, The Scavenger Project bakah he concert tur bika infawmkhawm Mizoram musician lar ber berte - PB Lianhminga (keyboard), PB Liansangzuala (bass), ZTP-A (guitar), Liansangkima (drums) leh Lungmuana (vocals) te'n hun an hmang dawn a, anni hian malzaia tel turte pawh live music in an rem dawn a ni.

"Pu Ellis Saidenga hi Mizo pa zingah chuan pa ropui berte zing ami a ni a, rimawi lama a sulhnu ropui tak hi a thamral mai ang tih ka hlau takzet a, tin, khawtlang leh ram tana a rawngbawlna hi a chhuanawm hlein ka hria, chanchinbumi ropui, MJA hial pawhin Prominent Journalist chawimawina an hlan kha a ni a, YMA lamah pawh Southern Headquarters dintute zing ami a ni a, politics lamah lah MLA hlui a ni bawk a, hetianga amah hriatrengna concert siam hi a phu ve hlein ka hria," tiin PB Lianhminga, Mizoram musician kan neih \hat berte zing ami leh he concert neih tura in-house band member chuan a sawi.

Mami Varte, Joseph Zaihmingthanga, B Malsawmtluangi, Mathlenga, Josephine te chu he concert a tel tur hian an inbuatsaih mek a, live music a mipui awih an tum a ni.

Related Posts :



No comments:

Post a Comment