Chanchin maksak 41

Lawm tur nge lawm loh tur?
1980-ah Ronald Reagan chu US president atan thlantlin a ni a, khami tuma fiamthu thiam Will Durst-a'n a lawmpui dan kha lawm tur nge lawm loh tur tih hriatthiam a har ve khawp mai.

"Hetia president-ah Reagan-a a tling hi lawmawm ka ti hle a ni tih ka sawi ve duh, fiamthu thawha eizawng ka ni bawk a," tih a ni!


Nunrawng lo
Robert Francis Kennedy (1925-1968), US politician hmingthang, John F. Kennedy ukil ni bawk kha thin ter tek nei kan tih ang chi hi a ni a, nunrawng tia sawi pawh a hlawh viau nghe nghe.

1961-1964 chhung khan attorney general a ni a, he hna a chelh lai hian mafia-ho pawh thi turin an chungthu a rel nual.

Misual hmingthang Jimmy Hoffa chungthu a rel dan kha a larpui viau a, a thinrim thut insum hman lovin Jimmy-a kha a hrem ta chiam nia sawi te pawh an awm.

He thil vang hian 'nunrawng' tia beih a hlawh ta viau mai a, ani pawhin hetia an beihna hi a hai lo.

Vawi khat chu, nunrawng tia beihna chu a sawifiah ve a.

"Mi hian nunrawng min ti tih ka hria. Ka nunrawng lo. Nunrawng min titu ka hriat phawt chuan ka hrual ral raih ang!"