Thangkhawk

Vawi khat chu pa pakhat hi a fapa nen an ramvak a. Chutia an kal lai chuan a fapa chu a tawlhthlu ta thut mai:

"AAAhhhhhhhhhhh!!!"

Tlang kar atang chuan thawm a rawn chhuak ve nghal a, "AAAhhhhhhhhhhh!!!" tiin. Naupang chuan mak a ti hle.

"Tunge i nih? tiin a tih dan rawn zirtu chu a au a, a chhanna dawn chu - "Tunge i nih?" tih bawk a ni.

Ral lehlam tlang en pah chuan, "I ngaihsanawm hle mai," a'n ti leh a, a tih dan chu rawn zir lehin, "I ngaihsanawm hle mai," a rawn ti leh.

Chutia a tih dan a rawn zir zel avang chuan a thinrim ta; "Dawiha!"

"Dawiha!" a rawn ti ve leh.

A ngaihna a hre lo hle. A pa chu thil awmzia a zawt ta a ni.

A pa chu a nui suk a, "Ngun deuhin han ngaihtuah teh," ti bakin a chhang lo.

Naupang chu a au leh a, "I huai ber e," tiin.

Ral lehlam atang chuan, "I huai ber e," a rawn ti ve leh. Naupang chuan mak a ti ngang mai.

A pa chuan a hrilhfiah ta a: "Hetiang hi thangkhawk an ti mai thin a, mahse, a nihna takah chuan hringnun a ni," tiin.

A pa chuan a sawi zawm zel a; "I sawi ang apiang a lo sawi ang a, i tih ang apiang a rawn let zel ang," a tih lai chuan naupang chuan ngaihnawm ti takin a lo ngaithla dauh dauh mai.

"Khawvelah hian hmangaihna i duh a nih chuan i thinlungah hmangaihna chu i tuh phawt tur a ni. Chutiang bawkin mi hi hlawhtling se i ti a nih chuan nangman tan i lak a ngai. Mi zawng zawng hi kan inzawm vek a, kawng engkimah hian inkungkaihna kan nei vek. He hringnunah hian i pekchhuah ang zel i dawng ang."

('Mountain Story' tih lehlin a ni. A ziaktu hriat a ni lo.)