Nui Lawks 14

Chanchinbu pakhat pawh hi an han fimkhur laileng khawp a, Editorial hnuaiah te hian "Editor ngaihdan a ni kher lo" tih an ziak kuau zel!
- 9862375770


"Kan nu hi chu milian nupui ve tur hrim hrima chahchhuah a nia," a ti a ti fahran a, a bula mi chuan a ning ta deuh a, "Chuti chu milianin an daih leh ta si lo tihna a va ni mai awm ve!" a lo ti hluk!
- 9862343408


An khaw bus conductor kha a tawng ve awm khawp mai, kawng chep laiah truck nen an intawk a, conductor chu an chhuk thin tih hriain a’n tumthla ve chhak a, a hawi kual vung vung a, a tawpah- “A kal theih em?” a rawn ti nulh!
A ngaihthat thlak tawh loh nak a laiin, a hnu deuhah chuan driver chu ring fe hian a rawn bia a, "I thu thu a ni mai," a rawn ti leh nulh!
- 9436159317


Liana: Shakespeare-a kha kan tunlai hunah te hian la dam se zah a kai awm ngawtin ka hria.
Piana: Nia, kum 400 chuang daih a ni tawh bawk si ang a, zah zawng a kai ngawt tak ang.
- 9436151666


Tlangval pakhat pawh kha, luck deuh anga lan a chak ve sia, a naute mobile phone hmang ruin, 'Ne tih? buay m? star ltk ce a,' tiin sms te a inthawn thin. Tak tak emaw a tia, a lawm ve thei raps!
- 9612589095


Vawi khat chu pa pakhat hian a lu mehtir a tum a, lumettu chu a lo tawng thei em kher a, a tawng zuah zuah reng mai. A ning ta deuh a ni ang, "Engtin nge ka meh ang?" tia a’n zawh chuan, bul hmuk hian, "Ngawi rengin," a lo ti chhum hmuk a.
- 9862577575


Nula pakhat pawh khan kekawr hi a ha tight thei lutuk a, “A hrehawm lo em ni?” tia an han zawh chuan, “Na chhawkna ka ei hmasa thin a,” te a ti vel...