Chanchin Maksak 83

Kum chhinchhiah lo
France pa ropui Napoleon kha Hungariaon colonel an man tak nen an inkawm a, chu Hungarain colonel chu Italy lung in tang tura an hruai a ni a.

Chu colonel chuan ral do hrat tak a nih thu leh indona vawi duai lo a paltlang tawh thu titi phunglengin a sawi bawrh bawrh a. Napoleon chuan, “I kum a upa ve tawh hle ang maw” tiin a zawt a. Colonel chuan, “Kum sawmruk emaw sawm sarih emaw vel chu ka ni ve tawh ang a,” a ti mai a. Napoleon-a chuan, “I kum zat pawh i chhin chhiah nange?” a ti he a.

Chu colonel chuan, “Ka pu, ka pawisa zat hi ka chhinchhiah a, ka kawr neih zat k hre bawk a, ka sakawr neih zat ka hre bawk a. Ka kum thu hlaah chuan, tumahin min ruksak dawn lo tih ka hriat chian em avangin ka chhut ngai lem lo, ka kum ka la hloh bawk lo,” zu ti a!




Ngaihtuah
Ford Company dintu Henry Ford chuan a thil siamna hmunah mithiam pakhat a ruai a. Chu pa hnenah chuan, “Hnathawhna hmunah kal kual la, hnathawk tha lo leh zelthel i hmuh chuan min hrilh la ka ban ang,” a ti a.

A mithiam rawih chuan an company chhung chu a fang ta ngei a. A hnu-ah chuan Henry Ford office-ah lutin, “I administrator pakhat hi ban tlakah ka ngai,” a ti a,

“A zawna ka kal apiangin a thutthlengah a ke a a hlang a, engmah a thawh pawh ka hre lo, a awm vel mai mai ni berin ka hria. He pa hi i ban ngei turah ka ngai,” a ti a.

Henry Ford chuan ban tura tih hming a hriat meuh chuan a mithiam rawih chu lu thinkhum chungin, “Ka ban thei lo, kha pa kha engmah ti lova ngaihtuah ringawt tura ka rawih a nih kha. A tih tur tak a ti a ni,” a ti a.