"Ka tling zo ve ngang lo a ni e!"
Hollywood star Charlie Sheen-a pa Martin Sheen kha lemchangmi tho a ni a, 'The West Wing' film-ah chuan US president lemah changin a larpui hle.
A fapa Charlie Sheen hi vawi khat chu US president lema chan a chak ve em tih an zawt a, ani a lo insit nasa...
"President zawng ka ni ngai lo ang. Han ngaihtuah mah teh, cocaine vangin ka lo buai tawh thin a, mihring smart chi ka ni bawk si lo. A pa pawh president a ni tawh aklawm tih vang ringawta keini ang te president-a min thlan te chuan a nuihzatthlak lutuk ang asin," a ti deuh duah!
Ram tana inthawh chhawk!
America chhim leh hmar an indo a, hmar lam an chak a nih kha. Indo zawh hlimah nu pakhat hian beisei nei takin president Abraham Lincoln-a a rawn pan a.
"Mr President, ka fapa hi colonel-ah i dah ve tur a ni. Ka chanvoah ka ngai. A phutin ka phut tlat," a rawn ti bawrh bawrh mai.
A sawi zawm zel a: "Ka pu pawh Lexington inbeihnaah khan a tel a, Bladensberg inbeihnaa a tlanchhe lo awmchhun kha ka patea a ni bawk. Ka pu, ka pa pawh New Orleans inbeihnaah khan a tel. Ka pasal lah Monterey-ah khan a thi ve bawk si," tiin.
Lincoln-a chuan, "Pi-i, nangni chhung zawngin ram tan in thawk hnem tawh bawk a, midangte ken ve a hun tawh zawk a nih chu," tiin a lo chhang fithla der!
Monday, July 5, 2010
Chanchin Maksak 80
Subscribe to:
Post Comments (Atom)
No comments:
Post a Comment