Chanchin Maksak 77

Einstein- Model?
Scientist ropui Albert Enstein-a kha pa fiamthu duh deuh mai a ni a, fiamthu-a mi han chhan liam mai mai te pawh a ching hle.

Vawi khat pawh,October ni 31, 1930-ah khan, rel-a a chuanpui pa pakhat hian Einstein-a chu a hre lo hle mai a, eng hna nge a thawh a zawt a ni awm e.

Einstein-a chuan 'model' tiin a chhang a, model-ah pawh artist's model niin a insawi. A hnua han sawichhuah leh nikhua pawhin Einstein-a hian dawt sawiah a inngai thei lo; "Painter leh sculptor hmaah ka in-pose alawm," tiin tan a khawh tlat!



Real love?
John Lennon-a leh a nupui Yoko Ono te kha nupui inhmangaih hmingthang an ni ti ila kan sawi sual awm lo e. Engtik lai paw'n an awm dun thin ni hialin a hrechiangte chuan an sawi.

Vawi khat pawh, Vienna-a an zin tumin an thlenna hotel-ah chuan bedsheet varin an pahnih chuan an intuam a, midang ngaihsakna chang hre lo khawpin tiang chuan an awm ta pek. Chanchinbumiho an rawn pungkhawm a, bedsheet chu an hual tuau mai. A thenin 'hetah hian an awm' an ti a, a thenin an awih lo thung. Chutia an inhnial lai chuan bedsheet chhung atang chuan Yoko chu a rawn zai ta rat rat a! Hemi tum hian Yoko hian Japanese folk song a rawn sa a ni awm e!