Hling chunga par
Literature khawvela hming dai ngai lo tur, mitdel, hla phuah thiam, Milton-a kha nupui nei fuh loa sawi a ni. A nupui kha hmeichhe nasaa sawi a ni a, Duk of Buckingham phei kha chuan 'rose' tiin a kohsak nghe nghe. Mitdel Milton-a chuan, "A rawng atang chuan ka hre thei lo, mahse, rose zawng a ni ngat ang, a hlingin min chhun thin tlat," a ti!
Party list tih vel ngaihtuah ve lo
America chhim leh hmar an indo a, hmar lam an chak. Indo zawh hlimah nu pakhat hian beisei nei takin president Abraham Lincoln-a a rawn pan. "Mr President, ka fapa hi colonel-ah i dah ve tur a ni. Ka chanvoah ka ngai. A phutin ka phut tlat," a rawn ti bawrh bawrh mai.
A sawi zawm zel a: "Ka pu pawh Lexington inbeihnaah khan a tel a, Bladensberg inbeihnaa a tlanchhe lo awmchhun kha ka patea a ni bawk. Ka pu, ka pa pawh New Orleans inbeihnaah khan a tel. Ka pasal lah Monterey-ah khan a thi ve bawk si," tiin.
Lincoln-a chuan, "Pi-i, nangni chhung zawngin ram tan in thawk hnem tawh bawk a, midangte ken ve a hun tawh zawk a nih chu," tiin a lo chhang fithla der!
Sunday, May 9, 2010
Chanchin Maksak 73
Subscribe to:
Post Comments (Atom)
No comments:
Post a Comment