Chanchin Maksak 66

Lalpa thatzia hi, tem chhin ve teh reng u
Thuziakmi Mark Twain-a kha a larin ngaihsan a hlawh bawk a, lehkhathawn pawh a dawng mawlh mawlh a ni ber. Vawi khat chu, amah ngaisangtu pakhat hian piancham lawmpuina thu ziakin lehkha a thawn a, mahse, a address a hriat loh avangin envelope-ah chuan tiang hian a ziak a:

Mark Twain
Address hriat loh
Pathian khawngaihna a zarah a thleng tho ngei ang

Ni engemaw zat hnu-ah chu mi chuan lehkhathawn a dawng a, Mark Twain-a lehkha a lo ni. "Pathian thatzia hi," tih zawng a lo inziak a!


Hna khirhkhan
US president chhuak ta George Bush-a kha fiamthu duh deuh mai a ni a, rin loh deuhva fiamthu han rawlh mai te pawh a ching hle.

Vawi khat pawh, president a nih tirhah khan (term hmasaah) cabinet hmaa thu a sawi hmasak ber tum chuan "Mithenkhat chuan kan hlawhchhamna lai an chang reng a nia" tiin a'n sawi te te a, "Kan tum ber chu mi beiseina tih hlawhtlin a ni bawk si," a'n tih zawm leh a, an nui dar dar a ni awm e!