Chanchin Maksak 52

Sawmna ngaithla duh lotu chu
Ziakmi George Bernard Shaw kha fiamthu thiam tak, uang deuh mai a ni a, a thu leh hlate bakah a fiamthu hi a larpui hle nghe nghe.

Awlsam taka mi han chhan vel thiam deuh mai a ni a, nula pakhat, amah khawsak pui tumtu a chhan dan pawh hi a lar khawp mai.

Milar tih takah, khawi khawi emaw ahangin sawmna a dawng reng a, hmeichhe lam pawhin amah hmuh tum leh a hhen phei chuan khawsak pui tumin lehkha an thawn hhin. Chutiang Shaw-a khawsak pui tumtu nula pakhat chuan, "He nula hi Thawhlehni tlai dar 4 leh dar 6 inkarah inah a lo awm ang," tiin zei takin lehkha a thawn a ni awm e. Shaw-a chuan tiang hian a chhang ta a; "Mr Bernard Shaw pawh chutih lai chuan inah a awm dawn," tiin. An in-date loh hmel khawp mai!



Eng vanga him nge?
Tum khat chu, thuhriltu hmingthang, DL Moody kha pa pakhat hian a rawn pan a, him lova a inhriat thu leh a mangan thu a rawn hrilh mawlh mawlh mai.

Moody-a chuan, "Nova kha a lawngah khan a him em?" tiin a lo zawt let a, a chhanna chu, "Him e," tih a ni. Moody-a chuan a sawi zawm a, "A nih leh eng vanga him nge a nih? Hima a inhriat vang nge lawng vang?" tiin.