Dam reina thuruk
France lal hmingthang pakhat, King Louis XI khan astrology a buaipui phian mai a, a rin pawh a ring hle.
Vawi khat chu, a ram chhunga astrology pakhat hian an ram court-a thawk, nu pakhat tih tur thu a sawi dik a, chu chuan King Louis XI awm a tinuam lo ta hle. Tin, chu astrologer chu a hlau deuh bawk nia sawi a ni. A rilru a luah ngang a, chu astrologer chu tihhlum a tum ta a ni.
Astrologer chu kovin, a chungthu a rel ta a, tin, thu an inzawt bawk a.
"Astrology thiam i inti a, mi hmakhua te pawh hre theiin i insawi bawk a, i dam rei tur zawng i hria em?" tiin thinrim takin lal chuan a zawt a, astrolger chuan a chhang ta a ni. "Pu zahawm, i thih hma ni thumah ka thi ang," tiin a chhang a, lal chuan a thil tum a thlak nghal chiang hle, a tihlum ta lo.
Hmangaihna mak, mawi leh duhawm!
Lalu Prasad Yadav-a hi Bihar chief minister a nih laiin bawngchaw leina sum eirua puh a ni a, a hmingchhe hrep a nih kha.
Khatia bawngchaw leina chungchanga an han man, jail a luh dawn khan, a nupui, lehkhathiam lo, nu mawlmang ve tak mai chu chief minister atan ruat a ni mauh mai. Mite mak tih a hlawh hle a nih kha. Haw fe fe tawk pawh an tam a, a duh duha a kawihher theih tur a dah tia ngai an kat nuk mai.
Tan in-a an khalhluh dawn lai chuan chanchinbumite'n an bawr nasa hle. Chanchinbumi pakhat chuan no lo zet hian, "Engati nge i nupui kher i thlan?" tiin a lo zawt a ni awm e. Ani chuan rang fe hian, "Tu nupui nge ka thlan chuang ang? I nupui ka rawn thlan te i ring reng reng em ni?" a lo ti tun tun a!
Monday, February 8, 2010
Chanchin Maksak 61
Subscribe to:
Post Comments (Atom)
No comments:
Post a Comment