Nui Lawks 9

India ram home minister thar hi P Chidambaramthanga a ni maw?
- 9436159317

CNN News Editor te thukhawm:
Chief Ed: Vawiin news tur eng nge? UNO-in Press release an siam em?
Sub Ed: Siam lo; Iraq-ah mi 267 thah an ni.
Chief Ed: A va lawmawm teh hlauh ve. News van lai taka! Internet-a mi kha letling nghal char char rawh u.
- 9862468178

Wrestler lar, WWE star lar tak ni thin, Hollywood lamtluang zawha Scorpion King leh film thenkhata a changtupa hlawhtling ni ta The Rock-a khan a hming a thlak a, PS Dahrawk a inti ta! Russia president Vladimir Putin pawhin a hming thlakin, Putinhara a inti ta bawk!
- 9862343408

Veng pakhatah pawh rukru an man a. Chu rukru chuan, “Min ngaidam rawh u, ka thil ruk te hi a leiin ka lei mai ang.... rem ti hram rawh u,” tiin an khawngaih a dil lawm lawm a. A man tur an chhut ta a ni. A man zat an han sawi chuan, “A va to awm ve. A aia tlawm in nei em?” a lo ti zut zut a!
- 9862577575

Veng pakhata an tlangau pawh kha a’n kaw lo bi bei khawp a, tawngrinna a tinung a, inti zei fe hian, “Hriat tawh chungchanga veng chhung mipuite hriattirna kan han puang ang e....” a ti vei dup dup e an tih chu. "Chhiattawh chungchanga veng chhung mipuite..." tih kha a lo hre ve ni a ni ngei ang! - 9862859973

Fapa : Ka pa, ka nu hi i hmangaih vang liau liaua i neih a ni em?
Pa : Tehreng mai. Engatinge chutiang te min zawh?
Fapa : A chhan chu in inneih hnu thla 4 leka ka piang hi mak ka ti deuh a.

Related Posts :